مصر موتورز مجتمع السيارات

صفحة 1 من 2

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - عفشة اللانوس (https://www.masrmotors.com/vb/showthread.php?t=2528)

szrateb

23-09-2008 10:57 AM

عفشة اللانوس

عندي لانوس كاملة عاملة 27 الف ومعظم مشاويري سفر أو طرق ممهدة وبحافظ جدا على العربية وسواقتي هادية
المهم غيرت بارات الطرف مرتين مرة عند ال15 ألف ومرة عند ال27 ألف ولسة برضة سامع صوت طقطقة خفيفة عند لف الطارة أو في المطبات
ممكن تكون علبة الدركسيون فيها مشكلة وهل عفشة اللانوس بهذا الضعف ولا يعتمد عليها
وما هي خطورة اني اطنش الصوت وامشي بالعربية بهذا الحال

Masrawy

23-09-2008 08:12 PM

اقتباس:

المشاركة الأصلية كتبت بواسطة szrateb (المشاركة 6384)

عن تجربة انا عملت بها 160 الف كيلو و لم المس العفشة نهائيا و لم احتاج الى ضبط زوايا منذ ان اشتريتها
و كان موضوع الطقطقة هذا موجود عندى و تعودت عليه و طنشته تماما حتى وصلت لل 160 الف كيلو
و كنت بعاملها بمنتهى القسوة و الصراحة اللانوس من احسن السيارات فى مصر و حمالة اسية بجد و اذا كانت الطقطقة مضايقاك فالحل هو تغير الجلب الكاوتش الموجودة فى العفشة الامامية و ستنتهى هذه المشكلة ان شاء الله و لو محتاج ميكانيكى دايو مش نصاب و ممتاز و مش غالى عندى واحد كويس جدا ممكن اوصفه لك و من خلاله ممكن يرشدك لافضل واحد فى العفشة لها و افضل واحد فى الريداتير و السمكرة ايضا اذا حبيت

MoSHaX

23-09-2008 08:26 PM

رد: عفشة اللانوس

لالا دى حصلت معايا ...كان فى صوت طقطقة بسيط فى العجلة الشمال ..وبيسمع فى الدركسيون ومكنش بيظهر الا لما الف الطارة جامد او مع المطبات..انا شكيت انها تكون حاجة فى الكوبلن بس طلع البيض بتاع العربية ..لو عاوز تغيرة تمنة 90 جنية فى التوكيل انا مرضيش يغيرهولى العامل فى التوكيل وقالى دة من الوساخة والطين وانا هنضفهملك من غير مااغير حاجة وعملهم اتظبطوا مية مية وخد فلوس بسيطة..انا سمعت كمان انو البيض دة لو فى حاجة ممكن يملص منك انت وماشى والعربية تتقلب لا قدر الله وحاول متستهونش بالحاجات البسيطة دى لانها بتكبر

Masrawy

24-09-2008 04:08 AM

رد: عفشة اللانوس

اقتباس:

المشاركة الأصلية كتبت بواسطة moshax (المشاركة 6398)

سبب منطقى و وارد حوثه طبعا بس ازاى تم علاجة بدون تغير ؟؟؟؟؟

و ازاى يدخله للبيض طين و وساخة و هو مغلق بكوتشة محكمة ياريت تبص عليه بنفسك و تشوف عملوا اية بالظبط

و خلى بالك لو كان توكيل ابو رواش او توكيل الكويت و البلاد العربية دول نصابين و معظم الصنيعية الموجودين عندهم نصابين كمان

انا شوفت مرة ازى بيضيعوا البوش الموجود فى البيض لو قولتلك ازاى بيعملوا كدة من غير تغيره هتتخض خلينى ساكت احسن ptmnlo123per1117

szrateb

24-09-2008 10:24 AM

رد: عفشة اللانوس

اقتباس:

المشاركة الأصلية كتبت بواسطة masrawy (المشاركة 6396)

شكرا يا استاذ مصراوي على الرد بس انا خايف ان الموضوع يكون فيه مشكلة في علبة الدركسيون وهل عادي امشي عليها كدة ولا فيه خطورة وخايف اروح لأي حد يشتغلني لو تعرف حد بعرف في العفشة ويكون أمين ياريت تقول لي عليه مع الشكر

szrateb

24-09-2008 10:35 AM

رد: عفشة اللانوس

اقتباس:

المشاركة الأصلية كتبت بواسطة moshax (المشاركة 6398)

مانا غيرت البيض اللي هو البارات دة مرتين والصوت من العجلة بقى كويس لكن يوجد صوت طقة خفيفة عند لف طارة الدركسيون ودة انا موش عارف سببة ايه

Masrawy

24-09-2008 08:34 PM

اقتباس:

المشاركة الأصلية كتبت بواسطة szrateb (المشاركة 6428)

متقلقش ابدا ابدا لان الطقطقة هذه شائعة فى اللانوس و بدات عندى من 40 الف و لم التفت لها حتى وصلت الى 160 الف كيلو و اقسم بالله انى كنت اعامل هذه السيارة بمنتهى القصوى و لم المس العفشة او احتاج حتى الى ظبط زوايا رغم ان السيارة معى منذ سبع سنين و اتذكر اننى من عدة اشهر ذهبت بها و بهذه الحالة الى مرسى مطروح رايح جاى على سرعة من 140 الى 160 متواصل و لم ارحمها رغم ان الموتور عامل 160 الف كيلو و عندى الطقطقة من 40 الف و مافيش اى مشاكل نهائيا
و موجودة عند معظم اصدقائى ايضا صوت الطقطقة و منهم من غير جلب و انتهى الصوت و منهم من غير البيض و انتهى الصوت ايضا و لكن انا شخصيا لا اعتقد ان السبب بارات الطرف
و لا تقلق و ان شاء الله سوف اسألك على واحد كويس بتاع عفشة و ارد عليك بس ياريت حضرتك تقولى ما هى اقرب منطقة لك .

الساعة الآن 07:34 AM.

صفحة 1 من 2

عرض 7 مشاركات من هذا الموضوع لكل صفحة