سعر بيجو 405 موديل 1994
 

لو سمحت كنت عاوز اعرف سعر عربية بيجو 405 موديل 1994 1600 سى سى سنتر وانزار لاكن مش فيها تكيف ولا فيها باور
واخدة كام خبطة (خبطات بسيطة ) من الابواب يعنى عاوزة شوية سمكرة وتترش بس فبريكة جوة بشهادة المختصيين والازاز الكهربا برضو عاوز شوية ظبط العداد بتاعها عامل 295 الف كيلو الموتور كويس بس فى هزة كدة مش ثابت دى كل الملاحظات كنت عاوز اعرف اشتريها ولا لا ولو هشتريها تعمل كام وعشان اظبط الحجات الى انا قلت عليها دى تتكلف كام وشكرا ليكم جد

رد: سعر بيجو 405 موديل 1994
 

ما اقدرش افيدك فى السعر بس نصيحة منى حاول تشوف عربية تانية تكون ماشية اقل من كده والموتور طالما فيه هزه يبقى فى حاجة مش تمام وكمان العربية رشة جوه

رد: سعر بيجو 405 موديل 1994
 

العربية فبريكا دواخل دى حاجة تانى حاجة انا اعرف ان موتور البيجو ال 405 معمر جدا ياريت لو حد يفدنى اكتر وشكرا جدا لحضرتك بس هيا عمتا معروضة عليا ب 28 الف هل دة كويس ؟

رد: سعر بيجو 405 موديل 1994
 

لأ ده كويس طبعا انا سألتك عن سعر الموديل ده وعامل فى اخر التلاتينات ولو حاجة حالتها حلوة ممكن تدخل فى اربعين

رد: سعر بيجو 405 موديل 1994
 

انا خلاص جبت العربية والعربية كويسة عاوزة شوية شغل يعمل حوالى 2000 جنية وتبقى تمام بس بعد لما جبتها واحد قريبى عرض عليا انة يخدها ويدينى مكنها هيونداى اكسل 1995 كاملة تكييف وبور وسنتر وماتور 1500 استيراد لسة راكب من شهرين وادفعلة فرق 1000 جنية هل دة كويس ولا بلاش