مصر موتورز مجتمع السيارات - ارشيف الاستراحة 2011

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - ارشيف الاستراحة 2011 (https://www.masrmotors.com/vb/showthread.php?t=44838)

رد: بتنزل "تتريض" بالعربية؟

اقتباس:

المشاركة الأصلية كتبت بواسطة bmkbmk (المشاركة 335655)

شكرا على الموضوع الجامد يا باشا
والله انت فكرتنى بالذى مضى قبل ما أبقى من الفئة الأولى :)
انا عايش فى الكويت حاليا
كان تقريبا يوميا كدة اخد العربية و افتح الشباكين اللى قدام و فتحة السقف و اخد شارع الخليج من اوله لأخره يجى 20 مرة و اعيش حياتى لحد ما الدنيا تنور و سعات كان بيجى معايا واحد صاحبى ننزل من الساعة 2 مثلا نروح نديها شوية بلياردو و بعدين ناكل لقمة مثلا و بعدين نهيم على وجهنا لحد 6 الصبح ولا حاجة و بعدين اروح اخد دش و اروح على الشغل و سعات اطنش و انام شوية و اروح الشغل متأخر .. عادى بقى ايام البلطجة

بس مرة حصل لى موقف من اللى قال عليهم ابو نورا و طلعلى اتنين من بتوع نيد فور سبيد و انا واقف فى الاشارة .. اصلنا هنا بنقف فى الاشارات حتى لو الفجر ههههه
المهم الاتنين واحد بى ام 330 و واحد فورد F150 وقفوا جنبى فى الاشارة و قعدوا يدوسوا بنزين و طبعا سخنت معاهم و شغلت السبورت و زن زن زنننننننننننننننننن طلعنا احنا التلاتة و قطعتهم الحمد لله و وصلنا حوالى 180 و انا اجرى و هما ورايا و اذ فجأة ألاقى عربيتين واقفين فى الطريق بعد منحنى مكنتش شايفهم فيه قافلين حارتين منه و الطريق كله 3 حارات و دوس فرامل بقى يا معلم و انت 180 .. ان العربية تقف مفيييييييش المهم بفضل الله العربية وقفت قبل العربيات التانية بمترين و انا قلبى فط منى و كان على اول الكبوت من قدام بس يا معلم و دى كانت اخر مرة اعمل كدة (فى طريق منحنيات) ههههههههههههههه

و صباحكم زى الفل

صباح النور ياباشا

الله ينور, ده أنت قديم فى اللعب أهه ياكبير, مابتحكيلناش ليه:)؟, عقبال ماتنزل مصر تاخد كورس مكثف فى السواقة والغرز وترجع الكويت تعلمهم أصول السواقة:).

اقتباس:

المشاركة الأصلية كتبت بواسطة sherif ride (المشاركة 335669)

السنه اللى فاتت لما كنت شغال كنت بخلص الفجر و كنت داما احب اتمشا فى الوقت ده عندنا فى اسكندرية بيبقى الجو هااااااااادى و فى الشتا بالخصوص بس انا بقى بحب الجماعة بتوع نيد فور سبيد دول بس للاسف العربيات النقل مينفعش تجاريهم بيها

طبعا ياباشا, أسكندرية وبحر وشتاء وهدوء, يعنى مش ناقص غير عبد الحليم يقعد جنبك على الكرسى وتبقى أتمزجت على الأخر:), أوعدنا يارب بنزهة على الكورنيش بالعربية فى عز الليل.

اقتباس:

المشاركة الأصلية كتبت بواسطة Limoway (المشاركة 335683)

موضوع ممتاز يا إنجكشن

أنا طبعا تجربتي مختلفة

للأسف أنا مش مقيم في مصر رغم عشقي لها

بس لما بخدلي شهر أجازة كده بصيع في شوارعها خصوصا بالليل بشكل شبه يومي

يا سلام لما تنزل من بيتكم الساعة 1 بالليل تطلع من مدينة نصر للمهندسين تضربلك وجبة سي فود من عند وادي النيل مع فخفخينا بالايس كريم من عند فرغلي (مش عارف فرغلي ده مشهور ليه مع إنه مش بيبيع لبن العصفور) وتلف وترجع تاني

وتجري علي كوبر أكتوبر والهوا يطس في جفاك.

