اشتريت اكسارا 2
 

الحمد لله يا جماعه اشتريت اكسارا 2 من حوالي اسبوع كده وعلي فكره الاول كان معايا اكسارا 1 يعني من حبي فيها غيرتها بالاحدث بس كان عندي شوية تساؤلات عن اسعار شوية قطع غيار يعني مثلا عاوز اجيب اكصدامين وياريت يكون الاكصدام الامامي بالفوجات عشان الاكصدام اللي عندي حالته وحشه وشكله وحش من غير فوجات وعاوز اعرف هما بيتصنعو في بلد تانيه غير فرنسا زي باقي العربيات ممكن يكون تيواني او اسباني يعني مش لازم اجيب الاصلي لانه غالي اكيد وعاوز برضو فانوسين امامي لانهم حالتهم وحشه حتي بعد التلميع العربيه صالونها ماشاء الله حالته حلوه بس من بره مش عاجباني حالتها اسف علي الاطاله وياريت حد يسأل فيها ومتشكر جدا ليكوا:waving:

رد: اشتريت اكسارا 2
 

الف مبروك - عربية قيمة و تستاهل تمنها و احسن من اختها الرينو بكتير

انا اعرف ان الاكسارا 2 قطع غيارها اغلى من ال 1 بالضعف بعض الاحيان!!!

لكن تتميز انها صناعة فرنسي بالكامل و ليست تجميع مصري و المحرك هو نفسه اللي راكب في السي 4 ال 1600 سي سي بقوة حصانية اكتر من الاكسارا 1
ممكن حضرتك تقوللي هل فعلا في فرق؟ في الاداء و التقفيل و المحرك؟

و حضرتك جبتها بكام و متوسط سعرها كام؟

رد: اشتريت اكسارا 2
 

الله يبارك فيك يا باشا وهي فعلا عربيه قيمه وممتازة انا كنت من اشد المعجابين بالاكسارا 1 ولما جيبتها مافكرتش اني افرط فيها ابدا وعمري ما جيه في مخي حكايه تقفيل مصري ولا فرنساوي لانها كانت ممتازة في كل حاجه بس مشكلتي انها كانت مانيوال وانا كنت عاوز اغير لللاوتماتيك وكنت فعلا هغير واجيب اكسارا 1 اتوماتيك لحد ماسألت عن اسعار الاكسارا 2 ولقتها رخيصه والله ومش فارقه كتير وانا علي فكره اول ماجيبتها طلعت علي امجد في الحرفيين وعملت كل السرفيس بتاعها وكل حاجتها رخيصه والله حتي امجد بنفسه قاللي انت ربنا بيحبك انك جبتها الايام دي لانها كانت من سنتين حاجتها مولعه نار ودلوقتي بقي رخيصه وحكاية الفرق بينها وبين الاكسارا 1 والله تقريبا نفس القعده علي الكرسي ونعومة العربيه والثبات العالي فيماعدا الموتور الجبار بتاع ال2 والفرامل لان فراملها مختلفه الاكسار 2 علي سكاكين ورا ومش عاوز احكيلك علي زرار عندي في الفتيس عليه حرف اس انما ايه حكايه لازم تجربه غير كده الاكسار دي تحفه بكل المقاييس:danceW7:متوسط السعر لو نظيفه بتبدا من 39 مثلا لحد 47 علي حسب نضافتها وماشيه كام كليو

رد: اشتريت اكسارا 2
 

ربنا يباركلك فيها - و لو في حاجة قدامك فابريكة بسعر حلو ممكن تراسلني على الخاص و جزاك الله خير

رد: اشتريت اكسارا 2
 

مبروك يا باشا
ربنا يباركلك فيها ويكفيك شرها
لو وصلت لحاجة فى موضوع الاكصدام والفوانيس ياريت تقولنا على السعر و المكان