مصر موتورز مجتمع السيارات - موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة handtools123 (المشاركة 631224)

أخى فى الله أرجو أن تساعدنى فى حل مشاكل عربيتى أشرح لحضرتك اللى فيها
1- الكربرتير بكون عليه زى شحم كله والخراطيم كمان غرقانه شحم
2- وبكون تحت الكربرتير زيت مغرق المنطقه اللى تحتيه
3- ولما بفتح غطا الأسبراتير بلائى جوا زيت بسيط على المنطقة اللى فيها الأبلتين
4- وعندى جسم العربية من تحت غرقان زيت عند الكرتيرة والفتيس وكمان الحته اللى فى أول الشكمان بعد الفرن لحد نصف الشكمان من تحت
5- وصوت عالى زى ما يكون الشكمان مخروم مع العلم الصوت ده اول ما حصل العربية سحبها ضعف أوى الصوت بزيد لما بدوس بنزين زى ما تقول كده العربية عزمها ضعف اوى
أرجو مساعدتى ربنا يجزيكم خير:loveu::w6w20050411223 6376d

من واقع اللى حضرتك بتقوله
فمن الممكن ان هناك تسريب زيت من جوان التكيهات على الاغلب
او مع عمليات التصليح المتتكرره العامل لا ينظف المكان جيدااا فالزيت بيتجمع
فحضرتك تروح تغسل ماتور العربيه وتاخدها مشوار بسيط
وترجع تشوف التسريب منين
وطبعا مكان التسريب اللى هيظهرلك هتروح للميكانيكى يظبطهولك مثالا طلع جوان التكيهات بايظ وبيسرب زيت يبقى حضرتك هتجيب جوان تكيهات ب 5 جنية
وتروح لاى ميكانيكى يركبهولك واديه 5 او 10 جنية
زى ما تحب
وبالنسبه لمشكلة الصوت العالى فحضرتك تروح عند بتاع شكمانات لان اعتقد فيه واصله مش مربوطه صح او حاجه زى كدا
فخليع يبوصلك عليه وقولى ايه الاخبار معاك وايه اللى حصل
مستنى ردك
اخوك فى الله سيد

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

ربنا يخليك ياباشا على ردك انا عملت المشكلة طلعت جوان غطاء التاكيهات وجبت واحد مكانه وغيرته وظبط الماتور أشكرك على الأهتمام وربنا يخليك لينا:GROWIN~12:

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة handtools123 (المشاركة 647141)

يا باشا ولا يهمك وانت تأمر وانا اعتذرلك على عدم وجودى الفترة الماضيه لاكنى هنتظم بعد كدا ان شاء الله وهرود على جميع الاستفسارات باذن الله والحمد لله ان المشكله اتحلت

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

سلامو عليكو

النهارده بعد مرجعت ن درس السواقع خدت العربيه امشي بيها شويه بس وانا بدوس فرامل تحس ان فيه حاجه بتغبط كده قدام ممكن تفسير

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

السلام عليكم :fun_36_3_13[1]: عايز اعرف ايه الفرق بين البوجوهات السن الطويل والسن القصير وهل بتفرق في الاشاره :12EA6C~133:

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

انا كنت عايزة اعرف هو اخر موديل لل 128 سنة كام و هو ممكن اشتريها جديدة ولا كله مستعمل ؟

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة farouk89 (المشاركة 651216)

سلامو عليكو

فى الاغلب يا استاذ فاروق فيه مصفحتين حديد تحت الماتور ممكن يكونوا مش مربوطين كويس على العموم بطل العربيه وارزع باب العربيه وشوف فيه صوت رجه هيظهر ولا لا لو فيه حاجه ظهرت يبقى حاول تكتشف مكانها او خلى واحد يرزعلك الباب وهو بيقفله وانت حاول تتابع مكان الررجه ولو مفيش حاجه ظهرت يبقى خالى ميكانيكى يركب معاك ويشوفهالك وهو هيعرفها على طول