|
مشكله فى السايبا 2009( رجاء مشاركه الاستاذ ابو نورا )
بسم الله الرحمن الرحيم
انا اول ماجبت العربيه ركبت جنوط وغيرت الكاوتش وخليت مقاسه 13\175\60 بس المشكله ان كل ما اخد مطب ناشف على سرعه وما اكترهم فى شوارعنا جنط يتكسر او يتشرخ وهكذا والكاوتش غيرته 4 مرات لانه كل مطب الاقيه ضرب عرق هواء او كسر سلك على فكره العربيه عامله 60000 كم وانا مغير الجنوط مرتين النهارده الراجل بتاع الكاوتش بيقولى ان المشكله ان ارتفاع الكاوتش قليل اللى هو (60) فبفكر اخليه 70 وبكده هيبقى 13 \175\70 بس مش عارف هل المقاس ده هينفع مع العربيه ولا لا يا ريت تقلولى رايكم وخصوصا الاستاذ ابو نورا |
رد: مشكله فى السايبا 2009( رجاء مشاركه الاستاذ ابو نورا )
معلش انا كتبت رد طويل بس اتمسح والله :cry2W9:
موضوع كسر الجنط ده اساساً عيب فى خامة الجنوط مش بس كاوتش والجنط حاجة مهمة جداً لسلامتك مينفعش تستهون بيه فابعد عن الجنوط الصينى وجيب حاجة ماليزى مثلاً انا كنت مركب كاوتش مقاس 55 وكنت باخد مطبات الدنيا واتخبط فيه حوادث كمان كذا مرة وعمرة ما اتكسر ولا اتشرخ يادوب خرابيش كنت جايبة من عندك اشرفكو مقاس 14 لكن مقاس الكاوتش 55 ده ناشف طبعاً لكن هيديك اداء ثبات ممتاز على السرعات فانت ممكن تجيب 60 او 65 كل ده فى المعقول بس مش اكتر من كدة |
رد: مشكله فى السايبا 2009( رجاء مشاركه الاستاذ ابو نورا )
شكرراااااااااااا على ردك انا كنت مركب جنط صينى وبعد ما اتكسر ركبت جنط اندونيسى من عند غطاطى اللى فى فيصل وكان اغلى حاجه عنده بس خدت مطب واتكسر بردو ومش عارف اعمل ايه طيب حضرتك بتركب نوع كاوتش ايه انا مركب كورسا الاندونيسى بس دلوقتى بقاله 3شهور بس ضارب من الجنب وبتاع الكاوتش بيقولى غلط انك تمشى عليه كده ومعلش انا معرفش الجنط ال14 هينفع ولا لا لن الجنط اللى انا مركبه قبل ما غير السوست اللى قدام واللى ورا كان مع مطبات الهواء بيحك فى الرفرف وبصراحه حاسس ان حكايه الكاوتش دى مش هتنتهى
|
رد: مشكله فى السايبا 2009( رجاء مشاركه الاستاذ ابو نورا )
ارجو من الساده الاعضاء المشاركه للافاده
|
رد: مشكله فى السايبا 2009( رجاء مشاركه الاستاذ ابو نورا )
أولا مقاس 175/60R13 ما فيهوش مشكلة. أنا معاك أن ارتفاعة قليل لكن مش قوي يعني. أظن المشكلة عند حضرتك أن الجنوط صناعة رديئة جدا و أن كان ده مستبعد لأنك بتقول الجنط اندونيسي و من عند غطاطي (اللي أعتقد أنه مكان محترم) و الظن الثاني أن سيادتك بتاخد المطبات ديه و الكاوتش نايم مش منفوخ صح. عامة حضرتك غيرت مقاس الكاوتش الأصلي ليه؟ و كان كام؟ ابعتهولي و ممكن أقول لسيادتك مقاس مناسب ان شاء الله و ده في حالة أن السببين اللي ذكرتهم لحضرتك مش موجودين(العجل مظبوط و الجنط مش رديء)
|
| الساعة الآن 03:31 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017