تقرير و تجربه قياده فولفو S60
 

السلام عليكم جميعا

النهارده و في اول مشاركه بعد الثوره جايبلكم تقرير و تجربه قياده الفولفو ال S60
الموضوع ان الاسبوع اللي فات قريت عن العربية في مجله و عرفت ان في منها 1600 سي سي و تيربو كمان
فطبعا اتفقت مع صديقي العزيز محمد كمال و اتجهنا الي التوكيل اتفرجنا علي العربية و عجبتنا جدا و عجبنا فيها التصميم, التقفيل, الجوده و الفخامه و الاكتر من ده كله المتور 1600 سي سي تيربو بقوه 180 حصان و اوتوماتيك كمان يعني ممكن تنزل مصر و تتجمرك بدون مشاكل

طبعا اللي معجباش هو سعرها و اللي كان 8900 دينار (178 الف جنيه) و هي بتنزل فئه واحده بس و فيها الاوبشنز الاتي : كراسي جلد مع تدفئة, جنوط 16,جير بوكس DSG ست سرعات, كروز كنترول, طبعا سنسورز سواء باركن و مطر و ضوء. برضه العربية ستاندر فيها نظام ال City Safety و دي نظام مبتكر من فولفو بيخلي العربية تفرمل لوحدها لو ماشي علي سرعه اقل من 30 و ظهر قدامك شيئ مفاجي

و دي المواصفات بتاعتها

http://i1115.photobucket.com/albums/...0/IMG_0886.jpg

المهم من ساعة مشفناها و احنا مهديش لنا بال
و عمالين ندور علي النت عن ريفيوز ليها و مواصفتها و مقارنتات بعربيات تانية و ما الي هذا
و طبعا من كتر الهسهس في دماغنا قررنا اننا لازم نعملها تست دريف و قد كان

اخدنا معاد و اتجهنا الي هناك و للاسف ال 1600 مفيش منها تست دريف الموجوده كانت 2000 سي سي تيربو برضه و ده قوته 203 حصان يعني مش الفرق الكبير و اهو برضه ناخد احساس العربية

و دي صور للعربية و دي ال 2000 سي سي و الفرق في الاوبشنز عن ال 1600 هو الجنوط ال 17 او 18 فتحه السقف و الزنون و شاشه اكبر
دي صور للعربية من زوايا مختلفه قبل الحديث عن التست دريف

http://i1115.photobucket.com/albums/...0/IMG_0870.jpg

http://i1115.photobucket.com/albums/...0/IMG_0871.jpg

http://i1115.photobucket.com/albums/...0/IMG_0872.jpg

http://i1115.photobucket.com/albums/...0/IMG_0873.jpg

http://i1115.photobucket.com/albums/...0/IMG_0874.jpg

مع تشغيل ال LED

http://i1115.photobucket.com/albums/...0/IMG_0884.jpg

http://i1115.photobucket.com/albums/...0/IMG_0885.jpg

http://i1115.photobucket.com/albums/...0/IMG_0881.jpg

http://i1115.photobucket.com/albums/...0/IMG_0878.jpg

http://i1115.photobucket.com/albums/...0/IMG_0880.jpg

http://i1115.photobucket.com/albums/...0/IMG_0882.jpg

http://i1115.photobucket.com/albums/...0/IMG_0879.jpg

ده نظام ال Lane Assest و ال Incoming Traffic

http://i1115.photobucket.com/albums/...0/IMG_0875.jpg

الرادار بتاع ال City Safety

http://i1115.photobucket.com/albums/...0/IMG_0876.jpg

نيجي بقي لاختبار القياده
العربية مبدايا تقيله و ماسكه نفسها و جوده التقفيل و الخامات لا يعلي عليها
الانقياديه بتاعتها سهله و ناعمه و تديك ثقه في امكانيها
المتور و الجير بوكس ناعميييين و So Smoooooth و طبعا الفضل في ده للفتيس ال Dual Clutch
العربية تسارعها اكتر من رائع و محستش باي فرق ملحوظ بالمقارنه بعربيتي ذات المحرك الاكبر و الاقوي و في راي لا غبار عليه و يزعل عربيات تانيه كتير
الثبات كعاده الاوروبي لا يعلي عليه و الغريب ان ال Suspention ناعم جدا و بيمتص المطبات و عيوب الطريق بشكل اكتر من رائع و من دون التاثير علي الثبات و ده شيئ هايل و كنت مبسوط بيه جدا خصوصا و اني نازل من عربية ناشفه و بحس بكل شق في الارض بس نقول ايه ضريبه الثبات العالي
طبعا المسافه مكانتش طويله بس طالع من التجربة و انا مبسوط و متكيف
ادام التوكيل بقي الراجل صمم اننا نختبر نظام ال City Safety الاختيار كان باني اتجه مباشره الي حاجز قدامي علي سرعه اقل من 30 كم
طبعا الكلام يبدو سهل لكن في الحقيقة لا قلبك و لا اعصابك و لا رجليك حته بطاوعك
ز المشكله انك لازم تضل دايس بنزين لانك لو شلت رجلك او دست فرامل النظام بيفهم انك مركز و مش هيتدخل و هتخيش يا معلم
المهم جربته 3 مرات علي سرعه 15,20 و 25 كم و نجح في ال 3 مرات بشكل هايل و العربية بتقف قبل الحاجز و كل ما السرعه وادت مسافه الوقوف بتزيد لان النظام بيعمل حسابه و بيزود قوه الفرمله

