النترا (2004*2005*2006)
كل سنة وانتم طيبين يا أخونا
خدمة لأخوكم ضرورى جداّ جداّ النترا الشيب اللى فات ( 2004 - 2005 - 2006 ) ايه ظروفها ؟ تمام ولا لأ مميزاتها * عيوبها * يعنى بأختصار اللى يعرف عنها اى حاجة ياريت يساعدنى عشان بفكر بشكل كبير جداّ أنى أشتريها اتوماتيك ياريت اللى عنده زيها وخصوصاّ الاتوماتيك منها يقولى وجه نظره فيها بس ياريت بالتفصيل مع تقديرى وأحترامى |
رد: النترا (2004*2005*2006)
اكتر واحد يفيدك فيها الاستاذ شريف المصري ..
لأنه على ما اعتقد معاه ال 2006 او 2005 .. لكن مش متأكد اوتو و لا مانيوال |
رد: النترا (2004*2005*2006)
اقتباس:
شكراّ يا باشا وفى أنتظار:thinkW19: خبراء الهيونداى وبالأخص الأستاذ : شريف المصرى سبحان الله وبحمده سبحان الله العظيم |
رد: النترا (2004*2005*2006)
والله النوع ده منتشر فى السعوديه كتاكسى ! و هذا يعنى أنها سياره جيده الى حد ما !
وان كان معظم اللى ركبتهم كتاكسى تابلوهها مبهدل شويه و يمكن تكييفها مش قوى بالنسبه للجو هناك ! أو بسبب أن معظم السائقين هنود و مش أصحاب السيارات و بيعدموها العافيه ! Dr. Bolbolan :waving: |
رد: النترا (2004*2005*2006)
ممتازه بلا شك
انا بدور عهلى واحده للاخويا و بجد التجار دلوقتى مسمينها افيونه السوق نظرا للطلب الرهيب عليها و قله المعروض بالنسبه للموتور بتعها هو الموتور الفا2 اللى موجود فى المتاريكس و الفيرنا و الجيتز و الكوبيه و العربيتا دى كلها و الحمد لله الاتوماتيك منها محدش اشتكى منه خالص خالص توكل على الله العربيه دى عربيه محترمه جدا جدا |
رد: النترا (2004*2005*2006)
اقتباس:
شكرا جداّ يا أحمد باشا بس معلش هتعبك معايا " * - رينج العربية دى دلوقتى كام ؟ " * - طب لو هتختار ( لانسر 1300 اتوماتيك مو 2005 / النترا 1600 اتوماتيك 2005 ) وليه ؟ اللهم تقبل منا صيامنا وقيامنا و سائر أعمالنا |
رد: النترا (2004*2005*2006)
ال 1300 اوتو حتبقى بطيئه خصوصا لو مشغل التكييف في الصيف ...
فالالنترا افضل عموما موتور الالنترا هو نفس موتور الماتريكس و اعتقد انهم نفس الفتيس الاوتو برضو وعن تجربه بالماتريكس ... فالحمد لله العربيه عامله معايا 67 الف لحد دلوقتي بدون اي مشاكل بالعكس سحب الالنترا افضل من سحب الماتريكس بالنسبه للسعر مش متأكد اوي لكن اعتقد (موديل 2006 ) حتكون في رينج 70 تزيد او تقل .. وطبعا حسب الحاله وحضرتك شوف برضو رأي احمد كار |
الساعة الآن 06:49 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017