|
رد: أعرف كل شئ عن السباكة
الأخ الفاضل أبو شروق
جزاك الله خيرا على ماتبذله في خدمة الأعضاء . عايز أسال حضرتك بخصوص جلب التطويل ( الجلب النيكل ) الجلب ديه أنا اشتريتها أكثر من مرة وللأسف كل مرة باشتري نوع ويطلع سئ جدا فياريت حضرتك تقولي أشتري نوع كويس منين وسعره كام وازاي أحكم على جودته وهل هذه الجلب تصدأ أم لا ؟؟ كمان أنا شقتي في الطابق الثالث وعامل المواسير جوه الحيطة " 0.5 بلاستيك تقريبا BR المشكلة اني حاسس انها اتسدت وضغط الميه ضعف نتيجة صدأ ورواسب تكونت بداخلها مع العلم أن الماسورة الرئيسية المغذية للشقة حديد فهل فيه حل لتنظيف هذه المواسير المدفونة في الحيطة ولا ايه . ولك عظيم الشكر والتقدير . |
رد: أعرف كل شئ عن السباكة
اقتباس:
متشكر لاهتمام حضرتك يا أبو شروق, أنا ان شاء الله هركب الموتور فى المنور (الدور الأرضى) و عايزه يطلع المياه ويملى الخزان فى الدور الرابع و كمان يقويلى ضغط المياه اللى فى الشقه. مسنتى رد حضرتك عن القدرة, باقى المستلزمات والاسعار. شكرا |
رد: أعرف كل شئ عن السباكة
اقتباس:
حضرتك ممكن تجيب الجلب النيكل من عند المحجوب أو السلاب أو شركة القدس ممكن حضرتك تقولى على منطقة سكنك وأنا اقولك تجيب منين وسعرها تقريبا من 5 الى 7 جنيه واطوال مختلفه وهي نحاس ومطلى نيكل مرفق صور ة لجلبه بجوار محبس شطاف http://a7lashare.com/viewimages/5064085456.jpg بخصوص سدد المواسير المواسير البولى لا تصداء ولا يتكون بها رواسب لو المياه كانت شديدة وضعفة يجب الاول التأكد من الجيران بمستوى المياه عندهم هل كما هو ولا قلة المياه فى المنزل كله لو عند حضرتك فقط يبقا فى سدد فى المحبس العمومى وده تسليكه يجب أن يقوم به فنى متخصص لأنه مش سهل وحضرتك مش هتعرف تعمله أتمن أن أكون أفدتك وأنا تحت أمرك فى أى وقت أيمن أبو شروق 01005314147 01287710555 |
رد: أعرف كل شئ عن السباكة
اقتباس:
أستفسار من حضرتك أنت عامل دخلتين مياه للشقه من الخزان والعمومى ولا الخزان هو المغذى للشقه عشان نقطة أن الموتور يملى الخزان وكمان يقوى ضغط مياه الشقه النقطتين مختلفتين تماما !! أولا-لو المياه المغذيه للشقه من الخزان يبقا قوة ضغط المياه تعتمد على قطر مواسير المياه الى نزله من الخزان وطريقة تركيبها وحجم الخزان وعدد الشقق المستخدمه للخزان ثانيا - لو فى دخلتين للشقه 1.خزان ووحده للشقه يبقا ده موضوع تانى يريت تفدنى فى الاستفسار السابق تقبل تحياتى أيمن أبو شروق 01005314147 01287710555 |
رد: أعرف كل شئ عن السباكة
اقتباس:
بالنسبة ليا أنا موجود في شبرا وممكن انزل اجيبها من السبتية لو حضرتك ممكن تدلني على مكان محترم وثقة هناك أشتري منه . بالنسبة لما أركب الجلبة في الحيطة في القطعة البي آر بسن اقفل حول الجلبة بأسمنت أبيض تحت الوش ولا أسيبه فاضي بحيث ان لو فيه تسريب يظهر في الخارج يعني التسريب يخرج بره السيراميك . بالنسبة للسدد في المحبس الرئيسي ده حله تغيير المحبس ولا ايه (محبس دفن ) بالنسبة للصدأ اللي قولت لحضرتك عليه لقيته على جلبة فكيتها عندي ولاقيتها مليانة صدأ ورواسب فكده ممكن يكون السدد في الجلب فقط والحل تغييرها أو تنظيفها . ولك عظيم الشكر والتقدير |
الساعة الآن 09:06 PM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017