![]() |
البطاريات بتبوظ فى شهر 7
:shyy: السلام عليكم يا أهل مصر موتورز بطارية العربية اللى جاية فيها باظت فى 7 /2010 والعربية مو2009 اشتريت ac delco اخت اللى كانت فيها بمبلغ جامد باظت فى 7 / 2011 وبعد مرور الضمان بيومين إشتريت تركى و بتنتهى الأيام دى يعنى 7 /2012 ------------------ والملاحظ إيه إنها تعتل فى الدوارة إنما بتدور العربية بجد محتار :shyy: |
رد: البطاريات بتبوظ فى شهر 7
والله انا مش عارف اقول لك ايه ؟؟:shyy::shyy:
لكن انت ركبت الكسوه بتاعت البطاريه عليها تانى بعد اما غيرتها اكشف على شحن الدينامو وهل بيعوض الفقد فى شحن البطاريه فى حالة تشغيل التكييف او النور ولكن قدر الله وما شاء فعل |
رد: البطاريات بتبوظ فى شهر 7
أنا عملت لها كفر إمبارح بس طبعا متأخر http://store3.up-00.com/July12/cT587869.jpg أهو ينفع للجديدة المحير بقه إن بطارية السنة اللى فاتت إديتها لواحد صاحبى وشغالة معاه فى 128 لدلوقت:thnkr: والكهربائى محتار جداً لأنه خلعها بإيده وقال إوعى تشترى غير لما نفهم اللى بيحصل |
رد: البطاريات بتبوظ فى شهر 7
باشمهندس..
ثانية واحدة بس ، حضرتك بتقول البطارية بتدور العربية لكن بتعتل.. وانا العيب دا كان معاي من كام شهر.. ولما رحت التوكيل قالي بطارية قولتلوا قيستها وقيست شحنها وقت الدوارة وكلوا تمام.. قالي يبقى بوجيهات أو رشاشات أوووووووو .......إلخ.... المهم بعد ما قعدت احاور معاه وتفاصيل كتيرة طلع العيب ان جوان فرن الشكمان هو سبب التعتيلة دي.. * انصحك بقياس شحن البطارية في حالة عدم التدوير.. وقياس البطارية اثناء التدوير القيم التقريبية (الحالة الأولى : 12.5 وحتى 12.8 ، الحالة الثانية : 13.6 وحتى 14.3) * المشكلة عندي: مشوار طويل أو ركنة طويلة وبعد كده تدوير.. بتعتل في الأول وبعد محاولة تانية وتطويل الStart.. بتلقط وتشتغل.. وبعد تغيير الجوان.. بتلقط من أول لحظة |
رد: البطاريات بتبوظ فى شهر 7
تسلموا يا شباب أنا كمان لوجي بتنام مني لكن لأني بغيب عنها بسبب دخولي المستشفى كثير لأكثر من أسبوع بدون تشغيل اسمع كلام الأخوة الأفاضل و خير بأمر الله
|
رد: البطاريات بتبوظ فى شهر 7
اقتباس:
اخى الكريمالغالى كيمو تم قياس شحن الدينامو ومظبوط وأحد الكهربائية قال البطارية سليمة على الجهاز ومنورة أخضر أهو وكانت منورة والتانى قالى بايظة على الجهاز أهو وبتودع ومش منورة خالص بس بتعتل وتدور زى البطاريتين اللى فاتو والكهربائى التالت اللى معاصر قصة البطاريات شك فى المارش ورجع قالى صوته كويس مش محتاج صيانة وأنا من خوفى لتعملها فى مكان معرفش أخد توصيلة والعربية أتوماتيك بجرى أجيب بطارية وبالنسبة للجوان أنا متأكد إنه سليم بس هاكشف عليه موضوع محير بجد :08A742~169: |
رد: البطاريات بتبوظ فى شهر 7
اقتباس:
أولا ألف سلامة لكى أختى توته ثانيا تخيلى عندى أسيب العربية لغاية 10 تيااااام وتدور عادى ومش مرتبطة بسخونة أو كاسيت المفروضإنى بفهم فى العربيات بس كدة مش فاهم إللى بيحصل :shyy: وفعلا كلامك صح أكيد خير بإذن الله |
الساعة الآن 11:42 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017