تقرير عن محبوبة المصريين الفيات 132
http://www.autoevolution.com/images/...rs/fiat-sm.jpg FIAT 132 حققت الفيات 132 نجاح منقطع النظير فى مصر فى الفترة من 1974 الى 1981 وانتشرت ومازلت للان تسير فى الشوراع المصرية ومازالت مطلوبة فى سوق السيارات المستعملة المصرى لما اثبتته من كفاءة وقوة ونبدأ بشكل السيارة http://www.autoevolution.com/images/...ium-1294_4.jpg http://www.autoevolution.com/images/...ium-1294_2.jpg http://www.autoevolution.com/images/...ium-1294_3.jpg http://www.autoevolution.com/images/...ium-1294_5.jpg http://farm3.static.flickr.com/2596/...d44f454f8b.jpg [IMG]http://rds.yahoo.com/_ylt=A0WTefRnRMJLI1gATTqj zbkF/SIG=11ma9jo55/EXP=1271109095/**http%3a//members.aon.at/w123/132.jpg[/IMG] http://farm4.static.flickr.com/3365/...c4613f7067.jpg [IMG]http://rds.yahoo.com/_ylt=A0WTefZTRcJL3V4AOkmj zbkF/SIG=12d3a2ca3/EXP=1271109331/**http%3a//www.webalice.it/alexdalex/officialwebsite/1323.jpg[/IMG] http://www.webalice.it/alexdalex/off...bsite/1324.jpg http://www.webalice.it/alexdalex/off...bsite/1325.jpg http://farm4.static.flickr.com/3331/...b92398d7a2.jpg http://farm3.static.flickr.com/2020/...79180dd642.jpg http://farm1.static.flickr.com/213/5...5d16db533d.jpg المواصفات والابعاد العامة للسيارة المحرك كاربيراتير الطول 4382 مم العرض 1646 مم الارتفاع 1384 مم قاعدة العجلات 2558 مم الارتفاع عن سطح الارض 124 مم وزن السيارة 1070 kg الفرامل الامامية ديسكات والخلفية طنابير ناقل الحركة مانيول من 5 سرعات نزلت السيارة خلال فترة تصنيعها ب4 فئات للمحرك المحرك الاول 1600 سى سى يولد 99 حصان عند 6000 ار بى ام واقصى عزم له129/4000 Nm/RPM المحرك الثانى 1800 سى سى يولد107 حصان عند 6000 ار بى امواقصى عزم له 141/4200 Nm/RPM المحرك الثالث 1800 سى سى يولد 113 حصان عند 5600 سى سى واقصى عزم له 148/3400 Nm/RPM المحرك الرابع والاخير 2000 سى سى يولد 114 حصان عند56000 ار بى ام واقصى عزم له 157/3000 Nm/RPM بجد عربية جميلة ومحترمة جدا وشكرا |
رد: تقرير عن محبوبة المصريين الفيات 132
من السيارات اللى انتشرت فى مصر وعملت بصمه مع الشعب المصرى
|
رد: تقرير عن محبوبة المصريين الفيات 132
لسة بايعنها من شهرين بعد عشرة دامت 28 سنة يمكن موش هتفهموني بس بجد اروع عربية ممكن حد يركبها في حياتة و اوسع صالون سيدان ممكن تركبة بعد الكابرس طبعا عربية فيها كل ما تتمناة حتي التكييف بالنسبة ل 2000 انا بتكلم عن عربية عمرها فوق 30 سنة يا جماعة وفيها كل حاجة انت عايزها من العربية عائلية لاقصي درجة و شبابية ملهاش حل لا في الشد و لا الجري و الترويش عربية تمشي بيها في اي طريق و في اي زحمة متقلش لا عالية و اكصدام حديد يخلي اي تاكسي يفكر 100 مرة قبل ما يرمي عليك 90% من حوادث المرور اللي عملتها بيها في حياتي كنت بطلع صاغ سليم و الحمد لله و اللي كان بيعمل الحادث