المشاركة الأصلية كتبت بواسطة sad-bird (المشاركة 236010)

شوية جد بقى
التابلوة

دي واحد زميلتنا ابوها بيعزها جدا بنت وحيده بقى
كانت بتعمل دراسات عليا معانا زيها زينا يعني مش فارقة حاجة
عمنا ده مستحييييييييييييييييل انه او اي حد يندهلها قدامه غير يا دكتورة
ياعم لسه بدري متوديش البنت في داهية تديها الدرجة العلمية من غير حق يحصل مشكلة والا حاجة
لا ابداااااااااااااااااااااا اااااااا
المهم
دي عنده كانت حاجة ملهاش اي قيمة ممك تقيمها في الوجود
كل ما يتقدملها عريس ايا كان وضعه او شغله ميوافقش عليه وحتى المقابلة تبقى بطلوع الضرس ويتكلم مع الناس بقرف ويطفشهم
طيب انت عاوز ياه ياعم الحاجة
عاوز واحد محترم ( قال يعني كل الناس اللي راحتلها دي مش محترمين )
طيب ايه مواصفات الراجل المحترم ده
يكون استاذ جامعي لانها دكتورة ( هيا معاها البكالريوس ودبومة واحده بس لسه )
ماشي وايه كمان
يكون مقتدر ماديا انا بنتي متتبهدلش بنتي انا لو طلبت لبن العصفور بجيبهولها ( طيب ياعمنا الناس اللي بتكمل دراسات عليا من الخارج دول وضعهم ايه واصلا ملهمش مستقبل لان التعيين دلوقتي في الجدامعة بقى لازم فيه كووووووووووووووووووووووسة وكبيرة قوي كمان ) وبعدين اللي بيكمل دراسة سواء من الخارج او معين في الجامعة بيكع دم قلبه يعني على ما يخلص البيه الدكتوراه يكون على الحديده
مش مشكلتي انا بنتي لازم ترتاح مش بتاعت شقى ( مع انها عاوزة تشقي وتتعب بس هو يوافق )
السن ، لازم سنة يكون مناسب ليها ميكونش اكبر منها باكتر من 3 او 5 سنين ( طيب ازااااااااااااااااااااااا ااااااااااااااااااااااي ) يعني على كده انت عاوز واحد يخلص الكلية من هنا وياخد الدبلومات في سنتين وميروحش جيش ويخلص ماجستير في سنة والدكتوراه في اتنين الحد الادني يعني ويلحق يكون نفسه ويكون نفسه كويس جدااااااااااا علشان بنتك تكون مرتاحه جدا معاه وسنة صغير )
اخر واخحد عرفته اتقدم لها بعد لما خلص من الحوارات دي بعتله رساله مع واحد

المشاركة الأصلية كتبت بواسطة sad-bird (المشاركة 236039)

حكاياتي انا بقى
ومن غيييييييييير تريقه
ماشي ياللي في بالي منك له له له له له

عارف اني هروح في داهية بعد لما اخلص
مع الوضع في الاعتبار اني كل ما انوي على واحده يجيلها نصيبها وتتجوز ( خلي بالكم من الموضوع ده انا كده من الصبح هلاقي ملوين رسالة بتقولي تعالى انوي عليا يمكن العقدة تتفك على ايدك )
ومع الوضع في الاعتبار اني مقصر في حاجات كتيييييييييييير

الأولي
كانت قريبة ليا وكنت بحبها جدااااااااااا من واحنا اطفال وفجأه ولان السن بيني وبينها متقارب جدا عريس يا بوي
يا تري تعمل ايه
قدامك حل من اتنين يا اما تنسي ان فيه حاجة تعرفها عني اصلا يا اما تشرف ولقيت ان الموضوع مش فارق اصلا معاها فرصة وجت مع العلم انها كانت صغيره وقتها يعين 18 او 19 سنة

وقد كااااااان
واتجوزت وخلفت ولا كأنها تعرفني اصلا

المشاركة الأصلية كتبت بواسطة sad-bird (المشاركة 236051)

الثانية
كانت زميلة لي في الكلية وكنا في مجموعة كبيرة وانا مكنش في دماغي الدخول في اي تجارب عاطفية لاني كنت مصدوم لسه وكنت ناوي اركز في الدراسة وبس
وبعدين لقيت كل اللي اعرفهم بقو couples ومباقش غيري انا وهيا وطبعا لان كل واحد واخد الجو بتاعه وراكنلي في جنب ولقيت نفسي انا وهيا مع بعض ونتكلم ونتعارف على بعض اكتر وهكذا العلاقات اتطورت وبقت حب سنة ونص تقريبا او سنتين وفي سنة رابعه
الكلمة المعهووووووووووودة
عريس يا بووووووووووي
وكالعادة يا تتفضل تشرف وتيجي يا اما ملكش دعوة بيا تاني
وشكراااااااااااااااااا
واتجوزت واحد اتعرفت عليه بعد كده بالصدفة وبقينا انا وهو اصحاب واذ فجأه اكتشف انه جوزها
حد يقولي تعمل اييه بقى
ولا حاجة
بدأت انسحب من الراجل شوية بشوية وهو كان بيرجع ده لظروف الدراسة

المشاركة الأصلية كتبت بواسطة sad-bird (المشاركة 236056)

الثالثه
كانت اخت واحدة زميلتنا وكانت اصغر مني بسنتين
قلت كويس عقبال لما اشوف حالي وارتب اموري
واتعرفنا واتكلمنا
وكنت ايامها في اول دبلومة وهيا لسه في 3 كلية
وروحت عندهم الكلية مرة ولان الكلية كلها عارفااني فناس كتير جت تسلم والخبر انتشر كالنار في الهشيم اني قاعد مع فلانه والموضوع فيه انٌ

روحت البيت
الاتصالات اشتغلت
انت ش عارف ان كده عيب
ازاي تدخل علي واحده وهيا مرتبطة ( مع العلم اني سألتها وقالت لأ علشان تعرفوا ان ملهمش امان )
دي مرتبطة بواحد زميلنا اعرفه بس هو كان في كليتها وهو قدي لكن حصل خلاف بينهم والموضوع كان معلق بس هيا كانت قالت انه انتهي وهو الموضوع معلق عنده
وبما اني مش بحب اي مشاكل وكمان محبش اني اكون في موقف زي ده فقررت اني ابعد خصوصا ان العلاقة مكنتش تطورت كانت مجرد اعجاب
وبعدها لقيتها ساقت طوب الارض عليا علشان اتكلم معاها تاني وبعدها بشهر تقريبا لقيتها قاعده معاه في وضع مش هو وبعدين سمعت انهم اتخطبوا
ربنا يسهل لعبيده ملناش دعوة