مصر موتورز مجتمع السيارات - خبر حصرى وأكيد .... شيفروليه كروز بالموتور الجديد

السلام عليكم

النهارده عرفت خبر فرحنى ويارب يطلع بجد المره دى

كنت فى فرع قطع الغيار باشترى حاجات وانا واقف سمعت واحد بيكلم الموظف اللى قدامى بيقوله مش هاتنزل عالكمبيوتر حاجات الكروز , قاله لأ موجوده , قاله لأ الكروز بالموتور الجديد !!!!!! الموتور الجديد اااااااااااه

طبعا انا سألت هى الكروز نازله بموتور جديد ولا ايه ؟؟؟؟

الرد اه بدايه من موديلات السنه دى فى خلال شهر الكروز هاتنزل بموتور المانى لان جالنا شكاوى بسبب انها بتنزل بموتور الاوبترا , بس طبعا هاتغلى شويه !!!

وقعد يرغى شويه فى قصه المانى وكورى ومش عارف ايه ومعرفتش طبعا افهم منه هاتنزل بانهى موتور هو شكله حافظله كلمتين

المهم الكروز بتنزل بقالها فتره كبيره فى كوريا واوروبا بموتور 124 حصان ECOTEC اللى هو التعديل بتاع الاسترا اللى كان بينزل فيها الاول 115 حصان

الفرق بين الموتورين ان ال 124 نسبة انضغاطه 11 يعنى بنزين 95 !! لكن ال 115 حصان نسبة انضغاطه 10.8 يعنى شغال 92

الله اعلم هاتنزل بانهى فيهم , والله اعلم هاتنزل امتى بالظبط

طبعا احنا سمعنا كتير موضوع الموتور الجديد وبتطلع اشاعات , بس اللى مخلينى مصدق المره دى ان المعلومه من قسم قطع الغيار يعنى خلاص نازله اكيد

وربنا يسهل

صوره بقى بالايكوتيك نتفائل بيها :)

http://img197.imageshack.us/img197/5...efa9f1a1df.jpg

http://img214.imageshack.us/img214/1749/03411.jpg

http://img339.imageshack.us/img339/2...ruze18lt98.jpg

.

منقول للافاده العامه