بعد كده محمد باشا خد دوره و للاسف اول مره و هو بيجرب النظام قلبه مطوعوش و شال رجله من علي البنزين و خيش في الحاجز هههه
بس ظبتها بعد كده بانه مكانش بيبص اصلا و هو ده الهدف من النظام و بعد كده خد اللفه بتاعته و هو يبقي يحكيلكوا عنها

الخلاصه:
العربية و من الاخر نجم جديد في الفئة دي و منافس شرس و قوي و فيه مميزات كتير
شخصيا انا شايف انها تقع في الفئة فوق الجيتا و الاسكودا و تحت البي ام و المرسيدس
و ده طبعا هيحطها في منافسه مباشره مع الباسات و طبعا المقارنه ده مراحتش عن بالنا خالص
انا مسقتش الباسات ال TSI فمقدرش احكم عليها لكن سقت ال 1600 و دي طبعا من الظلم مقارنتها بالفولفو
طبعا كل واحد فيهم تتفوق علي التانيه في حاجات و تقل عنها في حاجات
الفولفو تتفوق في الهورس بور و الي حد ما الثبات و المناوره بحكم انها اقصر و انها هتبقي مميزه اكتر
الباسات تتفوق في الحجم و الوسع و شويه اوبشنز اهما نظام الركن الاوتوماتيكي
و طبعا في الاول و الاخر الموضوع اذواق

اتمني الموضوع يكون عجبكم و ترقبوا تجارب تانيه ان شاء الله

و ده الموقع بتاع العربية لمزيد من التفاصيل
http://www.volvocars.com/intl/all-ca...s/default.aspx

رد: تقرير و تجربه قياده فولفو S60
 

سياره ممتازه ...... وتغيير الى الاجمل فى الشكل الخارجى
لكن السعر غالى جدا فى الخليج

رد: تقرير و تجربه قياده فولفو S60
 

مشكور علي التقرير

الفولفو عربية حلوة ملهاش سوق في مصر

رد: تقرير و تجربه قياده فولفو S60
 

اه نسيت اذكر ان بعد كل ده طلعنا علي توكيل فولكس نشوف إيه اخبار الباسات الجديده
و للعلم التوكيل هنا حالق للباسات من فتره كبيره و مركز علي ال CC بس
و حسب ال sales لسه هتنزل شهر ٩ و ده طبعا تهريج
و عرفنا ان الجيتا الجديده نازله الشهر الجاي و حسب الراجل هتبقي ٢٠٠٠ سي سي و للأسف امريكي و ده خبر ضايقني

الموضوع بقي انهم عاملين عروض علي الباسات CC و إيه بقي بنفس سعر الفولفو
و ده أوقعنا في حيره كبيره
باسات CC ١٨٠٠ تيربو ١٦٠ حصان و لا الفولفو

رد: تقرير و تجربه قياده فولفو S60
 

والله يا زعيم لو سعرها اندرس و نزل صح هتعمل شغل عاااالي

هو فعلا سعرها عالي بس بالمقارنه مع المنافسين معقول
و هي زي ما وضحت اعلي طبعا من الياباني كله و الاوروبي الفئه الاولي زي الجيتا و السكودا و اللي سعرهم اقل بس مش بكتير و اقل من البي ام و المرسيدس برضه و بفرق محترم برضه


و شرفتوا الموضوع

رد: تقرير و تجربه قياده فولفو S60
 

شكرا يا استاذ شريف على التقرير الجميل ده و تسلم ايدك و بجد العربيه جميله جدا و لو نزلت مصر هتكون جميله جدا و شكرا مره تانيه على التقرير GIFT4U

رد: تقرير و تجربه قياده فولفو S60
 

عود أحمد يا شريف باشا

و آسف طبعا على تأخر الرد لوجود عطب بمزود خدمة الانترنت عندى

و كعادة تقاريرك الوافية المستوفية لا تدع المجال لى إلا لأبداء رأيي الشخصى

و بدأ الموضوع اننا كنا بنعمل جولة عادية على معارض السيارات لتحديد أنسب سيارة لا تزيد عن 1600 سى سى لإمكانية نزولها مصر طبعا علشان جماركنا العظيمة المهم لفت نظرى شريف باشا و احنا قدام توكيل فولفو ان ال S60 الجديدة بينزل منها موتور 1600 و مع شكنا بوجودها فى الكويت لأن هنا سوق المواتير الكبيرة إلا اننا قلنا ندخل نبص بصة و كانت المفاجأة العربية موجودة فى التوكيل و موجود منها ال 1600 سى سى و كمان تيربو و قوتها 180 حصان .... طبعا حاجة كويسة جدا جدا جدا و طبعا مواصفات الأمان فى الفولفو كلها بتنزل استاندرد من اقل عربية لأكبر عربية (مفيش تهاون فى أنظمة الأمان السويدية) ههههههههه وده طبعا برده شئ اسعدنى جدا جدا جدا .. دا غير طبعا بقى الشياكة المتناهية المشهورة بيها السيارات الاوروبية و جودة التقفيل الخزعبلية بجد يعنى ولا كلمة و كمان تمسك الباب كدة تحس انك مش قادر تفتحه من تقل وزنه و طبعا لوجود بارات الفولاذ بداخله ... و اظن ده واضح فى الصور اللى حاططها شريف باشا .... المهم فى اليوم ده ضيعنا نص الجولة فى توكيل فولفو و باقى الجولة فى باقى التوكيلات

