|
ما مدى صحة هذه المقولة ( اللي معاه رينو ... ربنا يعينو)
السلام عليكم ياشباب ....
للأسف الفكرة ديه اللي الناس واخداها عن الرينو .... انا كل لما اكلم حد واقوله انا بفكر أجيب رينو .... يقول اوعى ديه قطع غيارها وصيانتها غاليه .... واتضح ليا ان 90 % من الشعب المصري مقتنع بالكلام ده .... فياريت من الناس اللي معاها الرينو يقولوا رأيهم بحيادية عشان الواحد محتار ....ptmnlo123per1106 |
رد: ما مدى صحة هذه المقولة ( اللي معاه رينو ... ربنا يعينو)
احب اقولك رأى بأختصار ان الكلام ده مالوش اى اساس من الصحه
قطع الغيار اسعارها عاديه جدا ومش غاليه زى ما الناس متخيله كل الموضوع ان صيانتها عايز حد بيفهم وعلى فكره فيه ميكانيكيه كتير بره التوكيل ومراكز الخدمه بيفهموا وبيشتغلوا فيها عادى والكلام ده على كل الموديلات انما ثقافه الشعب المصرى ان الفرنساوى كله غالى وخلاص عشان كده تلاقى المصريين معجبين باليابانى والكورى لان قطع غياره مش غاليه ولان تكيفه قوى فده بيعجب المصريين وكمان بينزلك عربيه تعتبر ارخص من اى عربيه اوروبى ممكن تشتريها فى نفس رينج الامكانيات وبسبب الحب ده انتشرت العربيات اليابانى والكورى فى مصر وبسبب كده برضه الميكانيكيه بقوا بيستغلوا فيها كتير وده سبب سهوله صيانتها ورخص قطع الغيار |
رد: ما مدى صحة هذه المقولة ( اللي معاه رينو ... ربنا يعينو)
انا فعلا اكتشفت ان قطع غيار الرينو مش غالية اوى زى ما كنت متخيلها ... يعنى انا مثلا عاجيانى جدا الرينو السيمبول ومقتنع بيها جدا و سألت على الفانوس الامامى مثلا لقيته ب 700 فى حين ان الكيا ريو والاكسنت ب 600 تقريبا يعنى الفرق مش كبير
بس انا سؤالى هل الرينو كماركة فيها مشاكل بعد كدة ؟؟ يعنى مشهورة بحاجة من زمان فى العفشة او الموتور او التكييف او كدة ؟؟؟ وليه معروف عن الرينو انها فى اعادة البيع بعد كام سنة بتنزل جامد عن سعرها ؟؟؟ ياريت لو تفيدونى بسرعة فى الموضوع دة عشان انا نفسى احجز السيمبول اوى بس خايف .. وكنت بقارن بينها وبين الكيا ريو |
رد: ما مدى صحة هذه المقولة ( اللي معاه رينو ... ربنا يعينو)
مع احترامى لراى pop el gamed طبعا الكلام كده تبسيط جدا للامور والحقائق لان فعلا السيارة اليابانية بلا منافس من ناحية الاعتمادية وتتفوق على اعتى الماركات واعرقها دون شك نتيجة عامل الجودة والسعر والقيمة والتشغيل والاقتصادية الخ من الاسباب تنتطلق منها اليابانية وليس من فراغ او ثقافة شعب فلسيارات اليابانية من هذة الناحية هى بلا تضخيم او مبالغة معجزة وطبعا دخل الان المضمار الكوريين وليس الان بل منذ بضع سنوات ودعونىا اختم حديثى بجمله وهى كفى استخفافا بالكوريين وشكرا
|
رد: ما مدى صحة هذه المقولة ( اللي معاه رينو ... ربنا يعينو)
الرينو لما تشترية علشان قيمته كتصميم وتميز غير لما تشترية علشان نواحى اقتصادية
حط الكليو جمب الانوس مثلاً وشوف قطع غيار ديه بكام ومتوفرة قد ايه والبدائل ليها قد ايه وصيانتها بتكلف كام واجمع كل ده هتعرف تكلفة تشغيل او اقتناء العربية كام وقارن الاتنين ببعض هتلاقى الكورى ونعمة واليابانى تمنة فيه زى الفرنساوى واكتر وان كان ده فى مقابل التصميم والتميز بس مش فى كل الفئات التصميم والتميز بيبقى العامل الاهم |
رد: ما مدى صحة هذه المقولة ( اللي معاه رينو ... ربنا يعينو)
اقتباس:
وارجو ان حضرتك تتقبل كلامى اللى فات واللى جاى بسعه صدر لانى معتقدش ان حد فينا كورى يعنى العربيه لما تبقى موتورها اكبر منها يبقى انت اكيد فى كوريا العربيه لما تبقى فى منتهى الخفه على الطريق وعشان اعرف امشى لازم اجنط 16 يبقى انت اكيد بتتكلم عن كوريا لما العربيه تبقى واخده شكل من عربيه يابانيه مشهوره جدا وتديها موتور 124 حصان وانت عارف ان المصريين بينبهروا بالشكل يبقى برضه كوريا لما قطعه الغيار الكورى الاصلى تبقى بنفس تمن قطعه الغيار الايطالى ولا الفرنساوى ولا الاسبانى يبقى برضه بتتكلم عن كوريا يبقى لو حضرتك فكرت فى كلامى فى اول مشاركه هتعرف انى كل اعتراضى على الكورى حاجه واحده سعره زمان كان الكورى بيحقق المعادله الصعبه انما دلوقتى معتقدش انه بيحققها والدليل عربيات كتير بتتباع وعامله اسم فى السوق المصرى لكن لا تقارن بعربيات تانيه اروبى وتلاقى الاثمان متقاربه ودى وجهه نظرى وارجو انك متضايقش من كلامى:HAPPY_~211: |
رد: ما مدى صحة هذه المقولة ( اللي معاه رينو ... ربنا يعينو)
اقتباس:
اللى بتدفعه زياده كتكاليف تشغيل بتدفعه فى عربيه أمن ليك واعتقد ان امنك انت وعيلتك جوه العربيه اهم من اى فلوس ودى وجهه نظرى المتواضعه |
| الساعة الآن 12:13 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017