100ألف اجيب فورد فوكاس أو تويوتا أو لانسر او سكودا A5مستعمل
 

أولا جزاكم الله خيرا لا أريد كوري ولا صيني ولا فرنسي POLICEE
ثانيا 100 لا تزيد
ثالثا أنا احترت اخترت سكودا قالوا فيه عيب في الفتيس
تويوتا نفس الامر عيب في الفتيس
لانس بومه باخت
شارك 1500
فورد ما أدري ما فيها 444546
ياريت تدلوني ولا تحيروني لأني تعبت وجزاكم الله خيرا وكل عام وأنتم بخير

رد: 100ألف اجيب فورد فوكاس أو تويوتا أو لانسر او سكودا A5مستعمل
 

لانسر شارك 1500

رد: 100ألف اجيب فورد فوكاس أو تويوتا أو لانسر او سكودا A5مستعمل
 

جزاك الله خيرا على ردك اولا
وثانيا هي افضل أم الفورد ولا شك أن الاثنين استعمال

رد: 100ألف اجيب فورد فوكاس أو تويوتا أو لانسر او سكودا A5مستعمل
 

بخصوص الفورد
لو مانيوال يبقى تقريبا مفيهاش مشاكل
لو اوتوماتيك لازم تمون بنزين 95 علشان السحب وعلشان المكنة على حسب ما سمعت من واحد صاحبى بتكون كانها مكتومة مع اى بنزين اقل من ال 95
واساسا الفورد بصفة عامة عاوزة بنزينة وراها زى اى عربية امريكانى
****************
بخصوص التويوتا
هات الكاملة اتوماتيك موديل 2007 واللى اعرفه ان مفيهاش مشكلة فى الفتيس
مشكلة الفتيس فى الاساس هى مشكلة جهل بطريقة استخدام الفتيس الجديد فى موديلات 2008 و 2009 ودى اتحلت فى موديل 2010 بوجود الفتيس اللى فى الموديلات الخليجى
-------------------------------------
اللانسر
تبقى بومة سوبر اكشن 2009 او كسر السنة 2010
وعلى فكرة على لسان بتاع العفشة الشارك عفشتها مش كويسة - والبومة احسن منها تماما
------------------------
وانا معرفش حاجة عن السكودا
ولا تنسى الاستخارة وربنا معاك

رد: 100ألف اجيب فورد فوكاس أو تويوتا أو لانسر او سكودا A5مستعمل
 

أجبت فأوجزت فأحسنت بورك فيك

طيب من باب الطمع أيهما تقدم لانسر سوبر اكشن أم تويوتا 1600 الشكل القديم

رد: 100ألف اجيب فورد فوكاس أو تويوتا أو لانسر او سكودا A5مستعمل
 

رد: 100ألف اجيب فورد فوكاس أو تويوتا أو لانسر او سكودا A5مستعمل
 

السلام عليكم ورحمة الله وبركاته

أولا اعتذر عن التأخير فى الرد
ثانيا تويوتا الشكل القديم
تقصد بيها تويوتا كورولا 2003 الى 2007 اللى بيسموها الدبة
والا 1994 الى 1997 (بتاعت الجيش)
انا اظن قصدك 2003 الى 2007 توكل على الله فى كورولا 2007
ده رأى الشخصى لانى عاشق للكورولا
الاسباب لتفضيلها:
1. عدد احصنة اعلى
2. موتور اقوى
3. عالية من على الارض وبالتالى حلوة للمطبات ( مصر العسل)
4. واسعة من جوة وتابلوه شيك
5. مرايات طى كهربائى ( مش اى حد بيحس بقيمتها الا اللى كل شوية مرايته بتتكسر علشان نسى يقفلها)
6. تكييف تلااااااااااااااااااااااا ااااااااااااااااااااااااا ااااااااااااااااااااااااا اااااجة جدا
7. ماسكة سعرها على الدوام

طيب فى حاجة فيها ممكن تكون عيب
1. بسبب علوها عن الارض فى ناس بتقول انها غير مستقرة على السرعات اللى بزيادة عن 160 (وده مش كلام انا شفته ده على السمع بس وممكن وانا اظن انه غير اكيد)
2. قطع غيارها اغلى من اللانسر
3. مفيهاش فتحة سقف طبعا (ده فى مصر بس لان فى الخليج نزلت عندهم موديلات فيها فتحة سقف)

ثالثا علشان اكون حقانى ومحايد تماما (بغض النظر عن تفضيلى التام للكورولا)
بخصوص اللانسر السوبر اكشن
1. فتحة سقف
2. عتب
3. جنوط سبور
4. ثابتة على السرعات العالية (فى ناس بتقول ان ال180 دى بالنسبة لهم عادى جدا)
5. تكييف تلاااااااااااجة (بس اقل من الكورولا طبعا ده من وجهة نظرى الناتجة عن تجربتى الشخصية مع سيارات اصدقائى)
6. واسعة من جوة (نسبيا)
7. سعرها كويس وممتازة فى اعادة البيع (اصبحت منتشرة بكثرة ومطلوبة اوى)
8. قطع غيارها اقل فى السعر من الكورولا

عيوبها
1. قريبة من الارض (واطية) وبالتالى شغالة حك فى مطبات المحروسة الا مع اللى فاهمين السواقة (بس فى مطبات شوماخر بنفسه بيحك فيها وهو مستغل كل فنه وحرفيته الشديدة) (مصر بقى)
2. عدد الاحصنة اقل من الكورولا
وعلى فكرة تقريبا فى 2004 او 2005 كان فى اخبار السيارات (تقريبا) عملوا مقارنة صغيرة بين الكورولا واللانسر من حيث الموتور
وكان موتور الكورولا ال 1300 اعفى واشد من اللانسر ال 1600

واخيرا انت صلى صلاة الاستخارة وربنا يوفقك ويراضيك

ويا جماعة علشان محدش يزعل من دى كلها اراء خاصة بى (يعنى اللى شايف غير كده من وجهة نظره يبقى صح طبعا لان دى قناعات شخصية وفى الاول والاخر انا بشر)

وكل عام وانتم بخير
والسلام عليكم ورحمة الله وبركاته