|
صوت خبط في العربية من ورا ومفيش حد عارف سببه
السلام عليكم ورحمة الله وبركاته من بعد رمضان كدة كان فيه صوت خبط في العربية من ورا وبيزيد لما يكون فيه حد راكب معايا ورا ورحت لبتاع الغفشة وغيرت المساعدين وجلب الدنجل وبرده الصوت كان موجود ورحت لواحد تاني كشف علي العربية وقالي كل شئ تمام السوست سليمة والشكمان ومعرفش الصوت ده منين وكل لما اروح لحدميعرفش مصدر الصوت ده وانا مش عارف اعمل ايه يا ريت لو حد يساعدني في الموضوع ده انا تعبت من العربية خالص:red_face10::red_face10:
|
رد: صوت خبط في العربية من ورا ومفيش حد عارف سببه
طب العربيه نوعها ايه وايه شكل الصوت ده
ويسلام لو تسجله هو غالبا حيبقي الشاكمان بيخبط في بطن العربيه من تحت |
رد: صوت خبط في العربية من ورا ومفيش حد عارف سببه
السلام عليكم لو السياره كارونه اكشف علي صلايب الكردان وكرسي النص وياريت تفضي شنطة العربيه وتجرب الأول ممكن تكون حاجه في الشنطة بتخبط والله المستعان |
رد: صوت خبط في العربية من ورا ومفيش حد عارف سببه
وانا بامشى بالعربية كنت باسمع فيها خبط من ورا زى تك تك تك تك ورا بعضه وصوت زأزأة ساعات ماعرفش ده زى اللى عندك ولا لأ المهم سألت الميكانيكى قاللى ان البلى بتاع العجلة الورانية عايز يتشحم وبالفعل شال العجلة وشحم البلى بتاعها وكان فى حديدة معووجة كانت عاملة الصوت بردو شالها خالص وبقى كله تمام |
رد: صوت خبط في العربية من ورا ومفيش حد عارف سببه
فتش عن الشنطة انا كان عندي خبط وطلعت الطفاية هيه اللي بتخبط ولو مش من الشنطة ياريت تقول نوع لعربية وتوصف الصوت
|
رد: صوت خبط في العربية من ورا ومفيش حد عارف سببه
أنا عندى حل ممكن ينفع إرفع العربية فى البنزينة أو فى أى حتى و هات معاك ميكانيكى أو بتاع عفشة و علق دواسة البنزين بأى حاجة و قفوا تحت العربية و لو الصوت طلع حاولو تتبعوا المصدر و الله الموفق :fun_36_1_39[1]:
|
رد: صوت خبط في العربية من ورا ومفيش حد عارف سببه
شكرا لكل اللي رد عليا هي العربية نوعها فيات سيينا وصوت الخبط زي ما يكون كدة حاجة حديد بتخيط في بعض وعموما انا هجرب افضي الشنطة واشوف الصوت ده منين وادعوي لي فيه مشكلة اكتشفتها ان الكوتشتين اللي بيمسكوا المساعدين مش موجود هم المفروض ما بيتغيروش مع تغيير المساعد بس هما مكنوش موجودين في العربية من الاساس وانا بدور عليهم استيراد واصحاب المحلات بيقولوا لازم اشتري المساعدين بالكامل مع الكاوتشة وانا شاكك ان هم السبب في الصوت ده[/B][/SIZE]
|
| الساعة الآن 04:25 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017