رد: ايه اول حاجة بتخطر على بالك لما تسمع كلمة "البورصة"
 

أنا بصراحة أول مرة أسمع حكاية أن البورصة حرام و كده , أنا اللى كنت أسمعه و اللى الناس كانت مختلفة عليه هو أن البنوك هى اللى ممكن تكون حرام , و بعد كده , الناس طلعت و قالت أن فيه فتوى أن البنوك اللى بتحدد أنها بتتعامل بالشريعة الاسلامية حلال و غير كده يبقى من الشبهات , لكن ماسمعتش حد قال على البورصة أنها حرام , يمكن أنا مش واخد بالى أوى .

رد: ايه اول حاجة بتخطر على بالك لما تسمع كلمة "البورصة"
 

نرجع لموضوعنا فى حاجة كمان هقولها على الماشى قبل ما ندخل للجد
في حاجة اسمها الأسهم الممتازة هى بتفرق عن الأسهم العادية فى شوية حاجات وممكن يبقى ليه شوية مميزات
تصويت مضاعف فى الجمعية العمومية
بيستحقوا التوزيعات النقدية قبل الأسهم العادية
وبياخدوا حقهم لو الشركة هتصفى قبل الأسهم العادية بس بعد الدائنين وأصحاب السندات
لغاية دلوقتى كله اوك ولا حد يحب يعلق على حاجة أو يضيف حاجة ؟؟؟
آه عايز الحقكوا قبل ما حد ييجى فى دماغه حاجة الأسهم الممتازة دى يعنى مش أسهم معينة يوصى بشرائها، نفس الشركة ممكن تصدر أسهم ممتازة وأسهم عادية، والأسهم الةمتازة برضه بتخضع لاعتبارات وحساب فى البيع والشراء زى الأسهم العادية ما حدش يجرى عليها ويقولك دى ممتازة

رد: ايه اول حاجة بتخطر على بالك لما تسمع كلمة "البورصة"
 

نظام السندات ربا صريح جدا جدا ولا فرق بينه وبين قروض البنوك الربويه أيضا

رد: هدية منى لمنتدى مصر موتورز
 

يا ريت تفاصيل اكتر

رد: ايه اول حاجة بتخطر على بالك لما تسمع كلمة "البورصة"
 

احنا ردنا على النقطة دى بان الأسهم هى الأنشط عندنا والسندات ما فيش عنها حس ولاخبر اد كده ومش فى تركيز الأفردا اللى زى حلاتنا واحنا نحاول نراعي ربنا فى معاملاتنا كل على حسب قناعته وما لا يدرك كله لا يترك كله، بس أرجوكوا ياجماعة لو حد هيقول حلال أو حرام يحاول ينقل لنا فتوى من حد ثقة، لأن التحريم المطلق زى التحليل المطلق

رد: ايه اول حاجة بتخطر على بالك لما تسمع كلمة "البورصة"
 

فى شوية أسئلة عند الناس زى هو انا ينفع ادخل البورصة بمبلغ أد ايه
أى مبلغ ينفع بس خد بالك الموضوع نسبة وتناسب يعنى لودخلت بألف جنيه وكسبت 10% مثلا هتبقى كسبت 100 جنيه ولودخلت بعشرة آلاف ابقى كسبت ألف جنيه وخد بالك من نقطة تانية ان بتبقى فى عمولات سمسرة هى مش كبيرة قوى وعلى حسب الشركة بس بتبقى على كل عملية فلو عملت عمليات صغيرة هتحس بيها.
نيجى لنقطة تانية أول حاجة علشان اتعامل مع البورصة لازم يكون من خلال شركة سمسرة لأن البورصة ما تعرفناش لكن تعرف شركة السمسرة المسجلة عندها، فأول حاجة انا بروح لشركة السمسرة واعمل عقد واديهم صورة البطاقة علشان يبقى ليه كود وابقى عارف الكود بتاعى ولو عملت عقد مع أكثر من شركة سمسرة فهيكون بنفس الكود، فى كمان حاجة وهى أمين الحفظ ده اللى بشيل عنده الأسهم لأن انا ما بيبقاش معايا أسهم فى ايدى تمام.
وكمان ممكن اخلى شركة السمسرة هى اللى تصرف الكوبونات وتضيفهم لحسابى وبتاخد عمولة أو أروح انا اصرفهم من مصر للمقاصة
لو فى أى حاجة فى اللى فات مش واضحة قولولى

رد: ايه اول حاجة بتخطر على بالك لما تسمع كلمة "البورصة"
 

انا مقتنع تماما ان البورصة لعبة قمار ودائما مع صغار المشتركين لعبة خاسرة وهذا القول بعد معناة وتجربة قاسية لصديق عزيز جدا والان مصاب بالشلل النصفى
البورصة لعبة رابحة مع الكبار فقط
ان كنت من الكبار فاهلا ومرحبا