مصر موتورز مجتمع السيارات - ممكن تنتخب طنطاوي .... بس من غير نرفزه

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - ممكن تنتخب طنطاوي .... بس من غير نرفزه (https://www.masrmotors.com/vb/showthread.php?t=68697)

رد: ممكن تنتخب طنطاوي .... بس من غير نرفزه

اقتباس:

المشاركة الأصلية كتبت بواسطة تامر ديزل (المشاركة 521730)

يعني قول رايك في كلمتين من غير نرفزه ممكن تنتخب طنطاوي ؟ اه او لا او يمكن
ووضح سبب اختيارك ف سطر واحد عشان الاستطلاع يكمل ونعرف راي الناس
ماشي؟
ياللا بينا

ليه معملتلوش عنوان زى بتاع البرادعى؟؟:bb127bc6eab060 e3e23444546

رد: ممكن تنتخب طنطاوي .... بس من غير نرفزه

اقتباس:

المشاركة الأصلية كتبت بواسطة lost2008 (المشاركة 540355)

ليه معملتلوش عنوان زى بتاع البرادعى؟؟:bb127bc6eab060 e3e23444546

يعني دلوقتي الاعتراض على العنوان ولا الاعتراض على انه موجه للبرادعي ؟
يعني لو كنت قولت من الاول حمرا يا طنطاوي ما كانش هيبقى عنوان فج ولا حاجه ؟ ولا هوا عنوان فج علشان موجه للبرادعي ؟ ولو موجه لطنطاوي يبقى كويس وحرية تعبير
وعلشان محدش يتلكك او يفتكر اني بدافع عن طنطاوي ولا حاجه انا بسال ليه دايما لما بيكون الكلام في صفنا حتى لو قبيح وفيه تجريح بيعجبنا وبنستميت في الدفاع عنه زي مثلا اللي طلعوا وقالوا على المجلس العسكري ده مجلس كلاب محدش من اخوانا اياهم فتح بقه وقال كده عيب ولما اسماء محفوظ قالت على الهوا :الزفت طنطاوي محدش نطق بل بالعكس دافعوا بشراسه وقالو دي حرية راي وتعبير
طبعا هيتقال اصل طنطاوي سرق الثوره ويستاهل اللي يجراله .... ماشي معاك بس احنا بنتكلم في نقطه العناوين والكلام الفج لو مسموح يبقى مسموح على الكل ولو ممنوع يبقى على الكل برضه

رد: ممكن تنتخب طنطاوي .... بس من غير نرفزه

اقتباس:

المشاركة الأصلية كتبت بواسطة تامر ديزل (المشاركة 540368)

المقصود ليه حاطط عنوان فيه استفزاز على موضوع استطلاع البرادعى فى حين انك هنا حاطت عنوان عادى و طبيعى, بس كدة,,

رد: ممكن تنتخب طنطاوي .... بس من غير نرفزه

اقتباس:

المشاركة الأصلية كتبت بواسطة lost2008 (المشاركة 540370)

المقصود ليه حاطط عنوان فيه استفزاز على موضوع استطلاع البرادعى فى حين انك هنا حاطت عنوان عادى و طبيعى, بس كدة,,

بصراحه نزول طنطاوي كان مستفز ومنرفز الناس العاديه زي ما شفنا بعد كده في المشاركات وفي نتيجة الاستطلاع ومتهيألي العنوان كان مناسب وهدفه اننا نناقش فكره او بالونة الاختبار اللي عملهالنا طنطاوي بس من غير ما نتنرفزوالعنوان جه معايا كده حسب مضمون فكرة الاستطلاع .. انما لما عملت موضوع البرادعي كان السبب هوا حواره على قناة الحياه بعد احاث ماسبيرو وكان باين عليه انه متوقع لنفسه تليفون بين لحظه والتانيه لتولي الوزاره مكان عصام شرف او على الاقل بيقدم نفسه من خلال الحوار ده على انه بديل كويس وياللا يا مجلس يا عسكري خدني رئيس وزرا وانا احل لك كل المشاكل .... فطلع العنوان ده
على فكره انا مستمتع بمشاركاتك وبالحوار معاك لان مش لازم الحوار يبقى بين اتنين متفقين هيبقى مالوش معنى مجرد تطمين ان افكارهم واحده لكن لما بيكون الحوار بين اتنين مختلفين في الراي بيكون افيد بكتير لان الشئ لا يتضح الا بضده

رد: ممكن تنتخب طنطاوي .... بس من غير نرفزه

لأ طبعاً مش هنتخبه لأنه ببساطه مش هيرشح نفسه

رد: ممكن تنتخب طنطاوي .... بس من غير نرفزه

بكل تأكيد مش هنتخبه

لأن بالعقل كدا احنا ليه كنا بنقول علي انتخابات مبارك و مجلس الشعب مزورة لأنها كانت في ايد رجالة مبارك و كان بيزورها لصالح الحزب
طيب ليه كنا رافضين جمال رئيس .. لأنه لما يرشح نفسه ابوه كان هيزورله الأنتخابات لأن الصناديق و زمام الأمور في اديهم
و بالتالي طنطاوي مينفعش يترشح اصلا للرئاسة لأنه هيخلي رجالته يزوروله الأنتخابات .. و بعدين هو بيقود الفترة الأنتقالية اللي مبارك كلفه بيها .. فإذا كنت انا رافض وجود طنطاوي علي رأس السلطة في مصر في الوقت الحالي لمجرد إنه مكلف من مبارك اللي انا رافضه شكلا و موضوعاً .. اكيد هبقي رافضه برضه انه يكون رئيس لمصر .. لو هو راجل بقي بجد يتفضل يسلم مصر لمدني و يعمل انتخابات نزيهة و اللأنتخابات القادمة اللي هتبقي في 2016 يتفضل يرشح نفسه و يورينا قوته علي الساحة السياسية

دا بعيد بقي عن ان العسكريين لا يفهوا شئ الأ في ساحات الحروب .. عبد الناصر كان عسكري شاطر لكنه سياسي غبي
و السادات كان عسكري ممتاز لكنه رئيس خلق في مصر الطبقية و الرأسمالية و رجع الأقطاعيين و عرفنا علي ايده معني المعتقلات و ادوات التعذيب
و مبارك علي عينك يا تاجر كلبو ابن كلب مش محتاج اتكلم عنه

كفايانا عساكر بقي .. كفاااااااااااية

رد: ممكن تنتخب طنطاوي .... بس من غير نرفزه

لا من غير نرفزة

احنا شبعنا من حكم العسكر كفااااااااااااااااااااااا اية