معايا يا عيني و الله كان بيصعب عليا رغم انه هو الغلطان عربية كل كاااااام سنة تروح تصرف عليها من 2000 الي 3000 و ترجع زيرو من الاول انا لو اتكلمت عنها موش هوفيها حقها يكفي انا و اول ما سافرت برة مصر و اشتريت بيجو 307 اوتو زيرو و لما نزلت اجازة بجد كانت وحشاني سواقتها جدا اياااااااام اسف للاطالة بس اصل الصور بتاعت الموضوع ده رجعت لي شريط الذكريات عشرة 28 سنة ومصايف يا جماعة دي كان والي بيروح بيها السلوم و مطروح ومكانتش بتقول لا يالا اسف للإطالة
|
رد: تقرير عن محبوبة المصريين الفيات 132
فعلا ال132 عربية من العربيات اللى ماحدش قال عليها كلمة وحشة او قال ان فيها عيب كذا بالعكس كل الناس بتحبها بدليل مطلوبة للان فى سوق المستعمل |
رد: تقرير عن محبوبة المصريين الفيات 132
حبيبه قلبى و عشرة السنين 132 1600 موديل 1981 ياااااااااااااااااااااااا اااه
و الله فكرتنى بايام زمان انا حاليا معايا هوند سيفيك بس برضو بحس انى راكب بسكلتة الفيات دبابة |
رد: تقرير عن محبوبة المصريين الفيات 132
يا سلام يا بدر باشا جيت علي الجرح
ال132 تعتبر اكتر عربيه عشقتها في حياتي و لحد النهارده لو شفت واحده نضيفه منها بلاقي دماغي لفت ناحيتها علي طول و يمكن العيله عندي كلها كانت غاويه 132 لدرجه ان كان في فتره من الفترات موجود 5 عربيات متنوعين بين جي ال اس و 2000!!!! و كان عندنا واحده موديل 81 2000 برضه كنا جايبنها زيرو من السعوديه مالهاش حل و قعدت 18 سنه معانا و اتباعت فابريكه بسبب ان والدي كان خايف عليا منها:( يمكن اكتر عربيه زعلت عليها في حياتي كلها لما اتباعت و علي فكره انا عامل موضوع عن ال 132 اتمني انك تشوفه و دا اللينك بتاعه http://www.masrmotors.com/vb/showthread.php?t=3168 بس دا ما يمنعش اننا ندردش في موضوعك شويه و نقول شويه حاجات عنها:) http://farm3.static.flickr.com/2596/...d44f454f8b.jpg العربيتين اللي في الصوره دول132 جي ال اس 1800 بس كانوا بمحركين مختلفين علي الرغم من انهم 1800 البرتقالي كانت بموتور 1800 و 107 حصان الفضي بقي دي اللي كانت حكايه و كانت تعتبر الكونسبت بتاع ال 2000 كانت نازله بجنوط و اسمها 132 جي ال اس (SE) يعني Special Equipment و كان موتورها بقي 1800 ولكن 111 حصان و تعتبر دي اقوي قدره كانت تطلع من موتور 1800 سنه 1974 و دي بقي ارقام شاسيهاتها كانت بتبتدي من 208001;) و كانت بتنزل بتلات الوان فقط السماوي (رقمه 400 ) شوف لسه فاكره ازاي:) و الفضي (622) و الدهبي(577) و لما نزلت ال 2000 سنه 77 كانت بموتور 112 حصان فقط و الانجكشن لما اتقدم سنه 79 كانت 122 حصان يا سلام يا استاذ بدر :) ايام جميله و الله و انا افتكرت الكلام دا كله لما شفت الجي ال اس رغم اني بحب ال 2000 اكتر |
رد: تقرير عن محبوبة المصريين الفيات 132
فيه واحد جاري كان جايب واحدة وارد ايطاليا كانت 2000 كداب موديل 80 بس كان الغيار بتاعها اوتو تخيلو فعلا العربية دي صدق من سماها مرسيدس الفيات
|
الساعة الآن 12:24 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017