مصر موتورز مجتمع السيارات - ارجو الافاده من خبراء هيونداى و سيات

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - ارجو الافاده من خبراء هيونداى و سيات (https://www.masrmotors.com/vb/showthread.php?t=52832)

ارجو الافاده من خبراء هيونداى و سيات

انا راجل كان معايا عربيه فيات 128 و من بعدها فيات ريتمو و بيعت الاتنين و بادور دلوقتى على حاجه جديده تنتشلنى من عالم الفيات عشان خلاص تعبت من المرواح للصنايعيه كتير فى قصادى دلوقتى عربيتين و طبعاً هما دول اللى على قد فلوسى اولاً سيات ايبيزا 98 او 99 و ثانياً هيونداى اكسنت برضه 98 او 99 بس مشكلتى إنى مش عارف قطع غيارهم متوفره و لا لأ و كمان ايه نظام سعر قطع الغيار عشان طبعاً انتوا عارفين الفيات بتتباع عند البقال و ببلاش انا خايف اجازف و اجيب عربيه تطلع حلوه بس تدبحنى بعد كدا فى قطع غيارها ارجوا منكم الافاده و لو حد ممكن يقترح عليا اى نوع تانى من العربيات يكون محترم و قطع غياره متناوله يبقى كتر الف خيره انا كل اللى معايا يا جماعه 35 الف و انا اسف إنى طولت عليكم

رد: ارجو الافاده من خبراء هيونداى و سيات

لو سمحتم يا جماعه حد يجاوبنى انا قربت انزل اشترى العربيه و خايف عايز اى معلومات عن قطع الغيار

رد: ارجو الافاده من خبراء هيونداى و سيات

اخى الكريم طبعا اكسيل افضل كثيرا من حيث توافر وسعر قطع الغيار
والمبلغ اللى معاك محترم اوى وممكن يجيب لانسر عيون موديل 91 ، 92 ، 93 من راى انها افضل من الاكسل من حيث الاعتمادية والشكل والثبات مع اشتراكها فى كثير من قطع غيار الاكسل حيث ان الكوريين عملو استنساخ من الانسر

رد: ارجو الافاده من خبراء هيونداى و سيات

أنا متحيز للأكسنت وحاسس أنها افضل سيارة اعتمادية في فئتها نزلت مصر ، قطع غيار متوفرة و رخيصة ، أستهلاك قليل للبنزين ، عفشه معقولة ، تكنولوجيا سهلة وتقريبا كل الميكانيكية بيفهموا فيها، عيبها الوحيد أنها بتهبط لما تركب 2 أو أكتر في الكنبة

رد: ارجو الافاده من خبراء هيونداى و سيات

اقتباس:

المشاركة الأصلية كتبت بواسطة mrastra (المشاركة 405853)

متشكر يا باشا على مرورك و الافاده و انا فعلأً خلاص استقريت على اكسيل او اكسنت