لو مشكلتك سلك الدبرياج 305بيجو ادخل على الموضوع واعرف الحل
السلام عليكم الموضوع ده انا منزله فى رابطه 305 ولكن قلت اعمل موضوع خاص لسهولة البحث عنه والفكره بسيطه جداً انا كل حوالى شهرين بيقطع معايا سلك الدبرياج اجيبه تايوانى -ايطالى-تونسى - كله بيقطع المهم انا فكرت انى اعمل تعديل واخلى الدبرياج يبقى هيدروليك بس حسبتها لقيته هايبقى مكلف وممكن فى الاخر مايعجبنيش قلت اعمل تعديل فى الواير اسهل وكمان انا عندى كمية وايارات بايظه تفتح محل قطع غيار المهم الواير عندى بيبوظ من عند الفيبره التى تركب من عند السيرفو الظافر العلوى للفيبره هى اللى بتتكسر المهم جبت واير قديم من عندى وفكيت البرشامه اللى بتبقى فى اخر السلك وبيبقى فى الطرف التانى مسمار الرجلاش وعملت على المخرطه رسمه مثل الفيبره بنفس المقاسات وعملت كمان جلبه زى الفيبره بالظبط وقطعت الجلبه بزاوية ميل مثل زاوية الفيبره ولحمت الجلبه الحديد فى رسمة الفيبره الحديد اللى عملتهم على المخرطه وركبتها مكان الفيبره البلاستيك وعملت برشام وبرشمت به اخر طرف للسلك وركبتهم فى العربيه وكنت خايف ليقطع زى الاول ولكن الحمد لله زى الفل ورحت عامل واحد تانى احطياتى وصورته وقلت اوريهلكم http://www.2shared.com/photo/XpKI6kFU/100_0236.html http://www.2shared.com/photo/Yw_1R9JA/100_0239.html http://www.2shared.com/photo/XpKI6kFU/100_0236.html |
رد: لو مشكلتك سلك الدبرياج 305بيجو ادخل على الموضوع واعرف الحل
|
رد: لو مشكلتك سلك الدبرياج 305بيجو ادخل على الموضوع واعرف الحل
|
رد: لو مشكلتك سلك الدبرياج 305بيجو ادخل على الموضوع واعرف الحل
انا معنديش 305 .. لكن عنوان الموضوع شدنى .. عجبنى اوى ان حضرتك مش وقفت قدام المشكله مكتوف اليدين .. لكنك فكرت ونفذت ونجحت .. اتمنالك النجاح ف حياتك .. وربنا يوفقك ومبروك ع الواير الناجح داا:286:
|
رد: لو مشكلتك سلك الدبرياج 305بيجو ادخل على الموضوع واعرف الحل
اقتباس:
شكرا على الرد الجميل ده والمثل بيقول الحاجه ام الاختراع ههههههه ولو انا ماكنتش عرفت احل المشكله كنت هابيع العربيه لان حاجه زى دى بتزهقنى جداً :thnkr: |
رد: لو مشكلتك سلك الدبرياج 305بيجو ادخل على الموضوع واعرف الحل
هو مافيش حد عنده بيجو 305 فى المنتدى غيرى فين الردود على الاقل عشان لو فى حاجه مفيده الواحد ينزلها هههههههه |
رد: لو مشكلتك سلك الدبرياج 305بيجو ادخل على الموضوع واعرف الحل
حقيقة الصور منزلتش علشان افهم الموضوع لكن الواضح انك بتعانى من انقطاع كابل الدبرياج فى ال 305 وانا قبل ماشترى الكيا كان معى 305 لمدة 10 سنوات وهى سيارة جميلة جدا مش عارف ليه محدش اشترى خط الانتاج القديم واعاد انتاجها فى مصر المهم كابل دبرياج ال305 وعند اتصاله بجسم السيارة عند بدال الدبرياج له بايب يعنى كوع شكل البايب بلاستيك ولابد ان يكون هذا البايب متجه لاسفل يعنى ناحية الارض اما لو ركب البايب فى صدر العربية افقى وانت ساعتها تحس ان ده الصح بيقطع الواير لانه بيحك فى الصاج لما تدوس دبرياج البيايب راسى ومتجه لاسفل كانه رايح ناحية الارض تحس ساعتها ان شكله مش راكب صح لكن هو ده التركيب الصحيح وطبعا انا اتقطع منى حوالى 4 كابل لحد ماعرفت الكلام ده من ميكانيكى بيجو واخر كابل ركب كان تونسى وقعد 9 سنوات وبعت السيارة وهو راكب فيها ارجو ان اكون افدت فى هذا ولا تنسانى من الدعاء وشكرا ... الصورة نزلت ايوه اخر حته فى الكابل الى فيها المشقبية الى بتدخل فى الصاج تكون متجهه هى والكبل نحو الارض.
|
الساعة الآن 07:45 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017