متعة متعة متعة

والله البلد دى ياباشا بتنام بالليل نومة عجيبة, وتلاقى الناس والزحمة أختفوا والدنيا فاااااااضية, وتمشى براحتك.

أنا ليا تجربة وحشة تانية مع كوبرى أكتوبر, كنت بتمشى كالعادة ونزلت من منزل عليه ومكنتش كاشف الطريق, ولقيت الطريق مكسر ومبهدل, بعدها ب 100 متر لقيت عجلة ميتة على الأرض داخل فيها مسمار.

وما أدراك ياباشا بتغيير عجلة والفرامل سخنة مولعة من كتر الجرى والفرملة وكان يوم عذاب, والغريب بعد الموضوع ده, مشيت 300 متر كمان لقيت تيل الفرامل خلص وكان يوم أسود.

وكل ده الساعة 6 الصبح يوم الجمعة.

ومدينة نصر والمهندسين تحفة بالليل, بس الواحد بيخاف من اللجان:)

وترجع مصر بلدك بالسلامة ياباشا, وفرغلى موقعه, والمسرحية وتقديمه العصائر فى العربيات هما اللى شهروه قوى.

رد: بتنزل "تتريض" بالعربية؟

مشكورررررررررGIFT4U

رد: بتنزل "تتريض" بالعربية؟

اقتباس:

المشاركة الأصلية كتبت بواسطة Injection (المشاركة 335691)

صباح النور ياباشا

الله ينور, ده أنت قديم فى اللعب أهه ياكبير, مابتحكيلناش ليه:)؟, عقبال ماتنزل مصر تاخد كورس مكثف فى السواقة والغرز وترجع الكويت تعلمهم أصول السواقة:).

ههههههههههه لا يا باشا انت فهمتنى غلط :) انا فى الكويت من حوالى 9 سنين بس و انا داخل على 32 يعنى سافرت و انا سنى 23 ... يعنى ماتقلقش بالنسبة للعب و الغرز ..ههههه ... ايام مصر طبعا كانت احسن بكتير و فكرتونى والله لما كان شغلى فى الدقى فى شارع محيى الدين ابو العز كنت بخلص شغل و ماروحش طبعا و بما انى كنت عاذب فكل مطاعم المنطقة كانت تبعى يعنى انا اساسا كنت عامل ابونيه غدا عند مؤمن و كوك دور زمان لما كانوا بيعملوا احسن سندوتشات فى مصر و طبعا ماى كوين فتة شاورمة و فشنكاح و تريه بيان اللى جنب فرغلى اللى كان بيعمل سندوتشات XXXXXL و فرغلى نفسه طبعا .. و العمدة بتاع جامعة الدول و طبعا جاد و التابعى ياااااااااه و طبعا السمك بتاع وادى النيل فى الهرم و فيصل و كنت غالبا باكل منه يوم الجمعة لأنه قريب من البيت ....
و القهاوى اللى فى العجوزة ورا المسجد القريب من ميدان سفنكس اللى كانت على طول زحمة ... فكرتونى بأحلا ايام والله اللى مش هتتكرر تانى ابدا

رد: بتنزل "تتريض" بالعربية؟

اقتباس:

المشاركة الأصلية كتبت بواسطة bmkbmk (المشاركة 335732)

فعلا إلي بيسيب البلدي مبيرجعش

مع إحترامي لشرين إلي بتقول مشربتش من نيلها وراحت ولدت بنتها في أمريكا علشان تجنسها.

الحشيش والقراقيش

كنت معزوم فى فرح واحد صحبى وسمعت اغنيه فى الدى جى بتقول عامل دماغ قراقيش علشان مفيش حشيش بالله عليكوا ده كلام هههههههههه هو ايه ال بيحصل ده وايه الاغانى دى وبعدين اشمعنا القراقيش يعنى ميعمل دماغ اى حاجه تانيه ملوخيه مثلا او باميه والله الواحد ما عاد عارف يقول ايه لو ام كلثوم وعبد الحليم عايشين وسمعوا اغنيه شكل كده اكيد كانوا بطلوا غنا الله يرحم مطربينا زمان ويرحم اغانينا دلوقتى من ال هيا وصلتله ويرحم زمن الاغنيه الجميله ال عدى وفات وشكله مش راجع تانى