و من يومها و قررنا لازم نعمل تجربة قيادة للعربية دى
و هو ما قد حدث أمس بحمد الله

و طبعا العربية زى ما قلنا امكانياتها عالية جدا و فيها كمية اوبشنز كتير جدا برده و كلها موجودة فى أول صورة مرفقة بالموضوع ... لكن أكتر اوبشن ملفت و اللى اصر رجل المبيعات ان احنا نجربة اكتر من مرة ... هو نظام الستى سيفتى و هو نظام بيخلى العربية تتوقف تماما لو السائق دايس بنزين و ماشى بسرعة اقل من 30 كم/س و وقف العربية اللى قدامة .. أنا مرة أجربها قلبى مطاوعنيش و دست فرامل متأخرة طبعا و لبست فى الحاجز ... هههههههههه ,, قالى مش مشكلة جرب تانى ... فا رجعت جربت و مابصيتش على الشارع خالص بصيت على العدادات و فضلت دايس بنزين و فعلا عملتها و فرملت العربية توموتيكى توموتيكى قبل الحاجز بمسافة معقولة جدا و جربتها مرة تالتة و نفس النتيجة المبهرة ......

اما بالنسبة لتجربة القيادة الحقيقية فهى كما يلى .... (تم تجربة السيارة ذات المحرك سعة 2000 سى سى بقوة حصانية 203 حصان)

موتور العربية كويس جدا جدا و التسارع معقول جدا جدا على موتور 4 سلندر و بالسعة اللترية دى حتى انا قلت للبياع خلاص مواتير ال8 سلندر و حتى ال 6 سلندر ملهاش لازمة فى العربيات العادية (الغير رياضية) فى الوقت ده من الزمن ما دام التكنولوجيا وصلت لان مواتير ال 4 سلندر توصل للأداء ده و طبعا اللى مساعد كمان وجود شاحن التيربو و الجير بوكس المتطور جدا (الدول كلتش) و هو فعلا يعطى اداء ممتاز مع نعومة مطلقة فى تبديل النقلات و طبعا موفر جدا للوقود مقارنة بالجيربوكس الاوتوماتك العادى

الثبات طبعا مش هتكلم عنه غير بكلمة واحد (وهمىىىىىى) و طبعا ده لولجود نظام الثبات الحيوى الخاص بشركة فولفو (ستاندرد) فى جميع الفئات

نظام التعليق ذكى جدا بحيث انه مريح جدا و يمتص عيوب الطريق بمرونة هايلة و فى نفس الوقت ليس بالنعومة التى تؤثر على الاداء و الثبات فى المنحنيات

العزل الصوتى فوق الممتاز بشوية

الفرامل كويسة جدا إلا انى حسيت ان العربية نفسها اللى بنجربها كانت محتاجة تغيير تيل ...

شريف باشا كان راكب ورا فا قلت امخمضه شوية و فضلت اتمايل بين الحارات بس المفجأة بقى انه ماحسش بالمخمضة دى خالص و دى اول مرة تحصل بصراحة يمكن اللى مساعد على كدة ان العربية ملمومة فى حجمها و لا تتمايل بصورة كبيرة و دى طبعا نقطة هايلة فى صالحها

وسع العربية الداخلى كويس جدا جدا و مريييح لكل من السائق و اركاب الاماميين و الخلفيين

الحاجة الوحيد اللى معجبتنيش فى العربية انها جر أمامى و دى بتحس بيها فى الدركسيون لما تيجى تاخد الملفات من الثبات .. طبعا مفيش رجرجة و لا الكلام الفارغ ده بس بتحسها برده .. عموما انا بعترف ان عندى هسهس عام من عربيات الدفع الامامى كلها و خصوصا اللى قوة موتورها بتبقى عالية جدا

التعليق العام على العربية (برافو برافو برافو ) يا فولفو و لو العربية دى نزلت بسعر منافس للباسات بجد هتاكل جزء كبييييييييييير من المبيعات

حيث ان الباسات هى اقرب المنافسين لها طبعا

و يبقى السؤال ....

باسات ولا فولفو فولفو ولا باسات
باسات ولا فولفو فولفو ولا باسات
باسات ولا فولفو فولفو ولا باسات
باسات ولا فولفو فولفو ولا باسات
باسات ولا فولفو فولفو ولا باسات


هههههههههه

و الى تجارب قيادة لاحقة ان شاء الله