|
رد: اختبار قيادة : تويوتا كورولا 2008 المزودة بعلبة التروس الذكية
شكرا على الملاحظات التي لاتخرج الا من خبير |
رد: اختبار قيادة : تويوتا كورولا 2008 المزودة بعلبة التروس الذكية
تقرير هايل يا هندسه
بس انا عاوز اقلك ان العربيه دى 142 حصان مش 108 زى ما انتا قايل و154 نيوتن عند 5200 بالنسبه لشكل العربيه فدى بقا ازواق بس حاول تقول رأيك بدون عصبيه الفتيس بقا انتا معرفتش تستخدمه هو مش اوتوماتيك اصلا mmt يعنى فتيس مانيوال متعدد الانظمه يعنى شغال على ديسك واسطوانه وبليه يعنى طقم دبرياج كامل انا اقلك ازاى تسوقها : وانتا على الوضع (اى) بتدوس بنزين عادى جدا وعلى فكره العربيه مبتأخرش ولاحاجه بالعكس دى بتفرك منى وتمشى عليه حسب ما انتا متعود على سواقه المانيوال يعنى ممكن تفصل الاولانى اول ما تحركها او ممكن تحرق عليه وتجيب بيه 65او 70 وفى اى حال منهم لازم تشيل رجلك وتحطها تانى عشان الفتيس ينقل ونفس الموضوع فى الخمس سرعات على كدا ولما تجبها على الوضع ام نفس الحكايه بس هتنقل انتا بتحريك الفتيس او الدراع الموجود خلف الدركسيون وادامك اختيارين اما تخلى رجلك ثابته وساعتها هتحس اوى بالنقله ونتشه العربيه او تشيل رجلك وانت بتنقل وتدوس تانى واعتقد ان كدا احسن عشان متحملش على الديسك وتسلمه لفات الموتور عليا بشكل مفاجئ وعن تجربه شخصيه على طريق وادى النطرون انا ماشى بالعربيه 210 متواصل ومعايا 3 فى العربيه والتكييف شغال وهى لسا عوزا تجرى تانى وكما زكر احد اعضاء الموقع الكرام ان ثبات العربيه على المنحنيات ممتاز لاكن عيب العربيه دى التابلوه فقير شويا وخامات بعض الاجزاء فيه مش اد كدا وديقه شويه من الخلف احمد سنبل |
رد: اختبار قيادة : تويوتا كورولا 2008 المزودة بعلبة التروس الذكية
which one is better the south african or gulfian?
|
رد: اختبار قيادة : تويوتا كورولا 2008 المزودة بعلبة التروس الذكية
كنت عايزة اسال عن حاجة في عربيتي
انا عندي تويوتا كورولا 2008 و حصل معايا اني لما بشغل المكيف اثناء السوقة الفرامل بتحجر و بصراحة مش عارفة السبب مع العلم اني زيت الفرامل تمام و زيت العربية و محدش قادر يفهمني السبب و مش هقدر اروح التوكيل ارجو الافادة و شكرا |
رد: اختبار قيادة : تويوتا كورولا 2008 المزودة بعلبة التروس الذكية
انا فوجئت بأن ناس كتير حاليا بتبيع الكورولا 2008 برخص التراب
هل ده لأنها خلاص هتخرج من ضمان الوكيل التلات سنين ولا هي فعلا مش حلوه؟ يا ريت حد يفيدنا |
رد: اختبار قيادة : تويوتا كورولا 2008 المزودة بعلبة التروس الذكية
والله انا رايي انها عربية ممتازة رغم كلا الانتقاضات دي انا نفسي اجيب واحدة منها وبعدين انا عايز اقول حاجة علشان انهي الكلام والجدل ان الكمال لله وحدة
|
رد: اختبار قيادة : تويوتا كورولا 2008 المزودة بعلبة التروس الذكية
مع كامل احترامي لاي حد بينتقد حاجه ف تويوتا لازم نكون عارفين ان الكمال لله وحده ومفيش انسان ف الدنيا كامل فما بالكم باله الانسان هو اللي اخترعها التويوتا طبعا وبدون اي شك مهما حصل هي السياره الاعتماديه رقم 1 ف مصر لان الموضوع ياساده مش مجرد عربيه ثابته ومحترمه وخلاص الموضوع اكبر من كده فيه عربيات كجوده افضل لكن كسعر اعاده بيع بطيخ وكقطع غيار مش موجوده فلام نعترف ان التويوتا هي العربيه الوحيده اللي قدرت تجمع اكبر قدر ممكن من كل حاجه يعني جوده كويسه وقطع غيار متوفره واعاده بيع هايله واي حد يفهم فيها عكس عربيات تانيه ممكن تلاقيها محققه score ف نقطه معينه زي الجوده ولكن ف نقطه تانيه صفر ع الشمال يعني لو انت جبت عربيه رووووعه وجوده هايله وحصل اي ظرف كان اضطريت تبيعها لقيت العربيه ام 150 الف بتجيب 50 الف بالعافيه ده مش يكرهك ف العربيات فلازم نعترف ان التويوتا هي العربيه الوحيده اللي قدرت تحقق اعلي score في كل نقطه تهم المستهلك المصري عشان كده هتظل الاختيار الاول للمواطن المصري |
| الساعة الآن 12:11 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017