|
اي حد عنده استفسار او اسئلة عن سروجي السيارات
انا طارق سروجي سيارات دي تعتبر اول مشاركة ليا حبيت تكون مفيدة ليكم اي حد عنده اي استفسار او سؤال يتفضل يسئل وانا هجاوبه انشاء الله ويارب اكون عند حسن ظنكم |
رد: اي حد عنده استفسار او اسئلة عن سروجي السيارات
اهلاً بيك يا استاذ طارق نورت مصر موتورز :CONGRA~238:
كنت عايز اسأل بخصوص تنجيد السقف او تغيير الفرش بتاعة او كسوته بالجلد ليه الموضوع ده دائماً صعب ولما بيتعمل بيبوظ والفرش بيقع وايه اصوله علشان يطلع صح ولا ملوش حل ولا ايه انا كان معايا عربيه قبل كدة وكان الموكيت بتاع السقف متوسخ جامد وحبيت اعمله جلد بس كان فاشل خالص علشان كدة بسألك |
رد: اي حد عنده استفسار او اسئلة عن سروجي السيارات
اقتباس:
حضرتك طبعا فاهم ان صوابعك مش زي بعض وبالذات السقف لازم الفني ال شغال فيها يبقي فاهم ان لازم نوع اللزق ال بيلزق بيه بيكون كويس لذلك احنا بنستخدم خامات لزق الماني عشان يكون شديد ده اولا ثانيا لازم نوع القماش او الجلد يكون بيقبل اللزق لان في انواع بتكون زفره مش بتقبل لزق ثالثا اختيار مكان الفني التمام ويكون في ضمان علي الاقل سنة ضدد عيوب الصناعه وبالذات السقف اكثر من اي حاجه وانصحك في اختيار خامه السقف سواء كان جلد او قماش عليك فقط اختيار اللون وسيب الخامه للفني عشان اي عيوب ترجعله ومش يقولك انت ال صممت علي نوع الخامه ولكنه مش سبب المفروض انه ينصحك ولو صممت علي رائيك يبقي اي خطاء يرجعلك انت ويارب اكون قدرت افيدك |
رد: اي حد عنده استفسار او اسئلة عن سروجي السيارات
هو فيه فعلاً جلد طبيعى بسعر معقول ولا كله جلد صناعى وانهى عملى اكتر
وشكرا مقدما |
رد: اي حد عنده استفسار او اسئلة عن سروجي السيارات
حضرتك في جلد طبيعي فعلا باسعار معقوله بس الجلد الصناعي مع الفرش افضل لسبب انه بياخد نفس شكل الكرسي بكل سهوله مع التفصيل ومش بياثر علي قالب الاسفنج الاساسي للكرسي اما الطبيعي بيتاثر بالجو وياثر تاثير جامد جدا وملحوظ علي قالب الاسفنج وعلي فكرة الجلد الالماني الاصلي بيشبه الطبيعي ال حد ما
|
رد: اي حد عنده استفسار او اسئلة عن سروجي السيارات
سؤال قد يكون بسيط لكنه صعب بالنسبالى
عاوز أفك كرسى لادا, الكرسى كل شوية ينزل الحشو الكارينا بتاعته و طبعاً هبط عاوز أفكه من المجرة بتاعته و أسد الفتحه إللى بتنزل الكارينا ده أيه نصايحك فى طريقة الفك و التركيب و التنجيد |
رد: اي حد عنده استفسار او اسئلة عن سروجي السيارات
حضرتك اولا من كلامك واضح ان الكرسي ملعوب فيه بسبب وجود كارينا فى الكرسي والكارينه دي لا تستخدم مطلقا في فرش السيارات لان الكرينا بتاعت الانتريهات والصالونات المنازل اما موضوع انها تبقي في كرس سياره فاكيد اما انك استرخصت فى تنجيد الكرسي لما جيت تنجده او سؤء الفني ثانيا بما ان الكرسي ملعوب في ف مش هقدر احددلك مقاس المفتاح ال هتفك بيه عمتا انت هتشوف مقاس المفتاح واما تيجي تفك هترجع الكرس للخلف وتبدا تفك من الامام والعكس بعد اما تفك من الامام هتفك من الخلق وكده اتفك الكرسي انما انك تسد الفتحه فهو عمرك ما هتعرف تسدها لان الكرينا عباره عن قش فمهما هتعمل هتنزل كارينا لو حابب تزوده فعلا ممكن تججيب فرخ سفنج ٥ سم وتزود بيه انضف وافضل واسف اني طولت عليك
|
| الساعة الآن 07:00 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017