|
اشترى byd ولا لأ
مساء الخير
انا بتعلم السواقة دلوقتى و هشترى ان شاء الله الاسبوع اللى جاى صدقونى انا تعبت من كتر التردد هشترى كاش و الفلوس مش جاية بالساهل تحويشة العمر و معييش اى قرش حاليا و بعد فترة من كتر الجمعيات دلوقتى ناس تقول كويسة و ناس تقول لأ ناس تشتكى من الحرارة وناس عالجتها و ناس ملقتلهاش حل ولا فى التوكيل ارجوكم دلونى مش عايز اندم انا ممكن يحصلى حاجة لو العربية فيها مشكلة بس انا عينى منها على قد الفلوس و الامكانيات غارجوكم دلونى |
رد: اشترى byd ولا لأ
ابعد عن الصينى وغنيله
--------- ولو اكيد يبقى اسبيرنزا سيبك من الناس الى عماله تعمل اعلانات لل Byd العربية مش منتشرة فى السوق خالص انا من اسماعيلية ولفيت محافظات كتير علشان شغلى . عمرى ما شوفت خيال لعربية اسمها Byd |
رد: اشترى byd ولا لأ
من ناحية الانتشار العربية منتشرة جدا جدا شكلك لا روحت القاهرة ولا المنصورة (على الاقل)
انا معايا العربية دى من شهرين تلاتة تقريبا ومشكلة الحرارة تعبانى جدا ولو هتجيبها بلاش 2012 لان واضح ان كل موديلات 2012 فيها عيب الحرارة .. وللأمانة العربية بخلاف مشكلةالحرارة دى ممتازة مقارنة بثمنها وإنتظر اكبر عدد من الاعضاء يفيدوك ولا تتسرع فى الشراء اسال كتير وروح اتفرج كذا مرة على انواع مختلفة واسال مجربين وبعدين فكر كويس وربنا يوفقك |
رد: اشترى byd ولا لأ
اقتباس:
يعنى حضرتك عايز تبيع عربيتك Byd علشان مشكلة مش لاقيلها حل بتاعه الحرارة وبتنصح الراجل انه يشترى نفس النوع برضو طب افرض جاب اى موديل تانى وطلع فى مشكلة تانية وبرضو ملهاش حل والتوكيل بتاع الامل كل الدنيا بتشتكى منها وانا اقترحت البديل وبنفس السعر وافضل ومنتشرة وقطع غيار متوفرة وعيوبها قليلة وسهلة الحل ( الاسبرنزا ) ----------------------- يبقى حضرتك هتشيل ذنب الراجل دة ----------------------- وبعدين بدام العربية مش موجودة غير فى القاهرة والمنصورة يبقى معنى كدا انها مش منتشرة . معنى ( الانتشار ) انها موجودة فى جميع المحافظات وبكميات كتيرة ذى العربيات الكورى كدا |
رد: اشترى byd ولا لأ
استاذ / m_ss2بما ان حضرتك محامى ايه اللى ممكن يتعمل مع شركة الامل فيه واحد معانا فى المنتدى راح بالعربية 5 مرات بسبب موضوع ارتفاع أ مبير الحرارة ده ومفيش فايدة ممكن يترفع قضية تعويض مثلا او ترجعلة فلوسة وممكن الاثبات ان المشكلة دية فى عربيات كثيرة م2012
|
رد: اشترى byd ولا لأ
ممكن يعمل شكوى لجهاز حماية المستهلك .
ناس معانا فى المنتدى عملتها مع توكيل غبور والمشكلة اتحلت بسهولك وبسرعه ========================= === ولو الموضوع متحلش يقدر يرفع تعويض على التوكيل بصفته وكيل للمصنع بس القضية هتكلفة شوية وهتاخد وقت علشان يثبت ان دى عيب صناعه مش عيب استخدام ========================= === الحل الافضل والاسرع شكوى لجهاز حماية المستهلك |
رد: اشترى byd ولا لأ
متشكر لردود حضرتكم
هى فعلا عربية كويسة لكن مشكلة الحرارة هى المشكلة الوحيدة فى العربية بس على ما سمعت انة حرارة كاذبة يعنى عيب من الامبير بس مش معنى كدة الواحد يسكت عليها الموجود حاليا موديل 2013 و سألت سمير ريان من كام يوم كان قالى انها هتزل كمان كام يوم علشان معندوش منها يعنى زمنها نزلت من يومين او تلاتة اللى عاجبنى فيها امكانيتها و سعرها لو الامكانيات فى اى عربية تانى زى كيا او هيونداى هيقولك دى كاملة او عاى لاين و تمنها ميقلش عن 100 الف و زيادة بالنسبة لعربية اسبرنزا كان لى صديق معاة تاكسى منها كان بيسب و يلعن فيها و كان بيشكر فى byd و كنت بركب مع سواقين تاكسى كتير و كان كلة لية نفس الرأى اعطال الاسبرنزا كتير ------------------ طب هل و انا بشترى ممكن يبان مؤشر الحرارة يعنى و انا بجرب العربية فى المعرض يعنى و هيا بتسخن ممكن يبان العيب دة ولا بعد اد اية شكرا جدا لحضراتكم |
| الساعة الآن 08:18 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017