|
ياريت كل واحد يملك سياره نيسان صني يدخل يقول تجربته للعربيه
السلام عليكم ورحمه الله وبركاته انا بطلب من كل عضو في المنتدي يملك بالفعل نيسان صني يدخل يقول رايه في العربيه هل العربيه مريحها ومبسوط منها ووايه المميزات الللي شايفعا والعيوب وبكده يبقي قيمنا العربيه صح دون مجامله او افتراء عليها لان ف بعض الاعضاء لا يملكونها وبيقول رايه عن سمع فانا عايز اللي فعلا يملكها وله تجربه سابقه مع تلك العربيه يقول رايه بس ياريت يقول الموديل وهل هي اتوماتيك ولا مانويل ولكم جزيل الشكر
|
رد: ياريت كل واحد يملك سياره نيسان صني يدخل يقول تجربته للعربيه
بص
انا زميلي عنده موديل 2011 مقعدتش شهور كان ماشي والعجله طرشقت والايرباج مطلعتش وطبعا خبط الجزيره_الحاجز_ اللي في النص الطريق وشركة التامين قدرت العربيه توتال لوس...total loss يعني باختصار العربيه اتدمرت لا تقولي بقي abs__ ولا اير باج ولا اشتغالات ولا اختبار تصادم التقفيل المصري حيفضل مهما يكون بس انا عربيتي ليجانزا هنا في السعوديه مره اتزحلقت علي الطريق الرملي وانا باخد ملف مفاجئ علي سرعه حتصدق لو قلت لك العربيه عدلت نفسها تاني مش عارف ازاي يعني اتعدلت معايا لوحدها طبعا بستر ربنا ورحمته علينا بس ادينا بناخد بالاسباب انا مش عايز اخرجك بره الموضوع لكن النيسان مشاكلها كترت في مصر مش عارف لييه والتقفيل وما ادراك ما التقفيل ده غير ان الوكيل بيسترخص تخيل الالنترا 140000 ومفيهاش غير ايرباج واحده وهنا بتنزل ب4 وب 6 وبارك سينسور و........و....... لأ وايه ارخص مرتين تلاته والله احنا في مصر غلابه اوي العيال هنا بتامرك وتفحط بالكامري والاكورد والليكزس اه والله بالليكزس معلش انا بفضفض عشان مخنوق :fun_36_1_44[1]: وخد مني حكمه مشكلتنا في مصر مشكلة اخلاق :fun_36_3_11[1]: |
رد: ياريت كل واحد يملك سياره نيسان صني يدخل يقول تجربته للعربيه
اهلاوسهلا اخوك محمدمن بنى سويف معى نيسان صنى 2011 مانيوال لون اسود فرش داخلى غامق تاريخ الشراء1-1-2011 من السبع عامل بيها 3600ك انا عامة استعمالى خفيف للسيارات لكن كل المسافات دى كانت سفر العربية اتزان على الطريق سحب جيد وصلت بيها على طريق الكريمات 140كم تكييف محترم عائلية ممكن ضيقة من ورا لكن عائلتى اربع افراد اول ما اشترتها ووصلت لصيانة الف كان فى صوت دب من الامام كانت محتاجة تتربط كمان خفيت ضغط الكاوتش ل 30 فاختفى الصوت الحمدللة مافى شكوى تانى منها قريب هروح صيانة ال 5000 عندنا ببنى سويف مركز رايق وكمان بيعمل صيانة ودة جديدلميتسوبيشى وتويوتا ومعتمد.اخيرا سيارة بيها كل اللى محتاجة وملائمة لظروفى ودة شى مهم انى جيبت سيارة مناسبة لظروفى ولبيتى ولاستعمالى وكمان الفلوس مناسبة جبتها 85الف ومن الاخر اى انسان ظروفة المادية تسمح يجيب افضل عربية على وجة الارض اكيد مش هيتردد صح ولا اية.توكل على الله وشوف السيارة مناسبة لظروفك ماديا ومعنويا ولا ستعمالك
|
رد: ياريت كل واحد يملك سياره نيسان صني يدخل يقول تجربته للعربيه
انا معييش العربية بس مع حمايا 2007 ex salon اوتوماتيك و انا سوقتها كتيير
ماتور جبار فتيس ذكى و سريع التجاوب صاج قوى بالنسبة لباقى الموجود عفشة حمارة شغل حمايا بيحمل فيها كل حاجة ينفع تحملها على نص نقل ( اسمنت - زلط - طوب - سراميك ) و حتى يومنا هذا العربية كانها زيرو تقفيل الابواب سيىء يعنى اللانوس احسن منها فى تقفيل الابواب بس بأمانه و الله مش مشكلة عويصة و قابلة للظبط بس حمايا الى مكبر و برضه اكتب فى شريط بحث جوجل اعلى المنتدى ( نيسان صنى ) و اتطلع على اراء اكتر بكتير او زور قسم النيسان فى المنتدى او فى جوجل من برا المنتدى و اكتب نيسان صنى و حيجبلك من الشرق و الغرب |
رد: ياريت كل واحد يملك سياره نيسان صني يدخل يقول تجربته للعربيه
علشان بس جهازي بيفصل كل شويه
انسي نيسان بجد نصيحه ابعد عن العربيه دي وشويه وهكتبلك السبب |
رد: ياريت كل واحد يملك سياره نيسان صني يدخل يقول تجربته للعربيه
انا معايا صني سوبر صالون 2009 عاملة 45000 كيلوا الشكل الجديد انا بحب اوضح حاجات مهمة جدا
اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم. ثانيا: اكذوبة ان العربية غول بنزين انا باعمل 380-400 كيلو جوة البلد 30-33 لتر بنزين ولما باسافر اسكندرية رايح جاي 35 لتر من 450-480 كيلو. وعلسان توفر فى البنزين خليك على اقل من 3000 RPM. العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل. سحب العربية ممتاز لكنة بيتاثر جدا بحاجتين في الاول بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية. العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح احر مصطنع. كل دة 103000 الف جنية. بصوا للسوق وشوفوا العربيات بالامكانت دى بكام اما البكانتو 2011 1300 cc 96000 جندى. نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام. غيروالزيت واستخدموا valvoline او lquimoly انا فرق معايا جدا لما غيرت موبيل1* وجبت فالفولين واستهلاك البنزين فرق معايا جدا. واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة واى استفسار انا فى الخدمة. |
رد: ياريت كل واحد يملك سياره نيسان صني يدخل يقول تجربته للعربيه
اقتباس:
اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم. ثانيا: اكذوبة ان العربية غول بنزين انا باعمل 380-400 كيلو جوة البلد 30-33 لتر بنزين ولما باسافر اسكندرية رايح جاي 35 لتر من 450-480 كيلو. وعلسان توفر فى البنزين خليك على اقل من 3000 RPM. العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل. سحب العربية ممتاز لكنة بيتاثر جدا بحاجتين في الاول بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية. العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح احر مصطنع. كل دة 103000 الف جنية. بصوا للسوق وشوفوا العربيات بالامكانت دى بكام اما البكانتو 2011 1300 cc 96000 جندى. نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام. غيروالزيت واستخدموا valvoline او lquimoly انا فرق معايا جدا لما غيرت موبيل1* وجبت فالفولين واستهلاك البنزين فرق معايا جدا. واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة واى استفسار انا فى الخدمة""" متفق معاك انا جبت صنى 2011 والحمد الله راضى عن ادائها بالمقابل لسعرها، وليس مقابل مثيلتها الاغلى بما لا يقل عن 20 الف جنية. |
| الساعة الآن 09:43 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017