هتجنن أجيب لوجان ولا فيرنا :(((((((
 

بسم الله الرحمن الرحيم

ازيكو يا رجالة .. بصو بقى اسمعوني للآخر و خدوني على قد عقلي لأن بجد بقالي

اسبوع محتار و مش قادر اخد قرار ..

انا معايا دايهاتسو تيريوس مو 2000 جير عادي و تعباني و ببيعها .. ما علينا :shyy:

المهم .. انا اخر امكانياتي سعر السبعينات ..

و عايز اركب الزيرو بقى مرة في عمري :06A7D5~132:

الفيرنا عندنا في المنصورة عاملة 71750 جنيه كاملة جير عادي مو 2012

اللوجان عندنا في المنصورة عاملة 72000 جنيه كاملة جير عادي مو 2013

طبعا انا من دراستي في المنتدى هنا و اصحابي عارف التالي :

أولا : مميزات الفيرنا : -
- موتور قوي
- تكييف ممتاز
- عفشة ناعمة نسبيا
- قطع غيار رخيصة و في كل مكان

ثانيا : عيوب الفيرنا : -
- واطية شوية
- تقفيل معيوب في بعض الأحيان
- شكل عام في الركوب و القعدة مش قد المقام .
- مش ثابته بعد 100 كم / ساعة

ثالثا : مميزات اللوجان :-
- واسعة و شنطة واسعة جدا .
- عفشة ناعمة جدا جدا .
- عالية عن الأرض و مش بتحك في المطبات
- صالون شكلو جميل و عدادات اجمل
- ثباتها احسن من الفيرنا .

رابعا : عيوب اللوجان :-
- تكييف أضعف من الفيرنا .
- قطع غيار غالية و مش متوفرة زي الفيرنا


النهارده بقى ميكانيكي قاللي التالي :

اوعى تجيب اللوجان لأن محدش هيشتغلك فيها
دي كلها زي كل العربيات الأوروبي على كمبيوتر و متشفرة و محدش فاهملها
انما الفيرنا عند اي كلب لابس عفريته ( معلش ألفاظو مش حلوة :shyy: ) هيصلحهالك و يلم اي حاجة فيها بفلوس قليله.

انا عايز عربية محسش فيها اني متهان و في نفس الوقت تقضي الغرض
و انا مش بتاع جري عشان طلعت كل طاقتي في الجري في التيريوس بتاعتي لحد ما طلعت عيني :)) فبقيت محترم اوي الوقتي ( ناس متجيش إلا بضرب ال....:shyy: )

أنا عايز بقى منكو يا اخواتي و حبايبي تنصحوني
بس سايق عليكو النبي ( صلى الله عليه و سلم ) اللي ينصح ياخد بالو اني في المنصورة مش في القاهرة يعني أقاليم و المصحف :)


انا لما ركبت الفيرنا تاكسيات الدنيا و الآخرة هنا في المنصورة قلت حلوة
و لما سقت رينو لوجان 2010 بتاعت صاحبي قلت أحلى و أحلى
بس خايف أتذل تاني في قطع الغيار الغالية او المش موجودة :((

غرقان بيتشعلق في قشة ... حد يلحقني بأي كلام يساعد بقى الله يكرمكو

معلش انا رغاي بالفطرة :shyy: بس حبيت أوصفلكم الوصف الدقيق للحالة

عشان محدش يخش يقولي عيوب و مميزات انا عارفها لأني بحثت و ذاكرت في المنتدى كتيييييييييير :)

هتجنن أجيب لوجان ولا فيرنا :(((((((
 

بسم الله الرحمن الرحيم

ازيكو يا رجالة .. بصو بقى اسمعوني للآخر و خدوني على قد عقلي لأن بجد بقالي

اسبوع محتار و مش قادر اخد قرار ..

انا معايا دايهاتسو تيريوس مو 2000 جير عادي و تعباني و ببيعها .. ما علينا :shyy:

المهم .. انا اخر امكانياتي سعر السبعينات ..

و عايز اركب الزيرو بقى مرة في عمري http://www.masrmotors.com/vb/images/...A7D5%7E132.GIF

الفيرنا عندنا في المنصورة عاملة 71750 جنيه كاملة جير عادي مو 2012

اللوجان عندنا في المنصورة عاملة 72000 جنيه كاملة جير عادي مو 2013

طبعا انا من دراستي في المنتدى هنا و اصحابي عارف التالي :

أولا : مميزات الفيرنا : -
- موتور قوي
- تكييف ممتاز
- عفشة ناعمة نسبيا
- قطع غيار رخيصة و في كل مكان

ثانيا : عيوب الفيرنا : -
- واطية شوية
- تقفيل معيوب في بعض الأحيان
- شكل عام في الركوب و القعدة مش قد المقام .
- مش ثابته بعد 100 كم / ساعة

ثالثا : مميزات اللوجان :-
- واسعة و شنطة واسعة جدا .
- عفشة ناعمة جدا جدا .
- عالية عن الأرض و مش بتحك في المطبات
- صالون شكلو جميل و عدادات اجمل
- ثباتها احسن من الفيرنا .

رابعا : عيوب اللوجان :-
- تكييف أضعف من الفيرنا .
- قطع غيار غالية و مش متوفرة زي الفيرنا


النهارده بقى ميكانيكي قاللي التالي :

اوعى تجيب اللوجان لأن محدش هيشتغلك فيها
دي كلها زي كل العربيات الأوروبي على كمبيوتر و متشفرة و محدش فاهملها
انما الفيرنا عند اي كلب لابس عفريته ( معلش ألفاظو مش حلوة :shyy: ) هيصلحهالك و يلم اي حاجة فيها بفلوس قليله.

