المشاركة الأصلية كتبت بواسطة fineart607 (المشاركة 236305)

نفسى انا واسرتى نحج واطبق دينى بالكامل وربنا يحسن خاتمتى
وطبعا اخش الجنة ان شاء الله انا وسائر اسرتى والمسلمين قولوا امييييييييييييييييييييييي يييين

المشاركة الأصلية كتبت بواسطة sad-bird (المشاركة 236450)

واطباق الفول علشان خاطر ابو حميد الخطيييييييييييييير

الأول
المقادير
قرنين فلفل شطططططة ناااااااااااااااااااار
فصين أو تلاته توم
حبايتين طماطم
معلقتين زيت
طبق فول ( اخواننا اللي في المهندسين والزمالك الطبق يعني تقريبا ب 2 او 3 جنية ، اخواننا اللي في مناطق شعبية الطبق تقريبا بجنية اخواننا اللي في الريف الطبق يعني تقريبا بنص جنية او 75 قرش اخواننا اللي بيعملوا الفول في البيت لزوم النضافة والكمية والارخص يبقى طبق فول او كبشتين بالمغرفة)
الطريقة
قطع الفلفل قطع صغيرة تقريبا نص سنتي في نص سنتي
قطع الطماطم قطع صغيره أو ممكن تنضرب في الخلاط لكن انا بحبها قطع
قطع التوم حتت صغيره خاااااااااااااااالص أو او شايلينه في التلاجة مفروم يبقى نص معلقه

خط الزيت في الطاسة على النار لما يقدح ( يعني يطلع الريحة اللي فيه لومركون او لو زيت تموين ولو زي ذرة او عباد حطه على طول )
حط الفلفل وقلبه دقيقتين لما يبدأ يدبل
حط التوم مع الفلفل لما يبدأ يحمر ومتخليهوش يتحرق ( الناس اللي بتحب نكهة التوم في الفول كتير زي احمد بدر يزود الكمية شوية ويخليها نص سوا مش يحمرها خالص )
لما التوم يحمر حط الطماطم وسيبها تتسبك شوية وحط الملح وشعره كمون مش كمون كتير
لما تتسبك الطماطم حط الفول وقلبه وسيبيه لما يتحناس مع بعضه خمس دقايق تقريبا واطفي النار

بس ياريت بقى لو العيش يكون سخن ومفقع

والف هنا

المشاركة الأصلية كتبت بواسطة احمد بدر1978 (المشاركة 236463)

لا دى والدتها مصرية وكانت بتشترى شقة من عندنا فشفت البنت تنحت آية من الجمال المهم شوية واتفقنا على السعر وطلبت تعديلات على الشغل ونوع السيراميك والالوان ومفاتيح الكهربة المهم قلت لوالدتها تعالو بكرة الشقة ونتفق على الطبيعة طبعا قعدت اتكلم معاها ومع البنت عرفت ان ابوها لييبى ومتوفى ولسة جايين من هناك المهم كتبت التعديلات ونزلت معاهم اوريهم السيراميك وخلافة معجبهمش الشكل قلتلهم بكرة نروح لمعرض وتتفرجوا قعدت معاهم اسبوع بندور على لون السيراميك اللى يعجبهم وطبعا انا كان نفسى مايلاقوش وقعدت كل يوم اجيبهم من البيت بعد الظهر لغاية باليل ننزل نتعشى برة نسهر على البحر كدة لغاية لما فاتحتها ووافقت بس كان فية مشكله صعبة جداااااااااا ان عمامها الليبيين لازم يوافقوا وتاخد منهم تصريح جواز وطبعا دة ماحصلش وكلة نصيب من عند ربنا والى الان اصدقاء بمعنى الكلمة

المشاركة الأصلية كتبت بواسطة sad-bird (المشاركة 236459)

الثاني

طبق فول
معلقتين زيت زيتون
طحينة بيضاء سمسم مش سوداني من اي سرجة زيوت وبلاش المعلبة علشان ممكن تكون مركونة بقالها فترة
معلقة كمون
معلقة فلفل اسمر
معلقة ملح
معلقة خل او ليمون الموجود
معلقة شطة على حسب الرغبة
حط المقادير كلها على بعض والطحينة على حسب القوام علشان مش تبقى ماسكة والفول ومكلبشة وتبقى عاوزة ديناميت يفكها من بعض
طبعا الفول بيكون سخن او مستخن قبل اضافة المقادير علشان لو سخنته والطحينة عليه هيتقل قوي ولو سخنت واللمون عليه هيبقى طعمة مش حلو
ويتقدم مع عيش سخن ومفقع وطبق شطة مخلل او فلفل شطة اخضر او طمطماية متقطعة وعليها ملح وشطة ولمونة اوبصلة

المشاركة الأصلية كتبت بواسطة احمد بدر1978 (المشاركة 236464)

لا والله مراتى الاولانية كانت ملاك وبجد 3 سنين جواز مسمعتش منها اى رغى نهائى
انا جى الشرقية ازورها الاسبوع اللى جى