مصر موتورز مجتمع السيارات - أعرف كل شئ عن السباكة

مصر موتورز مجتمع السيارات (https://www.masrmotors.com/vb/index.php)

- تجارب اﻷعضاء (https://www.masrmotors.com/vb/forumdisplay.php?f=178)

- - أعرف كل شئ عن السباكة (https://www.masrmotors.com/vb/showthread.php?t=56497)

رد: أعرف كل شئ عن السباكة

اقتباس:

المشاركة الأصلية كتبت بواسطة finance (المشاركة 872236)

حضرتك نسيتني ولا ايه يابو شروق
الاخ العزيز أبو شروق كان الله في عونك وأدام الله عليك الصحة والعافية .
عندي مشكلة كبيرة جدا وهي انه ظهر نشع مياه عندي في المعبرة بين الحمام وغرف النوم وكذلك عند الجار اللي تحتي علما بأني عازل بلاك ساخن ومش قادر احدد ايه سبب الميه ديه .
غيرت جلب تطويل كنت شاكك فيها والحمد لله الموضوع اتحسن شوية ولكن لم ينقطع حتى الآن .
علاوة على ان عداد المياه لما بقفل المحبس اللي في الشقة لايتوقف عن الدوران (التروس الصغيرة اللي فيه لاتتوقف ) وقراءة المياه في العدد لاتتناسب مع استهلاكي للمياه مطلقا .
ياريت حضرتك تنصحني اعمل ايه . وانا بصراحة خايف استعين بصنايعي يجي يخرب لي الدنيا علشان كده بحاول اوصل للمشكلة بنفسي الأول .
تحياتي لشخصكم الكريم وآسف على الاطالة

السلام عليكم ورحمة الله وبركاته
أعتذر لحضرتك أنا أسف جدا جدا
وذلك لانشغالى وأنقطاع النت الدائم عندى
أولا العداد الخاص بالمياه يجب أن تتأكد أن مفيش حد واخد منه مصدر مياه وذللك لو حضرتك عامله لوحدك
ثانيا هل المياه الموجوده عند الجار مستمره
ولا مجرد نشع على السقف
لأن أحتمال يكون من صرف البيبه أو البانيو أو الحوض
نتابع مع بعض بس رد على الاول
لأن لو التسريب من مياه الشرب يبقا النشع وتساقط المياه هيكون رهيب
أما لو صرف هيبقا يبان عند أستخدام الجزء التالف فقط
أرجو أن أكون أفدتك
متابع معك
أخوك أيمن أبو شروق
01005314147
01287710555

رد: أعرف كل شئ عن السباكة

السلام عليكم

عندى محبس الغاز بتاع السخان اخى ابو شروق الاوكره بتاعته ضاعت هى والصاموله فكنت عاوز اجيب محبس واخد منه الاوكره والصاموله واركبها فعاوز اعرف اجيبه كام بوصه ...

معلش لى استفسار اخر محابس الزاؤيه النصف اوكره ايه الانواع الكويسه فيها ويكون سعرها معقول ...

رد: أعرف كل شئ عن السباكة

تحية شكر للأستاذ أيمن على زوقه وحضوره لمعاينة شقتى ف حدائق الأهرام رغم بعد المسافة.. وتم الأتفاق معه على اعمال السباكة كاملة ان شاء الله لشقتى وشقة اخى ايضا..
وادعولى التشطيب كله يخلص على خير :30p[1]:

رد: أعرف كل شئ عن السباكة

السلام عليكم يا ابو شروق ..
انا عايز اقولك انا تقريبا لفيت الموضوع كله .. واصلا سجلت فى المنتدى ده عشان اعرف اكتبلك دلوقتى
واقولك اولا .. جزاك الله كل الخير عن كل اللى استفادوا من الموضوع والشرح ..

رد: أعرف كل شئ عن السباكة

اقتباس:

المشاركة الأصلية كتبت بواسطة motez (المشاركة 875295)

وعليكم السلام ورحمة الله وبركاته
الاستاذ الفاضل معتز
محبس الغاز بتاع السخان قطر نصف بوصه
بتطلب من البائع محبس غاز نصف بوصه أيطالى
بس فى أنواع وأشكال كثيرة وسعرة فى حدود 20 جنيه
وممكن أجيب لحضرتك الاكرة والصاموله من أى محبس قديم عندى يشرفنى أتصالك بى
للاسف المحابس الزاويه القلب السيراميك
أو النصف أكره الى حضرتك بتقول عليه كل الوجود فى السوق صينى
لكن الجروهى الالمانى سعره تقريبا 75 جنيه
أتمنى أن أكون أفدتك
أيمن أبو شروق
01005314147
01287710555