رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

موضوع هايل ربنا يجزيك خير

عايز اغير مقاس الكاوتش بتاع فيرنا 2008 كاملة مانيول من 175/70/13 الى 185/65/13 .
المقاس ده سيسبب الاتي:
1-هيوطي السيارة 2.2 مم بالضبط
2- يزيد السطح الملامس للارض 40 مم.
3-سيحسن اداء الفرامل.
4-سيزيد ثبات السيارة.
السؤال الان عيزين حد مجرب المقاس ده مع الفيرنا ويقول تجربته بالكامل (هل سيحك الكاوتش فى العفشة او جسم السيارة ام لا؟ ......................... .......)

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

مساء الخير يا فيرناويه انا مركب كاوتش مقاس 185 - 65 - 14 هل المقاس بيعمل حاجه او كويس ياريت حد يقولي بيسبب ايه وكويس في اييه والف الف شكر لكم

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

مساء الفل .
ياهندسة انت بالفعل مركب 185/65/14 قل لنا كل التغيرات اللى حسيت بها بعد التركب ؟

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

مساء الخير على جميع الفرناويه انا معرفش اي حاجه ولا حاسس باي تغير في الكاوتش عشان انا جبايب العربيه زيرو 2012 من ابو غالي وتاني يوم غييرت الكاوتش يعني ما لحقتش اجرب الكاوتش والجنوط بتوع غبور وانا جبت المقاس دا عشان الحتة ايلي ساكن فيها كلها نقر وحفر ومطبات وميه وكدا وبيني وبينكم قلت المقاس دا هيعلي العربيه شويه بس وفعلا العربيه مش بتحك وعاليه بس سؤالي هل في مشكله عاى العفشه او على حاجه في العربيه ولو في حد جرب المقاس دا بتاع الكاوتش يقولي رايه وشكرا شكرا شكرا لجميع الاعضاء والادارين في المنتدى

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

طبعا موضوع روعة وافدني كتير
كنت عايز اعرف سعر الزجاج (( البريبريز )) الامامي للفيرنا عامل كام ؟
وهل في انواع وايه احسن حاجة ؟
وشكرا