![]() |
استفسار بخصوص الضمان . اخ سيف
السلام عليكم
استاذ سيف اليوم رحت لورشة الصيانة اشتريت فلاتر . وسالتهم على دهن كالو عدنا 15-40 ومااشتريته لاني مشتري ليكوي مولي 10-40 . السؤال مو هذا موظف الصيانة كالي اذا تبدل دهن من برا سيارتك متدخل بالضمان . فلازم تبدل دهن من عدنة ويبقى 5000 كيلو . فكتله اني ماعندي دفتر صيانة لاني مشتري من معرض فكال مو مهم الدفتر المهم سيارتك ماملعوب بيها من جهة خارجية . صراحة اني دخت هسة وين اروح ماعرف . السيارة مشت الى الان 1400 كيلو والدهن مامبدل لحد هسة :01AD96~139: |
رد: استفسار بخصوص الضمان . اخ سيف
واذا ابدل دهن من عدهم لازم احط دهنهم ...
|
رد: استفسار بخصوص الضمان . اخ سيف
عزيزي
الخيار يعود اليك موضوع الضمان انا لم اهتم بة الزيت لموجود عندهم لايطابق موصفات المحرك 15w-40 API SF المحرك يحتاج الى 10w-40 API SJ API SL API SM لايجوز استخدام زيت محرك بتركيبة API SF API وتعني معهد البترول الامريكي وهو الذي يصنف الزيوت ومواصفاتها في العالم لاانة مصمم للمحركات القديمة فقط وبالتالي يؤثر على المحرك تحياتي سيف |
رد: استفسار بخصوص الضمان . اخ سيف
مشكور اخوية سيف .
بالنسبة الية ملتزم بنصائحك . بس الي مخوفني اذا ابدل الدهن برا يخلي السيارة بدون ضمان . مع العلم انه ماعندي دفتر صيانة وكتلهم اكالو عادي من تكمل صيانة ينطوني وصل ابقة اشتغل عليه . وسؤال ثاني شنو فايدة الضمان يصلحون بلاش لو شنو الفلم ؟ |
رد: استفسار بخصوص الضمان . اخ سيف
اقتباس:
تروح مركز الصيانة لشخص اسمة ابو سجاد مسؤل الضمان وتشرح لة الوضع وتقول لة انك تغير الزيت ليس اكثر من 3000 كم وانك تشتري كل القطع من مركزكم تحياتي سيف |
رد: استفسار بخصوص الضمان . اخ سيف
اشكرك اخوية
عندي استفسار بسيط لكيت بالصندوق علبة بيها سائل وياها قطعة قماش ناعمة ( فرو ) سألت ابو معرض كال هذا يزيل المادة الشمعية الي على الصبغ مال النقل بالبحر علمود ماتتكلس السيارة من الملح . السؤال شلون استعمل هذا السائل ؟ لاني قريت عليه تحذيرات كلش هواية |
رد: استفسار بخصوص الضمان . اخ سيف
الاخ البغدادي السلام عليكم
بخصوص سؤالك عن المحلول الموجود مع السيارة فهو محلول تنظيف و طريقة استخدامه كالتالي يرش المحلول على بدن السيارة بواسطة مسدس رش او بخاخ و يترك 5 دقائق و بعدها تغسل السيارة و يمنع رشه على الزجاج و المرايا لانه يؤثر عليها و افضل عدم استخدامه و بدلا عنه اذهب لاي صباغ سيارات و ليجري عملية بوليش لبدن السيارة فيزيل كافة الاوساخ و يلمع الصبغ 00 مع تحياتي |
الساعة الآن 06:45 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017