أول صور و تفاصيل النسخة رباعية الدفع من فيات باندا 2013
أول صور و تفاصيل النسخة رباعية الدفع من فيات باندا 2013
كشفت شركة "فيات" الإيطالية عن التفاصيل و الصور الرسمية للنسخة رباعية الدفع من فيات "باندا" 2013، وده قبل معرض باريس الدولى للسيارات أواخر شهر سبتمبر والنسخة رباعية الدفع من باندا 2013 أو زى ما بيسموها بـ"سوبر باندا" بتتميز بحزمة تصميمية للطرق الوعرة للتماشى مع مهمتها الجديدة فحسب "اى فرات" إشتلمت على أغطية من البلاستيك المقوى و حماية مزدوجة لأسفل السيارة وكمان مصدات معدلة من الألمونيوم، بالاضافة لزيادة إرتفاع السيارة مع عجلات جديدة مقاسها 15 بوصة. وبالنسبة لتحت غطاء محرك النسخة رباعية الدفع من "باندا 2013" فى خيارين من المحركات، أول واحد توربينى من طراز “TwinAir” سعته 0.9 لتر بقوة 84 حصان، والتانى ديزل من طراز “MultiJet II” سعته 1.3 لتر بقوة 74 حصان. وكل منهم متوصل بنظام الدفع الكلى عن طريق ناقل حركة سداسى النسب، مع توافر نظام التحكم الإلكتروني فى الثبات “ESC” بالاضافة لنظام قفل التفاضل المركزى وده علشان تضمن أكبر قدر من التحكم و الأمان على الطرق الوعرة. |
رد: أول صور و تفاصيل النسخة رباعية الدفع من فيات باندا 2013
موضوع جميل ومنظم
جزاك الله خيرا على مجهودك |
رد: أول صور و تفاصيل النسخة رباعية الدفع من فيات باندا 2013
قليل اوي 900 سي سي حتي لو كان محرك توربيني
او حتي 1300 علي البدي دا شكرا علي الاضافة |
رد: أول صور و تفاصيل النسخة رباعية الدفع من فيات باندا 2013
أزاى دفع رباعى ويعملوها 0.9 أو حتى 1.3 سي سي .. دى تبقى ضعيفة جداً والرينو داستر على الأقل الداستر 1.6 برقابتها !!!!
|
رد: أول صور و تفاصيل النسخة رباعية الدفع من فيات باندا 2013
يثبت الموضوع لفترة ان شاء الله |
رد: أول صور و تفاصيل النسخة رباعية الدفع من فيات باندا 2013
هيا العربيه دى هتنزل مصر ولا لا
|
الساعة الآن 08:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017