|
من مع مشروع قرار احلال الملاكي ومن متضرر؟
السلام عليكم ورحمه الله وبركاته
اخوانى نريد ان نعرف من يؤيد قرار احلال الملاكى يراه انه به افاده له ومن لا يؤيد هذا القرار ويراه يمثل ضرر له هذا الموضوع تمهيدى لكى يُعرفنا بعدد المستفيدين و عدد المتضررين وقد يمثل انعكاس يمكن الاستشهاد به ان تقرر فعلا العمل بقانون الاحلال لان الذى حدث مع التاكسيات " سيارات تشغليها يعود على مالكها بالنقود والمكاسب " غير عادل ان يحدث مع السيارات الملاكى " سيارات خاصه لا يجني صاحبها من تشغليها نقود او مكاسب" المفروض والمعمول به ان قرار تكهين العربية او اهلاكها لا يخضع لسنه صنعها وانما يتخذ بناءً على حالتها الفنيه بواسطه الفحص الفنى
السيارة سليمة فنياً ولايوجد بها مشاكل و استهلاكها فى البنزين مثالي(بنزين 90) و قطع غيارها موجوده ومنتشرة ومازالت تنتج "مطابقة لقطع غيار شاهين" بطمع فى تدخل الرئيس لرفع الظلم الذى يسوقة إلينا مشروع قرار احلال الملاكي ارجو التفاعل |
رد: من مع مشروع قرار احلال الملاكي ومن متضرر؟
انا مع احلال الملاكى بس اخضاعها لسنه الصنع مش لحالتها بمعنى ان يتم تكهين السيارات اللى عمرها عدى 15 او 20 سنه دى لازم تتكهن مع احترامى لكل الاراء
|
رد: من مع مشروع قرار احلال الملاكي ومن متضرر؟
اقتباس:
كلام مضبوط لان الشوارع بصراحه كلها مطبات وقرف وبعدين الزبون اللى بيركب التاكس القديم مش هيدفع زى الزبون اللى هيركب تاكسي جديد ومكيف وتمنه فوق ال70 الف جنيه الحاله الاقتصاديه للشعب المصرى متستحملش ...ptmnlo123per1106 بس هما عملوا حركه حلوه انهم استسنوا البيجو 504 من التجديد لان بصراحه عربيه كلها عضم يعنى من الاخر فى تاكسيات فى مصر عايزه الحرق وفى عربيات لسه حالتها كويسه وتستحمل 10 سنين شغل كمان والمفروض لجنه هيه اللى تحدد ده مش كله يجدد عاطل مع باطل كده بس فى الاخر هقلكوا شوفوا مين المستفيد من موضوع الاحلال والتجديد فى ظل الازمه الماليه العالميه دى |
رد: من مع مشروع قرار احلال الملاكي ومن متضرر؟
انا مع مشروع الإحلال للعربيات القديمة التى طالما تجدها عطلانه طوال ما الواحد ماشى فى الشارع
|
رد: من مع مشروع قرار احلال الملاكي ومن متضرر؟
والله انا مع التطوير ونفسى اكيد زى اى حد اشوف فى شوارع مصر افضل واحدث عربيات مطابقة لشروط الامان والبيئة
هل حقاً الحفاظ على البيئة هو الهدف ؟ طب اذا كان كده ليه مفيش احلال للميكروباصات الالترامكو اللى بتتجدد باى حالة وباى موتور وباى سعة واى عفشة ده حتى فراملها طنابير قدام وورا وابوابها مخلعة http://productnews.link.net/general/...25Microbus.jpg هل حفاظا على المرور علشان العربيات ديه بتعطل كتير ؟ طب ليه العربيات المقطورة متمنعتش حتى الان بحاودثها المرورية الكارثية اعمل محفزات احلال باعفاء ضريبى كامل او فوائد صفر فى المية اعمل مشروع سيارة بصناعة ومكون مصري اقتصادية ووفرها بسعر منافس لكن الاحلال فقط لانعاش سوق السيارات والقطاع البنكى ده ظلم بين للناس وحل لمشكلة بمشاكل اكثر |
رد: من مع مشروع قرار احلال الملاكي ومن متضرر؟
