شارك برأيك في أحسن عربيه فان 7 راكب في مصر
 

السلام عليكم أعضاء مصر موتورز
أنا إن شأن الله عاوز اشتري سياره فان 7 أو 8 راكب بالتقسيط ومش عارف احدد أي نوع أحسن يستحمل الطرق بتاعتنا ويكون سعرها ما بين 60\70 ألف وقطع غيارها متوفره أنا هنقل بها ركاب وفي نفس الوقت عائلية.
أنا بفكر في n300 بس مش عارف ايه رأي الاخوه الأعضاء ياريت أصحاب الخبرة يفيدوني ولهم جزيل الشكر
وأنا اسف على للاطاله

رد: شارك برأيك في أحسن عربيه فان 7 راكب في مصر
 

وعليكم السلام
بص حضرتك عن تجربة انا انصحك بسوذوكي فان ودي سعرها 65 الف ودي منشترة في جميع انحاء وشوارع وحواري الاسكندرية واهي كمان عربية ياباني اصلي ودي 7 راكب تنفع للأجرة وللعائلة وزي منتا عاوز ولو حبيت تغير حاجة فيها او تصلح حاجة فيها مش حتصرف كتير بس العيب الوحيد اللي في العربية انها بتنزل بعجل ضعيف جداً ورفيع جداً وبالتالي حتضطر تحط جنوط جامدة كدا من زوقك عشان لما بتحمل العربية ركاب بيبقى في ضعط طبعاً على العجل الضعيف دا ومتنساش فرش بسيط للأرضية عشان متعملش معاك بارومة في الشتاء وبلاوي الركاب
وشوف بردو رأي الاعضاء ولو اني متأكد من العربية دي لانها من اكتر الميكروباصات الميني العملية واللي ماشية بقالها سنين عندنا من غير اي مشاكل نهائي
في امان الله

رد: شارك برأيك في أحسن عربيه فان 7 راكب في مصر
 

نصيحه من مجرب
حبيت اجيب عربيه تنفع ملاكي وكمان ممكن جيب مصاريفها
كنت في نفس الحيره اجيب سوزوكي ياباني ولا شيفرولية
مميزات السوزوكي انتشار قطع الغيار ورخصها
عيوبها منظرها مش ولابد مش راسية علي الارض
ضيقه اوي ومش مريحه
الشيفروليه شكلها حلو واسعه والافضل فيها تكييف
عيوبها قطع غيار مش غاليه ومش رخيصة ومش متوفره غير في اماكن معينة
المشكاه الكبيره انها عربية حلوة اوي مقارنه بالسوزوكي بس وااااااااسفاة
عربية زفت لان العربية فيها حسساسات وتكنولوجيا وعندنا في مصر للاسف مفيش حد بيفهم
غير شويه بسيطه !!!!!!

للاسف احنا شعب اكتر حاجه نفهم فيها الكلام والحكاوي
المشكله الكبري ان العربيات الصغيره مصاريفها كتير مقارنه بالي بتجيبه
يعني عشان تجيبها الافضل تكون عندك وظيفه اخري جانبها
المقارنه صعبه بين كل الاحتمالات والافضل
تصلي استخاره قبل كل شئ
واسف للاطالة

رد: شارك برأيك في أحسن عربيه فان 7 راكب في مصر
 

فعلا السوزكي ياباني وكل حاجه بس شكلها مش قد كده
ياريت حد من الاخوه الأعضاء يفدنا باي معلومات عنده تساعدنا

رد: شارك برأيك في أحسن عربيه فان 7 راكب في مصر
 

أنا فعلا شغال في شركه وعاوز العربيه تجيب مصرفها بس وفي نفس الوقت تنفع ملاكي