|
أيهم أفضل: سكودا فيليشا، أم جولف 2، أم سيات إبيزا، أم شاهين؟
السلام عليكم أخواني الأفاضل،
افكر في شراء سيارة مستعملة، وبفضل الله ميزانيتي تتراوح من 30 ألف إلى 35 ألف بحد أقصى. أرجو من الأخوة الكرام مساعدتي في معرفة ميزات وعيوب سكودا فليشيا، وجولف 2، وإبيزا، وشاهين، وأيها أنسب في حدود نطاق السعر من حيث الاعتمادية والثبات، وتوافر قطع الغيار والصيانة بأسعار مناسبة،وما إلى ذلك. وإذا كان لدى أحد الأخوة اقتراح بماركة أخرى، فليتكرم بتوجيهي إلى ما هو أفضل. ولكم مني وافر التحية، جزاكم الله خيرًا محمد |
رد: أيهم أفضل: سكودا فيليشا، أم جولف 2، أم سيات إبيزا، أم شاهين؟
انا فى نفس حيرتك والله لانى لما طلبت عربيه فى نفس الحدود دى الاخوه نصحونى ب نفس العربيات
بس كل ماسأل حد يقولى الجولف والابيزا والفلشيا قطع غيارهم ناااااااار بس مش متأكد من الموضوع ده |
رد: أيهم أفضل: سكودا فيليشا، أم جولف 2، أم سيات إبيزا، أم شاهين؟
شوف ابيزا 98 عربيه جميله ومشاكلها قليله معايا واحده بقالها معايا أكتر من سنتين عربيه زي الفل بس قطع غيارها غاليه شويه بس حطها وانساها
عربيه زي الفل برشحها ليك والله الموفق |
رد: أيهم أفضل: سكودا فيليشا، أم جولف 2، أم سيات إبيزا، أم شاهين؟
جزاكما الله خيرًا، وبارك فيكما.
|
رد: أيهم أفضل: سكودا فيليشا، أم جولف 2، أم سيات إبيزا، أم شاهين؟
اهلاً بيك يا استاذ محمد فى مصر موتورز
اولاً اهم حاجة فى المستعمل شرط الحالة فلو عربيتين واحدة ممتازة فى الكماليات والشكل ولو موديل اعلى وحالتها وحشة ممكن تدفعك وترهقكك وتزهقك وتبيعها بعد كده بخسارة فى حين عربية اقل منها ممكن تريحك وتقوم بالمطلوب وتبيعها بعد كده كويس ويمكن تكسب فيها ثانياً البدائل فى الشريحة ديه سوزوكى سويف : موتور اقتصادى 1300 - عفشة وقيادة عامة ناعمة صالون معقول كيا برايد : ارخص قطع غيار واسهل صيانة واكثر اعتمادية مع نعومة وسعة داخلية معقولة جداً بس الصالون بتاعة فقير حبيتن لكن مش افقر من الجولف مثلاً تويوتا ستارليت : عربية ممتازة ونادر لما حد بيفرط فيها بس قطع غيارها اغلى من المتوسط سيات ابيزا : اغلى قطع غيار على الاطلاق وصيانة تحتاج لمتخصصين اداء جيد وتصميم داخلى جيد لكن الكلام على 1300 ال 1100 قلتها احسن لان ادائها متواضع واقل من الباقيين سكودا فيليشيا عفشة انشف واعتمادية ضعيفة وقطع غيار غالية وصيانة تحتاج لمتخصصين شاهين تحمل كل مميزات وعيوب الدفع الخلفى فهى عربية اعتماديتها عالية وقطع غيارها وصيانتها سهلة وفى كل مكان زى البرايد والسويفت سعة داخلية معقولة جداً وشنطة كبيرة لكن يعيبها الشكل التقليدى وعيوب الدفع الخلفى ومشاكله مرة تانية اهم حاجة الحالة مش العربية او الموديل او الشكل فانصحك تدور على الحالة الافضل فى العربيات (البرايد - التسارليت - الشاهين - السويفت ) لان دول ما تنطبق عليهم متطلباتك |
| الساعة الآن 07:26 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017