ارجوا المساعدة عملت حادثة قبل العيد والجنب اليمبن كله اتبهدل
الحمد الله ربنا قدرلى وعملت حادثة قبل العيد والجنب اليمبن كله اتبهدل وروحت للسمكرى وقلى عايزين اكصدام ورفرف وكبوب وفانوس امامى يمين .
لو فى اى حد ممكن يفيدنى اشترى جديد او استيراد والاسعار ايه علشان عايز ابدا من اول الاسبوع ان شاء الله اعمل الشغل اللى فى العربية علشان بجد صعبان عليا اوى شكلها كده ومش عايز ابيع رغم انه اتعرض عليا مبلغ مش وحش على حلتها كده وانا مستخصرها فى البيع . ولو ممكن اعرف الاقى فين الحاجه الاستيراد بتعاتها باللون الاسود يبقى كتر الله خيركم جدا |
رد: ارجوا المساعدة
هي العربية نوعها ايه وموديل ايه وياريت صورة للعربية علشان نقولك تعمل ايه مع السمكرى
|
رد: ارجوا المساعدة عملت حادثة قبل العيد والجنب اليمبن كله اتبهدل
ارجو ذكر نوع السيارة والميزانية المتاحة
|
رد: ارجوا المساعدة عملت حادثة قبل العيد والجنب اليمبن كله اتبهدل
1 مرفق
فى للبداية بعتز على التاخير فى الرد على حضراتكم كونت بايت فى الشغل ومفيش شبكة نت هناك السيارة دايو لانوس موديل ٢٠٠٠سوداء اللون
|
رد: ارجوا المساعدة عملت حادثة قبل العيد والجنب اليمبن كله اتبهدل
اما بالنسبة للميزانية غير محددة انا اصلا هحتفظ بالعربية مش ناوى ابيع دلوقتى خالص وناوى اعمل فيها شغل اكسسوار بعد ماظبطها وروقها
|
رد: ارجوا المساعدة عملت حادثة قبل العيد والجنب اليمبن كله اتبهدل
قدر الله وماشاء فعل وربنا يعوض عليك يارب
بص اسوء حاجة فى الحادثة عندك حاجتين الباقى سهل بإذن الله اول حاجة احتمال ان الخبطة لوحت الحوض ؟ ديه تبان من الجنب الشمال اللى انت مصورتوش ومن كشف الزوايا ومن المشى بالعربية لو ده حصل حتحتاج تعمل زراجين فى الحوض وعلى حسب حجم الترحيل هنعرف محتاجة زراجين قد ايه واذا كانت تتعمل على كده ولا لازم الحوض يتفضى ( بمعنى يتشال منه المكنة ) وممكن ان شاء الله ميبقاش فيه ترحيل ولا لوحة فى الحوض ومتحتاجش تخش فى زراجين تانى حاجة الخبطة اللى فى القايم ،، اسلم حاجة ليها تترد بالشد والسحب والطرق وبعدين تتمعجن فايبر والجزء ده اهم حاجة تستلمها نظيفة من السمكرى لبتاع البوية لبتاع الزجاج علشان متبقاش باينة فى الاخر غير كدة محتاج تشترى الحاجات ديه رفرف امامى يمين كرتيرة رفرفر * فانوس امامى يمين لو حالتة تحتاج تغيير * اكصدام امامى لو حالتة تحتاج تغيير الشغل هيبقى : زرجينة للحوض اذا لزم استبدال رفرف امامى استعدال الكبوت استعدال القايم الامامى يمين استعدال قضيب الاكصدام التكاليف على حسب المكان والميزانية ممكن من 3000 ل 5000 وممكن تعملها على مهلك وتبداء بشراء الرفرف وتروح للسمكرى يظبطلك الكبوت مع الرفرف ولو خلصت ومفيش زراجين تعمل خبطة القايم ديه على رواقة خالص لحد ما تظبط وبعد شغل السمكرة والدق ما يخلص تروح لبتاع الدوكو تتفق معاه واذا شايف تعديلات يرجعك تانى بيها للسمكرى المهم تتابع بنفسك الصنايعية ومتستعجلش لحد ما تتظبط ومتنساش هتروح تظبط زوايا علشان تطمن على مشى العربية |
رد: ارجوا المساعدة عملت حادثة قبل العيد والجنب اليمبن كله اتبهدل
1 مرفق
اقتباس:
بالنسبه للحوض مفهوش اى حاجه ولا ترحيل انا ورتها لسمكرى فى العريش وقالى مفيش حاجه فى الحوض او الكرتيرة تحت الرفف وانا مصور صورت الجنب الشمال وفعت صورته وفى انتظار رايك . العربيه فعلا محتاجه زبط زوايا وخصوصا ان الجنط اللى كان ناحية الحادثة اتشرخ وده مش عارف ممكن اعمل فيه ايه ولو ممكن اشترى واحد نفس الشكل يبقى فضل من عند ربنا وخلى ده استبن للعربيه . انا انشاء الله ناوى انزل بورسعيد ادور على الحاجه بتاعتها بالوانها وانزل بعد كده على السنبلاوين اعمل العربيه هناك واخلاصها كلها سمكره ودهان وكهربا وزويا قبل مارجع بيها وادينى بدور وبسال على حد يكون معلم هناك علشان انزل عليه على طول عشان بجد اتعذبت فى العيد من غير العربيه . |
الساعة الآن 01:41 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017