مصر موتورز مجتمع السيارات - رابطة مالكى الاكسل

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

- - رابطة مالكى الاكسل (https://www.masrmotors.com/vb/showthread.php?t=22421)

رد: رابطة مالكى الاكسل

اقتباس:

المشاركة الأصلية كتبت بواسطة john_start1 (المشاركة 431105)

معايا عربية اكسل 1500 سي سي 1994 وكل شوية بأعوز اغير اول بوجيه علي اليمين (ناحيو السواق)
مش عارف اشمعنا ،،،( وباستخدم بوجيه قصير علشان مش يوصله زيت ) وكمان قريب الميكانيكي قالي الماكينة خفت وعايزه شنبر وده يكلف في حدود 700 جنية .. وسألت واحد تاني قالي ممكن تركب كرسي ومش هيكلفني كتير و كمان هتمشي بيها سنه تقريبا .. وبعدين ممكن تشتتري نصف ماتور تحتاني وبكده كانت اشتريت ماتور جديد وده يكلف 1500 ... ومش عارف اعمل ايه ؟؟؟؟برجاء المساعدة ضروري

الوضع الحالى اللى عندك اسمه بلغه السوق ان "العربية بتنفخ زيت" ...

ومعنى كده ان موتورك فعلا محتاج طقم شنبر ...

اما بالنسبة لشراء نصف موتور .. مش هنصحك بالموضوع ده الا لو الموضوع كان اكبر من طقم شنبر .. يعنى مثلا لو طلع عندك بستم مكسور او اكتر او الشمايز مخربشة ...

ودى تكلفة تقريبية للموضوع :

- طقم الشنبر هيكون فى حدود 100 جنية

- طقم جوانات وش سلندر فى حدود 70 جنية

- غيارين زيت (غيار لفتره التليين فقط وده تحطله زيت رخيص لانه هينزل بعد اسبوع بالكتير وغيار تانى زى ما انت متعود) وفلتر زيت .. نقول الغيارين والفلتر فى حدود 160 جنية ..

- طقم بوجيهات (وانصحك ببوجيهات NGK) سعرها 45 جنية ..

- مصنعية فى حدود 200 جنية قابلة للزياده او النقص انت وشطارتك يعنى ..

يعنى فعلا الموضوع هيدخل فى 700 جنية ..

طبعا اعمل حسابك فى شوية مصاريف مستخبية متنوعة كده ....

رد: رابطة مالكى الاكسل

ما رأيكم فى الآتى
1 لللاهميه القصوى ترجع الثرموستات فى الكوعه لانها :-
- بتضبط درجه حراره الموتور على الدرجه الاقتصاديه متوسط 90 درجه مئويه و بالتالى بتطلع افضل خرج للموتور و احسن استهلاك بنزين .
- بيتهيا لكم ان العربيه بارده و ده صحيح بس ده بياثر على حاجات ثانيه فى دوره التشغيل .
2 - تعمل غسيل على المغلق بمزيل صدا معتمد و لا تتعامل مع الحاجات اللى بتكون مجهزه فى المحطات او بتوع الرادياتير لان نسبها موش مضبوطه فى اغلب الاحوال - ثم ضيف مياه تبريد معتمده تركيز 33 % موبيل او شل او توتال او اى مياه اخرى مضمونه .
3 - متوسط اللى هتاخده العربيه من 4.30 الى 5 لتر و طبعا معاك 1 لتر للزواده عند السفر او نقص الطبيعى نتيجه البخر.
قبل عمليه الغسيل بالدائره المغلقه اعمل الاتى :-
1 - اتاكد مافيش اى تسريب من الخراطيم و انها موش منفخه.
2 - ثرموستات تشغيل المروحه اللى فى الرادياتير سليم ومضبوط درجه الحراره زى الاصلى ( علشان يبقى ماشى مع ثرموستات الكوعه ) .
3 - اطمن ان المراوح بتاعه التبريد شغاله و مافيهاش بوش او محتاجه شربون او خلافه .
4 - ما فيش اى تسريب علشان الميه اللى هتضيفها بتكلفه و عطله وقت.
5 - اغسل وش السربنتينه من جوه و من بره كل شهرين بمسدس مياه من بعيد علشان الريش بتاعه سربنتينه التكييف و الرادياتير متتنيش و تسمح بدخول الهواء بسلاسه .
6 - تنظيف فلتر الهواء كل 5000 كلم و تغييره كل 20000 كلم فى المتوسط علشان العربيه تسمح بدخول كميه الهواء المناسبه و ما تتخنقش و تسخن منك فى الزحمه.

رد: رابطة مالكى الاكسل

معلش اسف استحملني :
انا من محافظة سوهاج .. تفتكر اني العملية دي سهلة وممكن الميكانيكي يظبطها كويس مع العلم انه اول ما سألته التكلفة كام قال 700 زي ما حضرتك تفضل واكدت علي كلامه ... وهل تأخذ وقت كتير ولا اودهاله الصبح ااخذها بالليل ولا تاني يوم

رد: رابطة مالكى الاكسل