مصر موتورز مجتمع السيارات - الموبينة اللي حيلتي باظت

السلام عليكم ورحمة الله وبركاته
حصلت معايا مشكلة في العربية قلت اعرفها للاخوة الاعضاء لتعم الفائدة
عربيتي نوبيرا 2008 مانيوال عاملة دلوقتي 98000 كم
الحمد لله بقالها معايا اكثر من 3 سنوات تمام مش بعملها لها سوي تغيير الزيت وبعض الصيانات البسيطة
امبارح كنت ماشي علي الغيار الاول علي السلانسيه وفجأة SLEEEP SLEEEP
العربية بطلت ولمبة تشيك نورت حاولت ادورها ما دارتش نهائي
اتصلت علي ميكانيكي اعرفه جالي ولقي ان الموبينة مش شغالة واستعان بكهربائي لمحاولة معرفة عما اذا كان السبب من المبوينة نفسها ام من التوصيلات اللي واصلة لها وفي النهائية قاموا بتجربة موبينة مستعملة عند الميكانيكي وبمجرد تركيبها دارت العربية
وبكده اتعرف ان العيب في الموبينة وقالي قدامك احد اربع خيارات
يا إما موبينة استيراد او صيني او ماليزي او الاصلي gm ولاقيت الصيني ب 165 جنيه والماليزي 200 جنيه والأصلي الاورجينال لاقيتها عند واحد ب 730 جنيه وعند واحد تاني ب 625 جنيه هي هي وعليها العلامة المائية ل gm ورقم القطعة اللي علي العلامة المائية مطابق للرقم المحفور علي الموبينة وهي نفس نوع وشكل الاصلي اللي كانت في العربية
وبالفعل وبعد :k_crying77[1]: كتير
قررت اشتري الاصلي ب 625 جنيه وقمت بتركيبها والامور بقت تمام والحمد لله وانا لله وانا اليه راجعون
ولكن الغريب ان العربية عمرها ما كانت بتقطع ولا عزمها قل في يوم من الايام ولم يظهر عليها اي اعراض لتلف الموبينة
كل اللي كان بيحصل انها لما العربية بتكون سخنة بتتأخر في الدوارة قليلا
ولكن الحمد لله