انا عايز عربية محسش فيها اني متهان و في نفس الوقت تقضي الغرض
و انا مش بتاع جري عشان طلعت كل طاقتي في الجري في التيريوس بتاعتي لحد ما طلعت عيني :)) فبقيت محترم اوي الوقتي ( ناس متجيش إلا بضرب ال....:shyy: )

أنا عايز بقى منكو يا اخواتي و حبايبي تنصحوني
بس سايق عليكو النبي ( صلى الله عليه و سلم ) اللي ينصح ياخد بالو اني في المنصورة مش في القاهرة يعني أقاليم و المصحف :)


انا لما ركبت الفيرنا تاكسيات الدنيا و الآخرة هنا في المنصورة قلت حلوة
و لما سقت رينو لوجان 2010 بتاعت صاحبي قلت أحلى و أحلى
بس خايف أتذل تاني في قطع الغيار الغالية او المش موجودة :((

غرقان بيتشعلق في قشة ... حد يلحقني بأي كلام يساعد بقى الله يكرمكو

معلش انا رغاي بالفطرة :shyy: بس حبيت أوصفلكم الوصف الدقيق للحالة

عشان محدش يخش يقولي عيوب و مميزات انا عارفها لأني بحثت و ذاكرت في المنتدى كتيييييييييير :)

رد: هتجنن أجيب لوجان ولا فيرنا :(((((((
 

خد النصيحة من مجرب هتتزل يعنى هتتزل ابعد عن اللوجان وحياة ابوووووك صحيح يتقال فيها اشعار بس مش حلوة لينا ياعم الحاج وبالزات كمان اقاليم زى ما بتقول يعنى هتتزل على ماتلاقى قطع غيارها وتتزل على ما تلاقى صنايعى يشتغلك فيها الصنايعية لعبوا فى وشى السلم والتعبان سنة من الاكتئاب قضتها مع الرينو وطلعت منها اترميت فى حضن غبوووووور الفيرنا الجميلة
اللهم بلغت اللهم فاشهد

رد: هتجنن أجيب لوجان ولا فيرنا :(((((((
 

انا و المصحف عندي هدوم جاهزة عليها الشحم من كتر ما بقعد مع الصنايعية للتيريوس بتاعتي فعشان كده نفسي اولع في الهدوم دي و ابقى ابن ناس ..

ربنا يكرمك على شهادتك دي يارب و يارب كل اللي عندو معلومة ميبخلش عليا بيها

رد: هتجنن أجيب لوجان ولا فيرنا :(((((((
 

رد: هتجنن أجيب لوجان ولا فيرنا :(((((((
 

اللى اتلسع من التيريوس ينفخ فى الرينو يا ابو الداكترة ووالله الرينو مفيش ركوبة زيه عربية بشواتى وعموما لو جايبها زيرو بمشيئة الله مش هتحتاج حاجة 5 سنين
بس الفيرنا قطع غيارها فى اى سوبر ماركت واى حمار بيشتغل فيها والعربية حلوة وموتور قوى وتكييف ممتاز وسحب رائع بس انا لو مكانك ماجبهاش زيرو اجيب ماتركس 2008 حالة ممتازة بالسبعين وكاملة اتوماتيك مجرد رأى واستخير ربنا برضه يا دكترة:01FDAB~189:

رد: هتجنن أجيب لوجان ولا فيرنا :(((((((
 

أولا شكرا لحضرتك جدا جدا جدا على ردك الجميل ..

ثانيا انا عايز أوضح لحضرتك حاجة صغننة قد كده

انا كنت عايش عمري كله 18 سنة في الإمارات و والله مش بتاع بهدلة يعني و بحب الأصلي و التوكيل

لكن تعرف حضرتك انا لما رحت بالتيريوس بتاعتي التوكيل عشان أغير جنزير كاتينه
الفتيس قالولي ايه ( طبعا توكيل المنصورة ) ؟

قالولي معندناش قطع غيار لموديل عربيتك !! قلتلهم هوا انا جيت توكيل مرسيدس ؟

قالولي لأ توكيل دايهاتسو بس عندنا قطع غيار الجديد بس

قلتلو و الله دي مش بيجو 504 موديل 1979 دي دايهاتسو تيريوس 2000

قالي ( و ركب الوش الخشب ) يا فندم عندنا قطع غيار من 2008 لحد 2012

:( طب يبقى مسابليش غير البهدلة مع الصنايعية و بوظولي حاجات كتير كانت سليمة

لأن تشخيصهم بالتخمين دايما و بطريقة الاستبعاد ( يعني نغير دي و لو ماتحلتش نغير دي و لو لسه موجودة المشكلة نغير دي .. بيحلقو على العيب زي اللي عايز يمسك فرخة :) )

أنا و الله عاجباني جدا اللوجان في ركوبها و شكلها من جوه و هيا احسن من الفيرنا فكده

بس الأساس عندي هوا السبب اللي انا بايع عربيتي عشانو ..

خدمة ما بعد البيع .. فنفسي حد من اللي معاه للوجان يقولي إيه رأيو في توكيلها اللي اسمو ( العدوي على طريق المنصورة المحلة )

يعني إخواننا اللي معاهم لوجان في المحلة أو طنطا برضو ممكن يساعدوني