عاجل يا جماعة لو سمحتوا ؟؟؟؟ عن كيا شوما 2001
السلام عليكم ..
ياجماعة قدامي عربية كيا شوما 2001 مانيوال - تكييف - باور - ازاز كهربا - سنتر - جنوط سبور - على 45 الف أيه رأيكم فى السعر؟؟؟ وياريت لو أعرف ايه عيوب العربية دى بالظبط ؟؟؟؟ وايه ممكن يكون احسن منها فى نفس الفئة السعرية ؟؟؟ |
رد: عاجل يا جماعة لو سمحتوا ؟؟؟؟ عن كيا شوما 2001
هى كعربية جمييييلة جدا ومع ناس اعرفهم مش بيشتكوا غير من انها واطية سنة
حاجتها موجودة لكن مش منتشرة .. يعنى محتاجة تكون كييف و تنزل تدور حبتين فى الحرفيين على حاجات معينة .. وفى حاجات كتير مشتركة مع السيفيا و الحاجات اللى هتدور عليها هتلاقيها متخافش .. الحاجة المتعبة فيها متهيألى الفوانيس .. انا كنت ناويت عليها من فترة اصلى و نزلت سألت فى المجمل السعر ده يجيب لانوس او نوبيرا (اكثر انتشارا) .. لكن الشوما افضل كمتن حيث كل حاجة تانية بصراحة و اهم حاجة الحالة .... ( ملحوظة : السعر كتير حبتين .. العربية تقيلة فى بيعها .. اخرها 42 او 43 لو بتتشقلب ) |
رد: عاجل يا جماعة لو سمحتوا ؟؟؟؟ عن كيا شوما 2001
الف شكر لحضرتك .. بس اللانوس والنوبيرا اسعارهم بتعدي المبلغ ده بيتكلموا فوق ال 50
|
رد: عاجل يا جماعة لو سمحتوا ؟؟؟؟ عن كيا شوما 2001
لا
45 يجيبو نوبيرا كويسة لسة جايبها لزميلى الجمعة اللى فاتت موديل 2001 عداد 125 شركة برة وجوة عدا باب ورفرف المكنة ممتازة كانت عاوزة شحن للتكييف فقط وشحنتة وبقت فولة |
رد: عاجل يا جماعة لو سمحتوا ؟؟؟؟ عن كيا شوما 2001
تسلم يا كبير انا فعلا عملت لستة لعربيات النوبيرا اللي هشروح اشوفها .. وربنا يسهل .. دعواتكم
|
الساعة الآن 10:46 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017