المشاركة الأصلية كتبت بواسطة خالدخليفة (المشاركة 236121)

ايه ده ياعم او ل م تعلق تقر
ثم لو سمحت فهمنى ده قر والا حسد والا نق تربيع
هههههههههههههههههه

المشاركة الأصلية كتبت بواسطة gadix (المشاركة 236142)

شجعتني احكي يا استاذ خالد انا كل الي فاكره هم 3 او 4 مواقف او مفارقات لاني بعد 5 سنين في شغل البرمجة بقيت اتوه في شارعنا و فعلا بدون مبالغة

اول موقف معظمكم ممكن يكون عارفه او اتعرض له و الي شاف فيلم عسل اسود يعرفه كويس
انا اسمي الرباعي محمد احمد محمد احمد و الاسم ده عاملي مشاكل كتير و اسيبكم للموقف
لما يكون واحد زيي مالوش خبرات كتير في الحياة و ابقي من النوع الي بيمشي جوا الحيط هيكون ليه احساس تاني ما يتعرض للموقف ده الموقف كانت مدته ربع ساعة بس بالنسبة ليا كانت قرن
انا سافرت الكويت سنة 2006 لمدة اسبوع كنت رايح بعمل برنامج لوزارة التعليم او حاجة كدة
المهم رجعت بحمد الله سالما لارض الوطن العزيز
بس يظهر ان الوطن العزيز مبيحبش حد يرجعله
وقفت في الطابور بتاع الجوازات و الظابط شاف الباسبور بتاعي و قالي ادخل تاني و اقف مع الناس دي
و شاور عي مجموعة من الناس وقف كدة علي جنب
و طبعا مقاليش اقف ليه و مقاليش هوا ايه الي انا عملته غلط
رحت مع الناس دي فلقيت راجل محترم و لابس بدلة واقف معاهم فسألته هما موقفنا هنا ليه؟
الراجل المحترم سألني هوا انت عراقي؟
استغربت جداا للسؤال و قلتله لأ عراقي ايه و بتاع ايه احنا كدة دخلنا في تنظيمات ارهابية و حالة الذعر عندي زادت اكتر
لما قلتله لأ راح سألني هو انت فلسطيني؟
قلتله لأ و رعبي زاد اكتر
قلتله هوا فيه ايه؟
قالي اصل كل الي واقفين دول واقفين عشان يعملوا عليهم تحريات أمن دولة
قلت يا ليلة مش معدية انا كدة رحت بلاش و مش هروح بيتنا تاني
المهم ان بعد ربع ساعة اخدت جواز السفر و خرجت بس فعلا الربع ساعة دي عدت عليا كانها سنين
و الي الان من 2006 لحد انهاردة سافرت يجي 20 مرة و في كل مرة يسيبوني اخرج من البلد عادي من غير اي مشاكل بس لما اجي ادخل لازم اقف الوقفة المشبوهة دي و ده الي انا مستغربله اشمعني و انا داخل بتتحروا عني؟ و ليه مش بتعملوا التحريات دي و انا خارج كمان
مرة واحد نصحني اني اروح مجمع التحرير و اعمل شهادة معرفش ايه عشان اثبت ان انا يبقي انا و ان انا مش واحد تاني هم يكونوا قاصدينه طبعا انا مش عبيط عشان اروح عش الدبابير برجلي
مرة و انا راجع برضو لقيت ظابط الجوازات خد الجواز و شافه و قالي اتفضل اخرج ( يعني ادخل صالة المطار من غير تحريات) فانا بصيت له ياستغراب اقرب للبلاهة و علي لساني سؤال "انت متأكد؟" و قبل ما يسألني راحت الموظفة بتاعت الكمبيوتر قالتله خليه يستني جوه راح قايلي معلش استني رحت ضاحك و قايله ايوة كدة ده الطبيعي انا كدة اتطمنت
واحدي المرات ظابط الجوازات مقاليش استني جوه قالي بظبط كدة "محمد! زي كل مرة " قلتله حاضر و لفيت دخلت جوه زي الشطار
انا سافرت تقريبا عشرين مرة و اقسم بالله مفيش و لا مرة دخلت مصر من غير كشف الكمبيوتر و تحريات امن الدولة

المشاركة الأصلية كتبت بواسطة خالدخليفة (المشاركة 236124)

والله ياعم الواد سيد عباسية لو شاف الناس دى ممكن يقضى بقية حياته فى السجن
وخصوصا ان متجوز البت ست ابوها ودى عيلة هنجرانية قديمة (عائلات اجرامية اسمهم كده وبيتجوزو من بعض بس )و دى تخرج من البيت ترجع بمصيبة للراجل على طوووول
يادى النيلة مفيش فايدة مش عارف انسى الموضوع التانى شوية (ادب الرحلات )

المشاركة الأصلية كتبت بواسطة خالدخليفة (المشاركة 236127)

هو النصب عايز كورس م انتو طول النهار بتنصبو على خلق الله وبتبقى وحشة وبدراع واحد و50 واحد بيقولولها كلام من ماركة ياقمر ياجميل ياست الكل وهيا شبه ست ابوها مرات سيد عباسية والواحد بعد الجواز بيبطل نصب هو ده العيب

المشاركة الأصلية كتبت بواسطة gadix (المشاركة 236130)

انا بقالي 3 سنين و 8 شهور الله يسامحك فكرتني ليه انا كنت ناسي