سؤال لخبراء BYD F3
بعد اللف و الدوران و البحث و التنقيب استخرت الله و عقدت العزم على شراء الBYD
سمعت عن مشاكل السخونه و التقفيل الرديء و التيل المضروب و قواعد الموتور و عضة الفتيس الغنيه عن التعريف و صوت الموتور العالي و الكاسيت المهيس و الخ الخ و لازلت غاوي اعك نفسي و قلت برده عربيه ممتازه بالنسبه لسعرها. بكلم نفسي و قول هاتشتري زيرو و تصلح؟ و تعمل شجيع السيما و تغير القطع الزيرو البايظه باستيراد ياباني او حتى جديد امال انت راكب زيرو ليه؟ ففكرت في فكره خطر, ال BYD F3R معروضه عليا جديده كاش بسعر مغري و تقفيل بره كمان يعني هاريح نفسي من و جع القلب و عيوب التقفيل المصري العويل. بس السؤال هنا: المكنه 1500 ليها قطع غيار متوفره؟ و هل اكسسوار ال F3R متوفرزي ال F3? ولا فانوس او اكصدام يتكسر او شنطه تتخبط و روح ابعت اجيبها من الصين؟ حيران حيران حيران دلوني يا ولاد الحلال |
رد: سؤال لخبراء BYD F3
انا كنت هعمل زى حضرتك كده واجيب f3 لاكن بسبب المشاكل اللى منتشره صرفت نظر نهائى
|
رد: سؤال لخبراء BYD F3
اقتباس:
أقسم لك بالله انا معايا F3 بقالها حوالي 8 شهور وعامل بيها 12 الف كيلو وبسم الله ما شاء الله زي الفل .... كان في بس عضة في الفتيس وطلعت اني ما بدوسش على الدبرياج للأخر ومن بعد ما تعودت على الدبرياج اختفت العضة نهائياً .....غير كدة مفيش اي حاجة في العربية وبسم الله ما شاء بأمانة زي الفل وسيبك من الكلام المتهول دا انت يأ خي لو هاتشتري سيراتو ولا النترا هاتلاقي العالم الفزاليك قالي هايطلعولك القطط الفطسانة وهما اساسا اجمد عربية ركبوها 128 لو عجباك توكل على الله وهاتها ومش هاتندم |
رد: سؤال لخبراء BYD F3
اقتباس:
|
رد: سؤال لخبراء BYD F3
طيب الاوتوماتيك مشاكله اكتر من المنيوال ؟
انا مش مصدق حالة القلق اللي عندي من التوكيل. حاسس اني لابس بنطلون واسع من غير حزام:thnkr: |
رد: سؤال لخبراء BYD F3
اقتباس:
العداد 40 الف كيلو متر و الصيانات بالتوكيل من اول صيانة ال 1000 مشكلة السخونة غير موجودة بالمرة مشاكل التقفيل عادية زي الفرنا و اللانوس و الاسبرانزا و الصني و و و و كل التقفيل المصري كدة التيل بجيبه برا التوكيل ارخص و احسن و برضه مش وحش الاصلي بتاعها قواعد الموتور بعد 40 الف كيلو زي الفل مفيش شكوى منها عضه الفتيس تقريبا مش موجودة و لو موجودة عالاول بس و تختفي مع ضبط رجلك عالدبرياج صوت الموتور العالي مش عيب و زيه زي عربيات كتير مش عارف ده اسمه دلع و الله اول مرة اسمع ان الكاسيت مهيس بصراحة تمام كدة ؟؟؟ خد عندك بقا 40 الف كيلو في سنة و استخدام شاق و بتمشي في جميع مناطق القاهرة و الحمد لله مفيش اعطال نهاااااااااااااااااائي مرة واحدة جهاز الانزار اتحرق و اتغير في الضمان و ماستر الدبرياج باظ على 38 الف كيلو و والدي مشي بيها 2000 على عيب الدبرياج عادي جدا و لما دخل ال 40 الف اتغير في الضمان رغم انه من المستهلكات و ذلك لمواظبته عالصيانة في التوكيل بعد الكلام ده هتلي عربية دكر في بلدك زيها بطل تسمع الكلام و بس عشان متتعبش |
رد: سؤال لخبراء BYD F3
السيارة معى ليها اربع شهور ومفيش مشكلة كانت غير رزع الشنط وتشغيل الانذار واتحلت فى صيانة 1000 ولا توجد مشاكل حتى الان والحمد لله
ومليار مبروك مقدما |
الساعة الآن 06:22 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017