رد: أنواع البنزين وعلاقتها بنسبة إنضغاط المحرك = Gasoline Octane number And Engine CR
الحقيقة ان المنتدي هنا فية معلومات حقيقي بتثري الواحد والموضوع دا من الموضوعات الحلوة بس بشمهندس احمد انا ليا استفسار انا عندي 128 وعارف دلوقتي انهم بيقفشوا اللي راكبيين 128 :balloons71: ربنا يوعدنا يا اما بالكيا سيراتوا او اسبيرانزا بشمهندس احمد ندخل في السؤال انا زيي ماقولت لحضرتك انا راكب 128 العربية ديا احنا مشرينها زيرو علي ايامها بقي وبتاخد رعاية طيبة المهم طبعا كنا زمان بنحط بنزين 80 وبعدين انا غيرت للتسعين لما كان بقي ايام زمان ب 110 قرش انما لما ركب المجري رجعت تاني للتمانين ولكن بعد فترة غيرت لاني بسافر بالعربية اغلب المشوار مشوار سفر فرجعت املي 90 وادفع في الليتر 175 قرش حرام بجد وهاقولك انا عملت كدا لية لما كنت بملي 80 صوت الموتور بيبقي عالي اكتر من اللازم وبحس كمان ان الاداء علي الطريق الطوالي مش حلو وبحس ان عزم العربية ضعيف غير اني بستهلك كمية كبيرة من ال 80 انا مش عارف اد اية باللتر في مشوار سفر حوالي 100 كيلو ولكن بالاحساس كدا انما مع ال 90 صوت المتور اهدا والاداء اعلي ارجوك الافادة لاني محتاج اعرف لان بصراحة الفرق المالي كبير ما بين ال 80 وال 90 منتظر اجابتك الكريمة |
رد: أنواع البنزين وعلاقتها بنسبة إنضغاط المحرك = Gasoline Octane number And Engine CR
اقتباس:
إرجع لبنزين 80 مرة تانية وفول التانك إمشي بيه شوية يوم مثلاً إطلع على ميكانيكي وقل له: إظبطلي كهربة الموتور على بنزين 80 وبس |
رد: أنواع البنزين وعلاقتها بنسبة إنضغاط المحرك = Gasoline Octane number And Engine CR
اوكية بس انا علي فكرا دايما ببقي مظبط كهربة الموتور علي التمانين تعرف حضرتك انا لما بملي تسعين الفترة اللي فاتت كنت مظبط الموتور كهربة الموتر علي بنزين ال 80 وبحط تسعين شوفت بقي انا طبعا نصيحتك عندي قيمة جدا جدا ولكن انا عاوز اعرف لية صوت الموتور بيبقي عالي مع التمانين زبطة كهربة متور يعني العلو دا ولية بحس اني في مشوار سفر حوالي 100 كيلو متر بستهلك كمية اقل مع التسعيين ومع التمانين كمية اكتر مش قادر اقولك كام لتر بالظبط انما بالاحساس صدقني انا اكاد اكون متاكد مكن الاحساس دا وخصوصا تعرف حضرتك انا بملي ال 90 لية لاني لما بروح المكان اللي انا مسافر لية ال 80 مش متوفر بسهولة انما التسعين تدخل اي محطة انما في بلدي ال 80 موجود وبسهولة صدقني انا عاوز ارجع للتمانين لانة الحقيقية الفرق في السعر كبير بالنسبة ليا واية راي حضرتك كمان في موضوع محسنات البنزين واضافتها كل فترة مع البنزين انتظر ردك الكريم |
رد: أنواع البنزين وعلاقتها بنسبة إنضغاط المحرك = Gasoline Octane number And Engine CR
اقتباس:
فعلاً ممكن الصوت يعلى بسيط مع البنزين الأقل في رقم الأوكتان بالنسبة لأن الإستهلاك في ال 80 أكثر من ال 90 هذا أيضاً ممكن ولكن فرق بسيط جداً اقتباس:
تجربتي معها توحي بأنها نصب ولا تقدم ولا تؤخر |
رد: أنواع البنزين وعلاقتها بنسبة إنضغاط المحرك = Gasoline Octane number And Engine CR
تحياتي بشمهندس احمد انا متشكر جدا جدا لاهتمامكم الكريم بالرد علي تساؤلاتي يبقي انا فعلا ملاحظاتي في محلها بالنسبة لعلو الصوت الحقيقية اني بحس انة مش العلو حاجة بسيطة بالعكس بحس انة صوت عالي والمتور بيبقي خشن انا متهايئلي هافضل مع ال 90 وخصوصا اني مش بتحرك كتير بالعربية اما بالنسبة لفرق الاستهلاك اقدر اقولك انة مش فرق بسيط ولكن اجابتي ديا نوع من الاحساس مش مدققة بالشكل المطلوب بعدد الليترات وكل الاحساس دا مبني علي مشوار السفر اللي بقول لحضرتك علية اللي تقريبا يبلغ 100 كيلو ويمكن انا بعملة مرتيين في الشهر اما بالنسبة لمحسنات الاوكتين فاكيد انت اكثر علما مني اة بشمهندس احمد تسمحلي سؤال في مجال السيارات بس مش في البنزين وانا اعتذر اني بحطة هنا في الموضوع دا حضرتك تقدر تنصحني بخصوص نوع كاوتش يكون كويس وتمنة معقول لعربيتي انا المقاس اللي بستعملة 70/165/13 وانا تقريبا مستقر علي الكمهو ناوي اجيب كمهو كوري ولكن فية حد قالي علي فردة اسمها كونتنتال هي الماني التكنولوجيا بولندي الصناعة انا لسة هاروح ابص عليها انا كمان يحكمني السعر انا لاقيت الكمهو في المقاس اللي انا قولت علية تعمل 220 جنية انتظر ردكم الكريم تحياتي |
رد: أنواع البنزين وعلاقتها بنسبة إنضغاط المحرك = Gasoline Octane number And Engine CR
اقتباس:
لا أرتاح لنوع كاوتش كونتننتال لدي إحساس إنه غالي إسم وخلاص البريدجستون مفيش أحسن منه ثم جود يير ثم الكوري عموماً مثل الهانكوك والكمهو أنا أستعمل كومهو وبرضه حاوب تشاور غيري |
رد: أنواع البنزين وعلاقتها بنسبة إنضغاط المحرك = Gasoline Octane number And Engine CR
|
الساعة الآن 04:06 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017