مصر موتورز مجتمع السيارات - سؤال لأهل الخبرة . هو الميكانيكى بيستسهل ولا بيشتغلنى !! وايه الحل؟

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

سؤال لأهل الخبرة . هو الميكانيكى بيستسهل ولا بيشتغلنى !! وايه الحل؟

السلام عليكم
بسم الله الرحمن الرحيم
انا معلش هحكى الحكاية من أولها .. العربية كانت شغالة معايا زى الفل الحمد الله .. ومكنتش بتقطع بوجيهات نهائى فى الشتا واول لما الصيف دخل غيرتهم كلهم بجديد وبعدين غيرتهم تانى لردائة النوع ,, وكمان البوجيه كان بيهبب .. المهم ف مشوار من المشاوير مع العائلة الردياتير كان مخروم ونزل المية اللى فيه كلها وانا ماشى .. المهم العربية سخنت ع الاخر لمدة تقريبا ربع ساعة ... عملت الردياتير الحمد الله وكله تمام وفجأة وبدون مقدمات .. بدور العربية المارش شغال والموتور مش راضى يقوم .. ببص لقيت 3 بوجيهات عليهم زيت (غرقانين) وقاطعين .. طبعا جريت ع الميكانيكى قلتلو البوجيهات عليها زيت قالى كده المكنة خلاص بتفوت( ولازم طقم شنبر ) .. قولتلو بتفوت ازاى يا عم الحج ( ده انا بجيب بيها 120 ) , سألت ميكانيكى تانى قالى لو بطلع دخنة زرقا الصبح .. و بتاكل زيت يبقى عايزة طقم شنبر .. والميكانيكى اللى بتعامل معاه مش راضى يفتح الهيد ونشوف الدنيا فيها ايه ( وكل ما اقوله نفتح نبص يقولى مش عارف ايه هيبوظ وده مولد وو.. إلخ ) المهم ركبلى كراسى ( الله يسامحه ع اللى حصل هبقى أحكيه ف موضوع آخر ) وانا طنشت لأنى حاسس انه جلد الصبابات هو اللى باظ من الحرارة ؟

آسف جدا للاسلوب والاطالة !! بس فيه كام معلومة كده
1-غيار الزيت اللى فات العربية منقصتش نقطة
2- مفيش دخنة بتطلع الحمد الله غير لما ادوس بنزين ع الاخر وبتبقى سوده
3- ملاحظ ان التسقيف بتاع العربية زاد حبتين عن الاول لو قرصت ع غيار او اديت غيار بدرى

وجزاكم الله خيراً .. عذرا للأطالة

رد: سؤال لأهل الخبرة . هو الميكانيكى بيستسهل ولا بيشتغلنى !! وايه الحل؟

انا ميال اكتر زيك انه جلد صبابات و كدا كدا لو مكانك اروح لميكانيكى مستعد يفك الوش منها نطمن على الشنابر و الوش و يغير جلد الصبابات

رد: سؤال لأهل الخبرة . هو الميكانيكى بيستسهل ولا بيشتغلنى !! وايه الحل؟

السرم عليكم
للاسف المشكلة فى قلة الضمير العبد لله عندى شوية مشاكل فى العربية وخوفى من الميكانيكى......

رد: سؤال لأهل الخبرة . هو الميكانيكى بيستسهل ولا بيشتغلنى !! وايه الحل؟

السلام عليكم
هل خرطوم الفايظ اللى داخل على الكربراتير وطالع من الموتور بيطلع بخرة زرقاء ؟؟؟

رد: سؤال لأهل الخبرة . هو الميكانيكى بيستسهل ولا بيشتغلنى !! وايه الحل؟

اقتباس:

المشاركة الأصلية كتبت بواسطة احمد على 1999 (المشاركة 915940)

انا فكرت ف كده بردو ان شاء الله هحاول أدور على واحد جرئ وأمين :fun_36_1_39[1]::fun_36_1_39[1]:
شكرا لحضرتك