تجربتي المتواضعة مع الدايو لانوس S
بسم الله الرحمن الرحيم
احب اشاركم تجربتي المتواضعة مع عربيتي مع الأخذ في الاعتبار ان سيارتي السابقة هي نصر 127 مما يعني اني انتقلت نقلة كبيرة جدا النوع : دايو الموديل : لانوس S السنة : 2008 اللون : سماوي (بيبي بلو) عداد الكيلو : اكثر من 3000 كم ما اعجبني: الوسع الداخلي جميل جدا مقارنة بالفيرنا درجة العزل المعقولة طالما انت على 90 قابليتها للترويش الشيك الشنطة سعتها جيدة ما لم يعجبني: خامات التابلوه والبلاستيك المستخدم نور الشبورة مشتغلش من تالت يوم !!!!!! عيوب فيوزات الكماليات والاكسسوار: فرش جلد اسود طقم دواسات غطاء ووتر بروف عراقات شكل الكراسي الريكارو (بس طبعا اشتريتهم قلة خبرة وغباء هو في حد يشتري عراقات جلد؟؟) طقم نواكل : مرايات - فوانيس خلفية - مقابض - رشاشات المساحة - مثلث خلف الشباك الخلفي شريط جلد حامي الاكصدامين استهلاك البنزين حتى الآن: اسوأ استهلاك كان 200 كم في الصفيحة = سرعة فوق 110 كم/س + تكييف طول الوقت احسن استهلاك كان 300 كم في الصفيحة = سرعة لا تزيد عن 90 كم/س + بدون تكييف ملاحظة: انا ساكن في فيصل وشغلي في القطامية فاغلب طريقى سريع على الدائري. ان شاء الله انزل الصور قريب جدا ظروف التجربة: اولا السيارة لم تكمل الـ5000 ... يعني لسه بدري عليها ثانيا انا مش خبير في السيارات انا مجرد واحد بيحب مشاركة تجربته ثالثا ودا الاهم ان التقييم ناقص كتير فمستني مشاركتكم واسئلتكم علشان يكمل التقييم أخوكم وائل السويفي |
رد: تجربتي المتواضعة مع الدايو لانوس S
ربنا يارب يباركلك فيها يا وائل ويملهالك بركه ويديك خيرها ويكفيك شرها يا رب
ومستنيين الصور ضروري |
رد: تجربتي المتواضعة مع الدايو لانوس S
ربنا يديك خيرها ويكفيك شرها يارب
بس ناقص تقولنا رايك ايه فى العفشة سواء محملة او فاضية (راكب واحد بس) |
رد: تجربتي المتواضعة مع الدايو لانوس S
ربنا يباركلك فيها
المهم الثبات أخباره إيه - الانوس سمعتها وحشة في النقطة دي |
رد: تجربتي المتواضعة مع الدايو لانوس S
اقتباس:
تمام يا باشا سؤال في محله العفشة طبعا سيئة جدا مع الحمل وخصوصا الاوزان انما فاضية بتيقى عادية |
رد: تجربتي المتواضعة مع الدايو لانوس S
اقتباس:
اسلام باشا والله طول ما انا سايق على 90 العربية تمام والتحكم تمام انما عديت ال 100 وانت طالع يتلاقي الدركسيون خف جدا جدا جدا طبعا اللانوس معروفة انها طالما عدت ال 120 المؤشر بيبقى عايز يطير والعربية نفسها تحس انها معرضة تتقلب وتتطيش في اي لحظة طبعا دا احساسي |
رد: تجربتي المتواضعة مع الدايو لانوس S
عن تجربة النوبيرا والانوس عفشتهم ناعمة بس زى ما قال الاستاذ وائل مع التحميل بتحك فى المطبات جامد بس ممكن عفشة سبور تظبها خاصة بخصوص الثبات بس طبعا هتبقى انشف فى المطبات يعنى ميزة وعيب فى نفس الوقت
|
الساعة الآن 08:43 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017