مصر موتورز مجتمع السيارات - استفسارات بخصوص ال 127

مصر موتورز مجتمع السيارات (https://www.masrmotors.com/vb/index.php)

- 127 Fiat Ritmo (https://www.masrmotors.com/vb/forumdisplay.php?f=232)

- - استفسارات بخصوص ال 127 (https://www.masrmotors.com/vb/showthread.php?t=21343)

استفسارات بخصوص ال 127

السلام عليكم و رحمة الله وبركاته
أخواني أعضاء المنتدي الكريم
الأول عربيتي هي نصر 127 موديل 82
كان عندي بعض الأسئلة
أول سؤال :هو عدم اتزان العربية بعد ال80 ده طبيعي و لا كده يبقى فيه مشكله عندي هو صحيح أنا بوصل بيها ل 110 بس بحس اني بسيطر عليها بصعوبة
و لو ده الطبيعي بتاعها هل فيه حاجة تخليها تمشي على 110 من غير ما أقابل مشكلة في الاتزان بتاعها

تاني سؤال خاص بالفرامل أنا لما أكون ماشي أعلى من 80 و أفرمل ألاقي العربية بتحدف يمين يا ترى المشكلة ممكن تبقى في ايه

تالث سؤال اذا فيه حد يعرف سعر السوسته الخلفية يا ريت يقولي

ملحوظة أنا اشترتها من واحد كان غير كاوتشاتها و ركبلها مقاس أكبر

و جزاكم الله خيرا

رد: استفسارات بخصوص ال 127

بص يا باشا عشان تمشى بالعربيه دى 110 واكثر لازم تكون مربط عفشه عالصح وظابط زوايا واتزان وبالنسبه للفرامل اعتقد انها نفس المشكله اما السوسته الخلفيه هو انت عايز تعلى العربيه من وراء دى اسمها ام سوسته اسمها كده وبالنسبه للكاوتش هو مركب فيها جنت كام 14 ولا اكتر عشان دى تعملك مشاكل وبالمناسبه انا معايا 127 top

رد: استفسارات بخصوص ال 127

انا معايا 127 نصر موديل 1987
مش عايز أقولك أقصي سرعة جبتها بيها كان 145 كم \ ساعة
مفيش تعويمة و لا أي مشاكل بتحصل معايا الحمد لله
بالنسبة لمشكلة حدفة الفرامل دي كانت بتحصل معايا مش عايز أقولك روحت لخمس صنايعية بتوع فرامل في اماكن مختلفة و دفعت كمية فلوس و في الأخر روحت لعفشجي و و اخذ مقاس حوض الموتور لقا الكارتيرتين مقفولين قاللي روح لسمكري اتأكد برده روحت لقيت كلامه صح و هي ألآن عند السمكري ادعي لي المفروض هستلمها بعد اسبوع ان شاء الله هبقي اقوللك الفرق بعد ما اجربها هل الحدفة راحت و لا لاء

رد: استفسارات بخصوص ال 127

اقتباس:

المشاركة الأصلية كتبت بواسطة adham.com (المشاركة 143505)

يا باشا الحوض لو قافل العربية تحدف معاك ده كلام مظبوط
بس بعد ما يظبطلك الحوض اعمل باره من الكرترتين عشان الحوض ما يقفلش تاني
زي ديه
http://www12.0zz0.com/2010/03/04/05/947863284.jpg

رد: استفسارات بخصوص ال 127

بس المشكلة انا البار أو الشداد في ناس كتير بتقوللي إعمله و ناس كتير برده بتقوللي غلط دة هيكسر الدنيا في الحوض
مش عارف أصدق مين بأمانة

في حاجة تانية نفسي حد يساعدني فيها
أولا حد يكون معاه 127 و ماتكونش بتعمل مشاكل معاه
مطلوب مقاس مضبوط من نصف المصمار إللي في منتصف البطاحة اليمني لغاية نصف المصمار إللي في البطاحة اليسري
و مطلوب أيضا مقاس الحوض علي هيئة حرف إكس X
بحيث أقارن المقاسات دي علي العربية عندي أثناء السمكرة عشان لو في تعديل ألحق أعمله لأن بأمانة مش بثق في أي صنايعي إلا لما أقيس بنفسي