|
رد: FIAT 132 2000
اهلا و سهلا استاذ نوجه
علي فكره انا من المحله كمان لو عاوز عفشجي كويس عندك ميمي و رضا ابو سعده و مصطفي ابو سعده التلاته مافيش انضف منهم في المحله كلها ميمي عند حنفيه الحلوف و رضا قريب من مقابر سيدي خلف و مصطفي في ميدان الزراعه و دا رقم تليفوني 0122949398 لو عاوز تروح ممكن اجي معاك اعرفك علي اي حد فيهم و تبقي تروح له انت براحتك و حيعملوا لك الواجب. اما السروجي فعلا فرش ال 2000 صعب جدا انك تعمله لكن فيه سروجي فاتح في محلات نادي البلديه في الخلف بالضبط ممكن تسأله و اكيد حتلاقي الحل عنده |
رد: FIAT 132 2000
بسم الله الرحمن الرحيم نظرا لتفاعل العضو الرائع حازم خضر معي وتفاعله الايجابي مع كل الاعضاء انا قررت اصور العربيه بتاعتي في كامل مراحل الشد من بداية السمكره الى الدوكو الى الذي يليه وقررت أهدي الصور دي لحازم باشا خضر ولكل شخص بيعشق الفيات ال 132 وبعد ما اخلص شد للعربيه هعمل موضوع وهكتب فيه كل اللي تم فيها بإذن الله عشان يكون مرجع لكل شخص عايز يشد عربيته ال132 وهيكون طبعا الموضوع تحت رعاية حازم باشا خضر وكله لوجه الله الكريم نبتدي بعرض الصور في الصورة الاولى دي لسه القنطرة الجديده والستاره مش ركبت http://b.imagehost.org/0707/1_27.jpg دي صورة العربيه من الجنب الشمال الرفرف الامامي متغير هو و طبلتين البابين والعتب وكمان الدوران الخلفي للرفرف الخلفي هيتغير بس ماكنش لسه السمكري غيره في الصور اللي هعرضها http://b.imagehost.org/0688/1_12.jpg ودي صوره برضو متغير فيها برضو نفس اللي متغير في الجنب الشمال سالف الذكر وزي ما انتم شايفين السمكريه متلمين حوالين الرفرف الخلفي لانهم كانوا بيركبوا الدوران الخلفي http://b.imagehost.org/0331/1_22.jpg أسيبكم بقه مع باقي الصور http://b.imagehost.org/0897/1_19.jpg http://d.imagehost.org/0301/1_16.jpg http://b.imagehost.org/0329/1_21.jpg وفي النهاية انا بشكر حازم باشا خضر لعطاءه الغزير للموقع |
رد: FIAT 132 2000
يا أهل ااخبرة في ال132
انا امامي عربية موديل 77 ماتور 2000 صاحب العربية قالي انه ليسه عامله عمرة قريبا وجايب ردياتير جديد ومروحة وبطارية مجدد حاجات كثيره في العربيه بس العفشه عايز تتظبط والفرش من الداخل وهيكون فيها رخصة سنة عايز اعرف لو انا اخذتها وعايز اعمل العفشه كلها هيكلفني كام والفرش لو حاجة شبابي هيكلفني كام برجاء الرد علشان هشوفها النهاردة واخرها كام |
رد: FIAT 132 2000
اقتباس:
لكن لو هتجيب 2 مساعد خلفي وهتغير العفشه بالكامل من شدادات لطنابير لخلافه هتلكلفك في حدود 1300 جنيه تقريباً ده خلاف اجرة العفشجي اما بالنسبة للفرش انا اعتقد انه ممكن يكلفك حوالي 500 جنيه لو حاجه وسط انما لو عايز تشد فرش كويس اوي ممكن يكلفك 1000 جنيه وبالتوفيق |
رد: FIAT 132 2000
تليفوني رن انهارده الصبح و كان رقم غريب و لما رديت و اتعرفت علي المتصل
طلع الاستاذ احمد(SEVERMAN) :HAPPY_~211: طبعا المكامله اسعدتني كثيرا و فضلنا نتكلم مش اقل من ربع ساعه و حسيت اني اعرفه من زمان فعلا مصر موتورز بيحسس الاعضاء اننا جميعا اخوات و عائله واحده المهم اتكلمنا عن العربيه و الشغل اللي فيها لكن ليا ملاحظه نسيت اقولها و هي ان السقف ليه لسه عليه البويه و البرابيز الامامي و الخلفي راكبين تحت البرابيز لازم حيلاقي بارومه تتعمل و بعد ما يعملها يركب الزجاج تاني قبل ما تترش علشان لو السقف مش مطبع مع البرابيز يصلح اللي عمله و كمان بويه السقف من الافضل تتجرد علشان لو واخد معجون قبل كده و ربنا يبارك في العربيه و ان شاء الله تطلع زي ما انا راسمها في دماغي |
رد: FIAT 132 2000
السلام عليكم و رحمة الله و بركاته
الاخ العزيز حازم . اشكرك شكر كبيرؤ كبير علي ردك و ان شاء الله اتصل بيك عن قريب و بصراحة انت انسان محترم و كلك خبرة و ذوق و ربنا يبارك فيك |
رد: FIAT 132 2000
السلام عليكم
انا معايا 132 موديل 73 ماتور 2000 و بحاول انى أعدل الماتور أو أجيب واحد جديد بس مش عارف المواتير ألى ممكن تركب على العربية لأن الماتور ألى فيها فعلا حوت بنزين و كل سنتين بعمله عمرة و برده تعبان و بيطلع دخان أسود و زيت فعايز حل للمشكلة دى |
| الساعة الآن 12:51 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017