صندوق الفيوزات و خريطته لهيونداى - ﻻفيتا
 

السلام عليكم و رحمة الله وبركاته
لدى هيونداى-ﻻفيتا (Hyundai Matrix 1.5 ) و حددت مكان علبة الفيوزات (فى الكبوت) و لدى خريطة توزيع الفيوزات .. ولكن
اريد ان اعرف اين الفيوز المسئول عن وﻻعة السجائر؟
فهل يوجد احد يساعدنى؟؟؟

رد: صندوق الفيوزات و خريطته لهيونداى - ﻻفيتا
 

الحكاية صعبة أوى يا ساسو. هو الميكانيكة مش عندهم خبرة يعنى محدش عرف يصلحها؟؟ أكيد فى قطع غير لها ولو حتى عند غبور... هل حاولت عند الميكانيكية؟؟

رد: صندوق الفيوزات و خريطته لهيونداى - ﻻفيتا
 

بسم الله
الفيوز المسئول ن الولاعه هتلاقي مكتوب عليه RAD
وهوه عندك لونة لبني رابع واحد من تحت شمال في الفيوزات الكبيرة
و ده مسئول عن الراديو كاسيت و الولاعه
جرب و هيطلع هوه ان شاء الله
م / سامح ليله

رد: صندوق الفيوزات و خريطته لهيونداى - ﻻفيتا
 

الصورة المرفقه بتحدد مكان الفيوز بالظبط

رد: صندوق الفيوزات و خريطته لهيونداى - ﻻفيتا
 

شكراً لمرورك اخى , موضوع تبديل الفيوزات ده سهل بشرط لو عارف وظيفة الفيوز و بكام امبير و دى وﻻعة سجاير ;)

رد: صندوق الفيوزات و خريطته لهيونداى - ﻻفيتا
 

جزاك الله خيراً اخى , ولكن لدى كام سؤال كده:
1- ازاى الفيوز ده بتاع الكاسيت و الوﻻعه و الكاسيت شغال و الوﻻعة مش شغاله !!!
2- فى علبة الفيوزات 2 RAD فما فائدة الاخر؟
3- اعتقد والله اعلم وصحح لى ان كنت غلط ان فى فيوز او اكتر مسئول عن الوﻻعة و كمان 2 شاحن بتوع الموبايل (عندى 2 واحد فى الامام وواحد فى الشنطة)
و شكراً لوقتك و مجهودك معى.

رد: صندوق الفيوزات و خريطته لهيونداى - ﻻفيتا
 

بسم الله
كده هتلاقي فيه علبة فيوزات تانية فرعية تحت التابلوة و غالبا هتلاقيها شمال جنب فيشة الكمبيوتر و عليها غطا كأنها جزء من التابلوة و دي هتلاقي فيها فيوزات للولاعة و نور الصالون و فيوز فرعي للكاسيت و كمان فيوزات العدادات و لو عندك ايرباج هتلاقي له فيوز و كمان لو فيه مرايات كهربا و لو الفتيس اوتوماتيك هتلاقي فيوز للاوفر درايف و كمان فيوز لوحدة التحكم عن بعد و الايموبلايزر و ممكن تلاقيها في داخل علبة التابلوه نفسه

و الفيوز اللي انا شاورت لك عليه غالبا و في معظم العربيات بيكون فيوز الكاسيت و نور الصالون و الولاعه و التلاتة بيكونوا مرتبطين ببعض لو اتحرق بيحصل عطل في التلاته دول اما التاني اللي مكتوب عليه rad2 ده مش فيوز ده كتاوت او كونداكتور او ريلاي الراديو و ده غالبا بيبقي موجود في العربيات اللي فيها اريال كهربا علشان حمل الايريال يبقي عليه مش علي الكاسيت او لو الكاسيت خرجه قوي جدا و الوات بتاعه عالي فبيحتاج تغذية مباشرة من البطارية فبيتعمل ليه الريلاي ده
و اي خدمة

و طالما عندك البلجات دي كلها ابقي علي الفيوز شوية يعني انتا غالبا هتلاقيه 10 او 15 امبير خلليه 20 امبير علشان لو ركبت حاجات كتير في نفس الوقت مش يتحرق بسهوله من الحمل
سلام
م / سامح ليله