ذراع لقم 3/4 بوصة
 

السلام عليكم
عذرا الموضوع ده كان من فترة ... كنت بغير رولمان بلى العجل الامامى لعربية لانسر بومة
كان لازم نفك الكبالن ... و علشان الكبالن تتفك لازم نفك صامولة الكوبلن
صامولة العجلة اليمين كانت مش راضية تتفك .. بعد ما كسرنا 2 ذراع 1/2 بوصة و برضوا ما كانتش راضية تتفك :090104~384:

فكان الحل اننا نجيب ذراع 3/4 بوصة ... او مفتاح فك العجل بتاع العربيات الجامبو



مع الاعتذار لعم حمدى الفنى ... كسرنا له ال 2 ذراع ال 1/2 بوصة :01FDAB~189:

الذراع ال 3/4 بوصة ب 90 جنيه ... و اللقمة بتاعته ب 45 جنيه .. تايلندى من التوفيقية

صورة ذراع لقم 3/4 بوصة و بجانبه ذراع لقم 1/2 بوصة و بجانبهم لقمة 32 خاصة بكل ذراع


http://www.upimage.us/server/php/files/IMAG1387.jpg

http://www.upimage.us/server/php/files/IMAG1386.jpg

رد: ذراع لقم 3/4 بوصة
 

و أنا إمبارح نجحت و لأول مرة أشغل كومبروسر العربية فى البيت بعد محاولات كتير يائسة مع الأدابتورات الـ 300 ملل أمبير و الـ 1000 مللى أمبير
الحل فى الباور سبلاى بتاع الكمبيوتر, زى بطارية العربية بالضبط و تعمل كل التجارب فى البيت مش كل شوية طالع نازل.
و بأفكر أشوفه ينفع تونجر شحن و لا لأ, ليه طريقة للحساب عالنت .

رد: ذراع لقم 3/4 بوصة
 

عاوزين شرح يا باشا .... و صور كمان ان امكن
باور السبلاى بتاع الكومبيوتر فى وضعه ده مش حينفع تونجر شحن ... علشان امبيره ضعيف
تونجر الشحن بيبدأ من 10 امبير ... و فيه 30 امبير و كمان 50 امبير

كنت سمعت ان فيه ناس حولت الباور سبلاى لتونجر ... بس مش فاكر التفاصيل

رد: ذراع لقم 3/4 بوصة
 

من زمان عم سعيد عفشة الله يباركله بيفك الكبالن ب ال3 اربع
طبعا عزمه اعلى بكتير من التانى


الباور صبلاى توصل السلكة البيضة بالخضرا
وتوصل السلك الاصفر والاسود على البطاريه ( السوكت المربع ) بيطلع 12 فولت 16 امبير واكتر

رد: ذراع لقم 3/4 بوصة
 

ربنا يخليك يا بشمهندس أحمد, أخوك بس مش بيفضى غير نص يوم الجمعة فقط اليومين دول.
بارك الله لك فى مالك و أهلك و بيتك و زادك من الخير كله

أستاذ هشام
دايماً بتدخل فى التوقيت المناسب , زادك الله من علما و نفعنا
اللينك ده ساعدنى أشغل الباور سبلاى بعد توصيلة خارج الكمبيوتر طبعاً
http://forums.way2allah.com/showthread.php?t=207943
ثالثاً فى الشرح اللى فى اللينك فيه طريقة حساب قدرة الباور سبلاى
و الأمبير المكتوب على الباور سبلاى عندى 12 فولت موجب/ 18 أمبير
و ده على فكرة باور سبلاى عادى خالص, واحد فان , لسه جايبه من البستان بـ 45 ج, يعنى زى اللى فى أى كمبيوتر منزلى مش حاجة مخصوصه.
و التجربة خير دليل, بس مبدئياً شغل منفاخ العربية و نفخت لعب الأولاد و الكور و غيره

بما إن البشمهندس هشام شرفنا هنا و لإن دماغى اليومين دول رجعت لموضوع تكييف بلتيير (ثيرمو كولر) تانى, أحب أعرف توصياته و رأيه فى تركيب تكييف بقطعة بلتير.
http://www.masrmotors.com/vb/showthread.php?t=129886