عاوز اركب فوانيس شبورة لفيرنا 1600 كاملة ؟
اية المطلوب اشترى انهى نوع وبكام كل نوع؟
من فيين ؟ التركيب بكام ؟ الزرار اللى فى التابلوة .؟ ميين اللى حيركبة ؟ حيفكوا التابلوة؟ اروح التوكيل احسن على شان فك التابلوة ؟ النور الابيض ولا الاصفر احسن ؟ ميين اللى مرور بيقول علية غلط؟ |
رد: عاوز اركب فوانيس شبورة لفيرنا 1600 كاملة ؟
بص عن تجربة كل اللى فى السوق مش حلو نهائى وهيقشر المرايا بتاعتة وهتبقى لون الفنوس اصفر بعد اسبوع وبعدها رحت التوكيل وسئلتة جابلى فانوسين وبالفيشة بتاعتهم والزرار الاصلى مش اللى بيتعمل عند الكهربية ومنظرة جامد جدا كام ياعم بالتركيب قالى 1000 شكل الفانوس بيبرق فظيع غير اى فانوس ركبتة بش فى الاخر طلع مفيش الوقتى المبلغ وان شاء الله شهر بالكتير واركبة
|
رد: عاوز اركب فوانيس شبورة لفيرنا 1600 كاملة ؟
بص ياغالى هاتروح التوفيقيه وتسال عن محل اسمه السجان وده هتلاقيه فى ممر ضيق كده المحل ده بيستورد كماليات من كوريا ومن تايوان حتى الصينى بتاعه درجه اولى وبالنسبه للزرار اقولك كلمنى احسن 0118566463
|
رد: عاوز اركب فوانيس شبورة لفيرنا 1600 كاملة ؟
ليه يا أستاذ سيد احمد يعنى هوا يكلمك واحنا منفهمشى حاجه أكتب هنا كمان عشان الناس تستفيد
|
رد: عاوز اركب فوانيس شبورة لفيرنا 1600 كاملة ؟
السلام عليكم انا معايا فيرنا ومركب فوانيس شبوره والزرار الاصلي مركبهم من 3 سنين
وركبت فيهم زينون بس الزينون حرارته عليه عليهم وخلاهم طوسو من جو فنزلت عزبه سعد واشتريت طقم جديد سعره 100 جنيه باللمض ركبه فيهم http://up11.up-images.com/up/viewimages/b2d85f0853.jpg ودي صور العلبه بتعتهم علي فكره انا من اسكندريه وممكن تخليهم ينورو مع النور الصغير وخلاص |
رد: عاوز اركب فوانيس شبورة لفيرنا 1600 كاملة ؟
بص يا باشا أنا ركبت الفوانيس الصينى سعرهم 75 جنيه والمفتاح عامل 45 جنيه والكهربائى ركبلى القصة دى كلها وجابلى الفيشة بتاعة ا لزرار والكتاوت من عنده وخد منى 60 جنيه وعايز اقولك ان الاضاءة بتاعتهم قوية جدا وبعتمد عليها ومبجتاجش اولع النور الوسطانى
بس الزرار نصيحة هاته استيراد احسن لان الموجود غالى ومش اصلى ومش لون الزراير التانية لونه رمادى فاتح وبعدين على فكرة العربية الكاملة بتنزل من الفابريكة عاملين حساب الفوانيس من قدام يعن ضيفرتهم الكربائية موجوده مستخبية تحت فوانيس العربي من جوة وعلى فكرة الكهربائى ركبهم زى الفابريكة بالظبط والموضوع كله كلفنى 180جنيه بس ولو عايز الكربائى هو فى الهرم خلف كايرو مول |
رد: عاوز اركب فوانيس شبورة لفيرنا 1600 كاملة ؟
معلش نسيت اقولك ان الموضوع ما بيحتاجش فك تابلوه ولا حاجة هو بيشيل الطبة بتاعة الزرار بس وبيمد سلك من عند علبة الكتاوت من قدام وبعدين بيوصل السلك لفيشة المفتاح وبيحط المفتاح مكان الطبة الموجودة يمين مفتاح الانتظار
الموضوع بسيط.....مش محتاج مرواح للتوكيل النصاب بتاع غبور ارجو الاستفادة وشكرا:THE_PR~18: |
الساعة الآن 05:19 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017