ptmnlo123per154أعزائى الزملاء كل سنة وانتم طيبين وبخير ومن العايدين شهر رمضان الكريم أعوام مديدة بالنسبة لرأس الموضوع فالهدف ليس نظافة وتجميل المدينة واخلائها من التلوث فهل القمح المستورد الذى شهد مصدره أنه رفض الاعتراف به صالح للاستهلاك الآدمى ومستورده هو ومجلس شعبه يتحاورون فى الافك وبه- والاعلام يشاطرهم -حتى يتم نفاذ استهلاك الكمية لو سمحتم نبطل منظرة وان كان هناك ناس ربنا مسهلهم بالوسايط والمحسوبية أكل عيشهم ولقمتهم جلاش فى ملايين من العاطلين وملايين من ذوى الدخل المحدود . أى هناك من ورث سيارة وهو بنفسه ودخله لا يستطيع شراء أرخص سيارة. وهناك من جاع ليالى وأيام ليدخر ثمن السيارة السنكوحة التى يدرأ بها عن أهل بيته مذلة البهدلة فى المواصلات وغلاء أسعار التاكسيات. اتقوا الله ولا تظنوا أن كل الناس قادرين على تغيير سياراتهم ،ان كانوا غير قادرين على تسديد قوت يومهم. أما الحكومة فهى تلعب لحساب الكام أسرة التى تمسك بالحياة الاقتصادية فى مصر. من يفرض جمارك مثلما يحدث فى مصر؟ من يجمع سيارات عبارة عن زبالة السيارات ويبيعهابأغلى الأسعار ما مجتمعنا الى حكومة سماسرة وقليل لا يفقه مايحدث له ويحب الموضة ويعتبر بذلك أنه لارج وكثير مغلوب على أمره لا يعرف الجولف ولا الهوكى ويكمل عشائه ماء . أنا ضد هذا المشروع لأنهم لماذا يحددوا سيارات الاستيراد ب 3 سنوات بما فيهم سنة الصنع؟ من يفرض جمارك على قطع غيار السيارات التى لانصنعها ولا نعرف كيف نصنعها؟ فلو كانت رخيصة وبدون جمارك لوجدت السارات القديمة على سنجة عشرة احنا لانرمى الحذاء ولكن نصلحه ونجدده فكيف فى أصل ثمنه مثل ثمن السيارة؟ علما بأن الجمارك لا تحمى الصناعة المحلية ولكنها تخفس القيمة الشرائية للجنيه المصرى الذى تفوق عليه الجنيه السودانى ( سابقا 150 سودانى = واحد جنيه مصرى حاليا واحد جنيه سودانى = 2.5 جنيه مصرى وهذا من عام ) وشماخرة الحكومة مازالوا يصرون على نسب التنمية الوهمية التى يدعون تحقيقها لأنهم لم يكونوا شاطرين فى الحساب فحسبوا الخسارة مكسب وكان راسبين فى حساب المئة فالنسب عندهم ضايعة وايهام الشعب هو الهدف الميمون ليختلفوا ويتضادوا ويتناحروا على وجهات نظر مع ان البراهين ساطعة ولا يخدعكم أحد بالعرض والطلب فلا يوجد دولة ليس بهل كنترول على السوق والعرض والطلب والا كان ممكن تشترى قنبلة ذرية أو صاروخ عابر للقارات أو ماهية تكنولوجيا الليزر.ان حكومة الاتاوات بزعامة الفسل د يوسف بطرس غالى لن تذهب بالدولة الا الى الجحيم وليس هناك حكيم يدرك ذذذذذلك انظر حولك وانزل الأحياء الشعبية وشوف الغلابة عايشين ازاى وعلى فكرة اذا كان حد قرأ فى التاريخ همه دول القوة الحقيقية لأن ليس عندهم مايخافوا عليه فى الدنيا ولو ضاقت بهم فسيأكلوا كل ما على الأرض بأسنانهم وايديهم مهما واجهوا من أسلحة. مع تحياتى الكلام يطول
|
رد: من مع مشروع قرار احلال الملاكي ومن متضرر؟
هو الاحلال حتى سنة 80 ؟
|
| الساعة الآن 03:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017