|
صوت طقه بعد تركيب مساعدين مونرو لل 620
انا كان عندى المساعدين الأمامى ضربين زيت وبيعملو صوت وعلى اخرهم
جبت اتنين مونرو ب 530 جنيه بعد التركيب العربيه عليت كده وبقت احسن بس مش الأداء اللى كنت متوقعه المهم المساعد الشمال تمام لكن اليمين لما بدوس على العربيه بأيدى نحيه اليمين بسمع صوت طقه هل الصوت ده من المساعد ولا ممكن حاجه تانيه ياريت تفيدونى |
رد: صوت طقه بعد تركيب مساعدين مونرو لل 620
الصوت إحتمال من البطاحة
إرجع وإكشف عليها تانى وإيه تعليقك على اداء المونورو |
رد: صوت طقه بعد تركيب مساعدين مونرو لل 620
بالنسبه للماعدين المونرو انا هقولكو التقرير بالظبط لما اجربهم شويه بس عشان اقول كلام مظبوط لأن لسه ملحقتش اجربهم وكمان لسه مظبتش زوايه
|
رد: صوت طقه بعد تركيب مساعدين مونرو لل 620
انا رحت للعفشجى والعيب طلع مش من المساعد طلع من الياى تقريبا هو فضل يلف كده بأيده وقالى كان عايز يتظبط بس مش عارف عمل ايه بالظبط
وبالنسبه لمساعدين مونرو انا هقولكو رايى بعد التجربه |
رد: صوت طقه بعد تركيب مساعدين مونرو لل 620
الطقة دي من حركة الياي نفسه و ممكن يكون بيحك في حاجة مثلا لأني كان عندي نفس المشكلة و طلعت من الياي إضطريت إني أحركه زي ما العفشجي عمل عندك بالضبط |
رد: صوت طقه بعد تركيب مساعدين مونرو لل 620
والصوت راح تانى ياباشا ولا ايه النظام وهل الحل ده هو الصح ولا الياى المفروض يتغير
|
رد: صوت طقه بعد تركيب مساعدين مونرو لل 620
اقتباس:
الصوت راح لفترة و رجع تاني و بيروح لوحده تاني و الله أنا مش عارف هل ينفع أجيب ياي أرفع من الياي الحالي لكن المشكلة أعتقد ليست في الياي بل في البطاحات الحديد المفروض يتظبتوا بزرجينة مثلا أو يتحط شداد يمسكهم كويس |
| الساعة الآن 01:50 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017