|
رد: عايز اشتري سيارة جديدة وقوية
اقتباس:
أنا بعد ربنا و نصائحكم لي و بالأخص أ/ حسام البورسعيدي ما كنتش جبت لوجي ربنا يطرحلي البركة فيها أعمل الخير و أرميه البحر إن غرقت يوم ينجيك الحافظ هو الله ربنا يجعلني سبب لقضاء حوائج الناس و نفعهم و نصحهم و لو بحرف في سبيله |
رد: عايز اشتري سيارة جديدة وقوية
اقتباس:
بس نصيحة مش تسيب نمرتك كده على النت كده ممكن كنت تراسل حد من الشباب الذكور على الخاص تتفاهم معاه ثانياً فكرة العربية حلوة و ممكن يبقى تاكسي أفضل بكثير حتدفع 120الف و تستلم تاكسي زيرو تجيب حد يشتغل عليه و يوصلك مشاويرك و في نفس الوقت تركب معاه حبتين تشوفه و هو بيسوق خللي بالك كده التاكسي ما عليهوش أقساط تقدر خلال 6 شهور تحوش 18 ألف جنيه و مشاويرك متقضية و لو صبرت سنة حيبقوا حوالي 36 ألف حلو تجيب عربية قديمة تروح بيها الجامعة تمرمطها و تهريها تضبط نفسك على سنة 3 تكون راكب أحدث عربية فيكي يا مصر مكن مكاسب التاكسي و ثمن بيع الكتكوتة كده يبقى عندك مشروع تجاري بيصرف على العربية و ممكن تاخد مشورة الناس الكبار في التعامل مع سواقين التاكسي و أعتبر نفسك أول سنة لسه بتركب تاكسيات و ممكن تجيب شغل للتاكسي يعين تقول لصحابك في الجامعة لو حد عاوز تاكسي مشاوير خاصة بالعداد تحت أمركم بس من غير ما تقول إنه بتاعك علشان المجاملات الفارغة و تبقى بتقدم خدمة إن التاكسي تحت أمرك في مشاويرك و بتكسب و تحوش المهم تشوف شاب أمين(و دول كثير و عاوزين شغل شريف أنا شفت شباب كثير جداً يعرفوا ربنا عاوزين الحلال) على فكرة أنا بقولك نصيحة أتقالت ليا من كذا حد بس أنا ظروفي مش تسمح بمحاسبة التالكسي و وجع الدماغ بس أنت شاب و ممكن تضبط السواق يعني يبقى عندك 2 عربية راكب واحدة آخر موديل أعلى فئة بالمجان تماماً و تحت أمرك بس خد قرار قبل بداية السنة الدراسية |
رد: عايز اشتري سيارة جديدة وقوية
أولاً شكراً على ردك أختي الكريمة
بس أنا بش عايز تاكسي يوصلني الجامعة وأوجع دماغي العربية اتخبطت العربية اتسرقت وبعدين أنا بتعصب من اللون الأبيض وإزاي أخلي العربية كلها لونها أبيض ( هعمل زي فلم صباحو كدب لو قلب العربية المرسيدي تاكسي ) هي الفكرة بش وحشة بس متنفعش معايا أنا عايز العربية تكون بتاعتي وأروح بيها كل مشاويري ( متنسوش كمان إني هروح اسكندرية بمعدل كل اسبوع مرة رايح جاي ) يعني كده لو قلنا المسافة من البيت للجامعة 100 كيلو رايح جاي و6 مرات في الأسبوع يعني 600 كيلومتر ومشاوير البيت في حدود 100 كيلو في الأسبوع ومشوار الإسكندرية رايح جاي نقول 300 كيلو متر يعني المجموع الكلي 1000 كيلومتر في الأسبوع يعني 52000 كيلومتر في السنة يعني أنا عايو عربية مخصصة ليه وكمان أنا في الإجازة مبقعدش في البيت غير مشاوير متتالية ( بلقط رزقي :shyy: بهزر لا بطلع كل مكان شوية ) يعني تخيلو عربية خلال 5 سنوات هتكون قطعت مسافة 260000 كيلومتر ( يعني طلعت عينها ) فإيه هية العربية المناسبة لكده وأنا بس مشكلتي أني مش عايز كل شوية أدور على الصنايعية وعايز اعرف أحسن زيت 10000 كم وإيه الحاجات اللي ممكن اصلحها في العربية كل فترة بالنسبة للعربية اللي هتختاروهالي أنا عجباني أوي الفيرنا شكلها خرافة بس لما تتعدل ( لون أسود أو أي لون غير البيج والأبيض ) |
رد: عايز اشتري سيارة جديدة وقوية
معنى ذلك أنه العربية دي بش موجودة للأسف
|
رد: عايز اشتري سيارة جديدة وقوية
انتا لو تسمع كلامي سيبك من كلام كل الناس دي وروح مواصلات احسن الناس تعبت معاك والله انتا مش عاجباك ولا عربيه من الي الناس بتقولهالك هاتلك توكتوك وريح دماغك وريحنا معاك والله والله الاوبترا تمام اوي اوي والسيراتو تمام اوي اوي مش عارف مالهم بس عربيات تمام والسيراتو يعني شبابي كده وفيها لعب وحلوة السيراتو خليك في السيراتو في اتوماتيك ب 113 الف جنيه مجيتش على 3 الاف دول يعني:Wkiss5::Wkiss5::Wkis s5:
|
رد: عايز اشتري سيارة جديدة وقوية
اقتباس:
بضحك معايا أنت أخويا الصغير بص الفعربية ده و حاول تكمل و تجبها هي أو فيتارا http://www.youtube.com/watch?v=fk0QQ...feature=relmfu بالتوفيق و تحت أمرك |
رد: عايز اشتري سيارة جديدة وقوية
أو ممكن يتطوع حد من مصر موتورز و ياخدك معاه في سكته لحد ما تقرر و كل مرة تركب مع حد معاه عربية مختلفة لحد ما تقرر
بأمر الله يكون أتمنعت تراخيص العربيات الجديدة و تشتري نمر ىزي التاكسي يا أبني ريح دماغك و استخير ربنا و أنزل أي موزع محترم قارن و شوف ( محمد زكي - السبع - المصرية - الطارق) توكل على الله و عاين و خد معاك مقدم |
| الساعة الآن 07:40 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017