مصر موتورز مجتمع السيارات - ارشيف الاستراحة 2010

اقتباس:

المشاركة الأصلية كتبت بواسطة AboNoRa (المشاركة 236983)

وخصوصاً بقىyesyes
احب اشكر كل الرجال المناضلين من اجل حقوقنا المهضومة واسترداد ماتبقى من قوامتنا المهزومة خاصة وانا شايف الحملات المحمومة لغسيل عقول رجال هذه الجيل الموهومةقد اتت بثمارها المشؤمة واصبحنا نسمع من ينال باصل التعدد بالتحريم والتجريم nononono

التعدد هو الاصل فى الكائنات جميعاً ثم هو الاصل فى البشر ثم هو الاصل فى غالبيه الانبياء ثم هو الاصل فى التاريخ وغالبيه الحضارات واخيراً وليس اخراً هو الاصل فى ديننا الحنيف

بس كل حاجة بالاصول وبضوابط وترتيبات زى الجواز الاول ما ليه ضوابطه وترتيباته

نيجى بقى لاصل الموضوع وهو السؤال الموجة للمؤمنين بالتعدد والراغبين فيه بس لسه ما اتجوزش تانى ايه ياترى

اقولك يا سيدى

اولاً اى حد بيقول اخاف مقدرش اصرف على بيتين
انا بقول ربنا قال نحن نرزقهم واياكم يعنى زى ما دول ليهم رزقهم اللى هيجو هيجو برزقهم برضو وطول ما انت بتتقى ربنا وبتسعى بالحلال ربنا هيرزقك ويباركلك فى رزقك كمان

بس ده طبعا للى مقعد مراته فى البيت لان لو متجوز واحدة بتشتغل وبتصرف ساعات بتبقى زى ما بتصرف او اكتر فكده موقفك هيبقى ضعيف وغالباً ده بيكون سبب من اسباب الخوف من الزواج على الاولى

ثانياً موضوع العدل ده زى ماقال احمد اساس سواء متجوز واحدة او اتنين وربنا مش بيطالبنا بالعدل فى المشاعر لان محدش فينا يقدر يتحكم فى قلبه اصلاً وبدام انت مش متحكم فى حاجة مش من العدل تحاسب على العدل فى تصريفها

وبعدين مين قال انه لازم زى الافلام والمسسلسلات الراجل يسيب مراته الكبيرة فى السن ويتجوز عيلة صغيرة تقعد تمثلة فيديوكليبات فى البيت الدنيا كلها مش كده طبعا كل واحد ليه ظروف مختلفة وغالبا الرجالة بتفكر فى الجواز فى اواخر التلاتينيات او اربعينيات يعنى هيتجوز اواخر العشرينات وتلاتينات مش كله بيتجوز عيله عندها 17 سنه

وحتى لو متجوز شريهان وكل يوم همثللك حلقه من حلقات فوازير رمضان اكيد هيجى عليك وقت والقديمة تحلى زى مابيقولو فى الامثال

فالخلاصة ان العدل اساسى طبعاً وهتثاب عليه وهيزيد ثوابك كمان على فكرة لما تطعم اسرتين وتسعى عليهم بالحلال

ثالثاً المشاكل اللى البعض اتكلم عليها وارده فى جوازة واحدة او اتنين واكيد لازم يكون فى احتواء من الراجل لنفسيه الزوجة الاولى والثانية كمان لانها برضو هتحس بالغيرة من اول يوم بعد شهر العسل هترجع فيه بيتك الاولانى

فده بيرجع لشخصية الراجل طالماً انت مسيطر دوس يا معلم لو مهزوز خليك جمب الحيط

بس من ناحية تانية فى عامل مهم فى القرار اشار ليه كيمو وهو انك تجرح الزوجة الاولى وده طبعاً يختلف عن ماسبق
بمعنى انك مسيطر وكل حاجة بس صعبان عليك تجرحها نفسياً بجوزاك عليها طبعاً ده رأى يحترم جداً واذا كان مقترن بانك مش ميال للتعدد اصلاً يبقى كفاية عليك مراتك وربنا يباركلك فيها

لكن اذا انت ميال للتعدد وخايف على مشاعر الزوجة الاولى فلازم تحسبها كويس

بمعنى انك مينفعش مثلا تبقى متجوز بقالك 3 - 4 سنين ومراتك شالت معاك ايام صعبه فى البداية واول ما ربنا يكرمك بقرشين تتجوز واحدة تانية تخش عليك وانت باشا على الجاهز

فالاصح فى الحالة ديه انك تصبر وتمتع الاولى بخيرك وتكتبلها حاجة مثلا قبل ما تتجوز واحدة تانية او تعمل اى حاجة تضمن للاولى فيها المكانة الخاصة اللى فعلا تستحقها وان جوازك التانى مش هيأثر عليها وده يرجعنا لموضوع العدل زى ماقولنا قبل كده وبالتالى طالما انت بتسعى للعدل ربنا هيوفقك ان شاء الله

وبالتالى نقدر نوصل للاتى :

الروشته الرباعية الاكيدة للجواز الجاية السعيدة

رقم واحد
سيطرة

سيطر على جوازتك الاولى نفسياً ومادياً الاول وحافظ على قوامتك

رقم اتنين
احتواء
احتوى الموقف ومهد ليه ونظم امورك بكل تفاصيلها قبل اتخاذ الخطوة التالية

رقم ثلاثة
اختيار
احسن اختيار الزوجة الثانية واستكشف قابليتها للوضع بعد الزواج وتقبل الزوجة الاولى بالاضافة لكافة معايير الاختيار الاساسية فى اى زواج

رقم اربعة
عدل
احسب حقوق زوجاتك والتزماتك تجاه اولادك وشغلك ووقتك وصحتك وتأكد من قدرتك على الالتزام بتأديه جميع الحقوق

رقم خمسة
قولنا هما اربعة بس مينفعش خمسة ولما تجى تتجوز الجوازة اللى بعدها كرر نفس الروشته

وبالشفاء ان شاء الله
ILIL

على فكرة انا خلصت اتنين من الاربعة BOXBOX يا مسهل اخلص الاربع بنود

ROSE4U

ربنا معاك تكمل الاربع بنود انا لسة فى اول بند